Psaumes 45
Biblia Hebraica Stuttgartensia

¹ לַמְנַצֵּ֣חַ עַל־שֹׁ֭שַׁנִּים לִבְנֵי־קֹ֑רַח מַ֝שְׂכִּ֗יל שִׁ֣יר יְדִידֹֽת׃ 2 Samuel 23.2 Job 33.3 Cantique 1.12 Esdras 7.6 Psaumes 49.3
² (45.1) רָ֘חַ֤שׁ לִבִּ֨י׀ דָּ֘בָ֤ר טֹ֗וב אֹמֵ֣ר אָ֭נִי מַעֲשַׂ֣י לְמֶ֑לֶךְ לְ֝שֹׁונִ֗י עֵ֤ט׀ סֹופֵ֬ר מָהִֽיר׃ Luc 4.22 Psaumes 21.6 Esaïe 50.4 Hébreux 1.3-1.4 Zacharie 9.17
³ (45.2) יָפְיָפִ֡יתָ מִבְּנֵ֬י אָדָ֗ם ה֣וּצַק חֵ֭ן בְּשְׂפְתֹותֶ֑יךָ עַל־כֵּ֤ן בֵּֽרַכְךָ֖ אֱלֹהִ֣ים לְעֹולָֽם׃ Apocalypse 1.16 Hébreux 4.12 Psaumes 21.5 Psaumes 96.6 Apocalypse 19.15
⁴ (45.3) חֲגֹֽור־חַרְבְּךָ֣ עַל־יָרֵ֣ךְ גִּבֹּ֑ור הֹ֝ודְךָ֗ וַהֲדָרֶֽךָ׃ Apocalypse 6.2 Psaumes 110.2-110.3 Psaumes 65.5 Apocalypse 19.17-19.21 Psaumes 21.8-21.9
⁵ (45.4) וַהֲדָ֬רְךָ֨׀ צְלַ֬ח רְכַ֗ב עַֽל־דְּבַר־אֱ֭מֶת וְעַנְוָה־צֶ֑דֶק וְתֹורְךָ֖ נֹורָאֹ֣ות יְמִינֶֽךָ׃ Psaumes 38.2 Nombres 24.8 Psaumes 22.27 Psaumes 21.12 Psaumes 66.3-66.4
⁶ (45.5) חִצֶּ֗יךָ שְׁנ֫וּנִ֥ים עַ֭מִּים תַּחְתֶּ֣יךָ יִפְּל֑וּ בְּ֝לֵ֗ב אֹויְבֵ֥י הַמֶּֽלֶךְ׃ Psaumes 93.2 Luc 1.32-1.33 Psaumes 145.13 Apocalypse 19.11 Esaïe 9.6-9.7
⁷ (45.6) כִּסְאֲךָ֣ אֱ֭לֹהִים עֹולָ֣ם וָעֶ֑ד שֵׁ֥בֶט מִ֝ישֹׁ֗ר שֵׁ֣בֶט מַלְכוּתֶֽךָ׃ Psaumes 33.5 Hébreux 1.9 Psaumes 21.6 Colossiens 1.18-1.19 Luc 4.18-4.21
⁸ (45.7) אָהַ֣בְתָּ צֶּדֶק֮ וַתִּשְׂנָ֫א רֶ֥שַׁע עַל־כֵּ֤ן׀ מְשָׁחֲךָ֡ אֱלֹהִ֣ים אֱ֭לֹהֶיךָ שֶׁ֥מֶן שָׂשֹׂ֗ון מֵֽחֲבֵרֶֽיךָ׃ Cantique 1.3 2 Corinthiens 2.14-2.16 Jean 19.39 Cantique 4.6 Matthieu 2.11
⁹ (45.8) מֹר־וַאֲהָלֹ֣ות קְ֭צִיעֹות כָּל־בִּגְדֹתֶ֑יךָ מִֽן־הֵ֥יכְלֵי שֵׁ֝֗ן מִנִּ֥י שִׂמְּחֽוּךָ׃ 1 Rois 2.19 Cantique 4.8-4.11 Esaïe 60.10-60.11 Cantique 6.8-6.9 Apocalypse 21.9
¹⁰ (45.9) בְּנֹ֣ות מְ֭לָכִים בְּיִקְּרֹותֶ֑יךָ נִצְּבָ֥ה שֵׁגַ֥ל לִֽ֝ימִינְךָ֗ בְּכֶ֣תֶם אֹופִֽיר׃ Cantique 2.10-2.13 Esaïe 55.1-55.3 2 Corinthiens 6.17-7.1 2 Corinthiens 5.16 Deutéronome 21.13
¹¹ (45.10) שִׁמְעִי־בַ֣ת וּ֭רְאִי וְהַטִּ֣י אָזְנֵ֑ךְ וְשִׁכְחִ֥י עַ֝מֵּ֗ךְ וּבֵ֥ית אָבִֽיךְ׃ Esaïe 54.5 Psaumes 95.6 Ephésiens 5.26-5.27 Philippiens 2.10-2.11 Cantique 1.12-1.16
¹² (45.11) וְיִתְאָ֣ו הַמֶּ֣לֶךְ יָפְיֵ֑ךְ כִּי־ה֥וּא אֲ֝דֹנַ֗יִךְ וְהִשְׁתַּֽחֲוִי־לֹֽו׃ Psaumes 22.29 Psaumes 72.10 Esaïe 49.23 Esaïe 60.6-60.7 Matthieu 2.11
¹³ (45.12) וּבַֽת־צֹ֨ר׀ בְּ֭מִנְחָה פָּנַ֥יִךְ יְחַלּ֗וּ עֲשִׁ֣ירֵי עָֽם׃ Apocalypse 19.7-19.8 Esaïe 61.10 Psaumes 45.9-45.10 Romains 3.22 2 Corinthiens 5.17
¹⁴ (45.13) כָּל־כְּבוּדָּ֣ה בַת־מֶ֣לֶךְ פְּנִ֑ימָה מִֽמִּשְׁבְּצֹ֖ות זָהָ֣ב לְבוּשָֽׁהּ׃ Juges 5.30 Cantique 6.13 2 Corinthiens 11.2 Cantique 6.8 Apocalypse 14.1-14.4
¹⁵ (45.14) לִרְקָמֹות֮ תּוּבַ֪ל לַ֫מֶּ֥לֶךְ בְּתוּלֹ֣ות אַ֭חֲרֶיהָ רֵעֹותֶ֑יהָ מ֖וּבָאֹ֣ות לָֽךְ׃ Esaïe 56.5 Apocalypse 7.15-7.17 Esaïe 60.19-60.20 Jude 1.24 Esaïe 35.10
¹⁶ (45.15) תּ֖וּבַלְנָה בִּשְׂמָחֹ֣ת וָגִ֑יל תְּ֝בֹאֶ֗ינָה בְּהֵ֣יכַל מֶֽלֶךְ׃ Apocalypse 5.10 Apocalypse 1.6 1 Pierre 2.9 Apocalypse 20.6 Philippiens 3.7-3.8
¹⁷ (45.16) תַּ֣חַת אֲ֭בֹתֶיךָ יִהְי֣וּ בָנֶ֑יךָ תְּשִׁיתֵ֥מֹו לְ֝שָׂרִ֗ים בְּכָל־הָאָֽרֶץ׃ Malachie 1.11 Esaïe 61.9 1 Corinthiens 11.26 Esaïe 62.3 Psaumes 72.17-72.19
¹⁸ (45.17) אַזְכִּ֣ירָה שִׁ֭מְךָ בְּכָל־דֹּ֣ר וָדֹ֑ר עַל־כֵּ֥ן עַמִּ֥ים יְ֝הֹודֻ֗ךָ לְעֹלָ֥ם וָעֶֽד׃