Ecclésiaste 1
Biblia Hebraica Stuttgartensia

¹ דִּבְרֵי֙ קֹהֶ֣לֶת בֶּן־דָּוִ֔ד מֶ֖לֶךְ בִּירוּשָׁלִָֽם׃ Ecclésiaste 1.12 Ecclésiaste 7.27 Ecclésiaste 12.8-12.10 Néhémie 6.7 2 Chroniques 9.30
² הֲבֵ֤ל הֲבָלִים֙ אָמַ֣ר קֹהֶ֔לֶת הֲבֵ֥ל הֲבָלִ֖ים הַכֹּ֥ל הָֽבֶל׃ Romains 8.20 Ecclésiaste 12.8 Psaumes 39.5-39.6 Psaumes 144.4 Psaumes 62.9-62.10
³ מַה־יִּתְרֹ֖ון לָֽאָדָ֑ם בְּכָל־עֲמָלֹ֔ו שֶֽׁיַּעֲמֹ֖ל תַּ֥חַת הַשָּֽׁמֶשׁ׃ Ecclésiaste 3.9 Ecclésiaste 5.16 Ecclésiaste 2.22 Ecclésiaste 2.11 Proverbes 23.4-23.5
⁴ דֹּ֤ור הֹלֵךְ֙ וְדֹ֣ור בָּ֔א וְהָאָ֖רֶץ לְעֹולָ֥ם עֹמָֽדֶת׃ Psaumes 104.5 Matthieu 24.35 Zacharie 1.5 Ecclésiaste 6.12 2 Pierre 3.10-3.13
⁵ וְזָרַ֥ח הַשֶּׁ֖מֶשׁ וּבָ֣א הַשָּׁ֑מֶשׁ וְאֶ֨ל־מְקֹומֹ֔ו שֹׁואֵ֛ף זֹורֵ֥חַֽ ה֖וּא שָֽׁם׃ Habakuk 3.11 Psaumes 19.4-19.6 Jérémie 33.20 Josué 10.13-10.14 Psaumes 104.19-104.23
⁶ הֹולֵךְ֙ אֶל־דָּרֹ֔ום וְסֹובֵ֖ב אֶל־צָפֹ֑ון סֹובֵ֤ב׀ סֹבֵב֙ הֹולֵ֣ךְ הָר֔וּחַ וְעַל־סְבִיבֹתָ֖יו שָׁ֥ב הָרֽוּחַ׃ Jean 3.8 Psaumes 107.29 Actes 27.13-27.15 Ecclésiaste 11.5 Jonas 1.4
⁷ כָּל־הַנְּחָלִים֙ הֹלְכִ֣ים אֶל־הַיָּ֔ם וְהַיָּ֖ם אֵינֶ֣נּוּ מָלֵ֑א אֶל־מְקֹ֗ום שֶׁ֤הַנְּחָלִים֙ הֹֽלְכִ֔ים שָׁ֛ם הֵ֥ם שָׁבִ֖ים לָלָֽכֶת׃ Job 38.10-38.11 Psaumes 104.6-104.9
⁸ כָּל־הַדְּבָרִ֣ים יְגֵעִ֔ים לֹא־יוּכַ֥ל אִ֖ישׁ לְדַבֵּ֑ר לֹא־תִשְׂבַּ֥ע עַ֨יִן֙ לִרְאֹ֔ות וְלֹא־תִמָּלֵ֥א אֹ֖זֶן מִשְּׁמֹֽעַ׃ Proverbes 27.20 Ecclésiaste 4.8 Matthieu 11.28 Ecclésiaste 4.1-4.4 Apocalypse 7.16-7.17
⁹ מַה־שֶּֽׁהָיָה֙ ה֣וּא שֶׁיִּהְיֶ֔ה וּמַה־שֶּׁנַּֽעֲשָׂ֔ה ה֖וּא שֶׁיֵּעָשֶׂ֑ה וְאֵ֥ין כָּל־חָדָ֖שׁ תַּ֥חַת הַשָּֽׁמֶשׁ׃ Ecclésiaste 3.15 Jérémie 31.22 Apocalypse 21.1 Ecclésiaste 2.12 Ecclésiaste 6.10
¹⁰ יֵ֥שׁ דָּבָ֛ר שֶׁיֹּאמַ֥ר רְאֵה־זֶ֖ה חָדָ֣שׁ ה֑וּא כְּבָר֙ הָיָ֣ה לְעֹֽלָמִ֔ים אֲשֶׁ֥ר הָיָ֖ה מִלְּפָנֵֽנוּ׃ Luc 17.26-17.30 Actes 7.51 Matthieu 23.30-23.32 Matthieu 5.12 1 Thessaloniciens 2.14-2.16
¹¹ אֵ֥ין זִכְרֹ֖ון לָרִאשֹׁנִ֑ים וְגַ֨ם לָאַחֲרֹנִ֜ים שֶׁיִּהְי֗וּ לֹֽא־יִהְיֶ֤ה לָהֶם֙ זִכָּרֹ֔ון עִ֥ם שֶׁיִּהְי֖וּ לָאַחֲרֹנָֽה׃ פ Ecclésiaste 2.16 Ecclésiaste 9.5 Psaumes 9.6 Esaïe 41.22-41.26 Esaïe 42.9
¹² אֲנִ֣י קֹהֶ֗לֶת הָיִ֥יתִי מֶ֛לֶךְ עַל־יִשְׂרָאֵ֖ל בִּירוּשָׁלִָֽם׃ Ecclésiaste 1.1 1 Rois 4.1-4.19
¹³ וְנָתַ֣תִּי אֶת־לִבִּ֗י לִדְרֹ֤ושׁ וְלָתוּר֙ בַּֽחָכְמָ֔ה עַ֛ל כָּל־אֲשֶׁ֥ר נַעֲשָׂ֖ה תַּ֣חַת הַשָּׁמָ֑יִם ה֣וּא׀ עִנְיַ֣ן רָ֗ע נָתַ֧ן אֱלֹהִ֛ים לִבְנֵ֥י הָאָדָ֖ם לַעֲנֹ֥ות בֹּֽו׃ Ecclésiaste 3.10 Genèse 3.19 Ecclésiaste 1.17 Ecclésiaste 8.16-8.17 Ecclésiaste 7.25
¹⁴ רָאִ֨יתִי֙ אֶת־כָּל־הַֽמַּעֲשִׂ֔ים שֶֽׁנַּעֲשׂ֖וּ תַּ֣חַת הַשָּׁ֑מֶשׁ וְהִנֵּ֥ה הַכֹּ֛ל הֶ֖בֶל וּרְע֥וּת רֽוּחַ׃ Ecclésiaste 2.11 Ecclésiaste 2.17 Ecclésiaste 2.26 Ecclésiaste 1.17-1.18 Ecclésiaste 4.4
¹⁵ מְעֻוָּ֖ת לֹא־יוּכַ֣ל לִתְקֹ֑ן וְחֶסְרֹ֖ון לֹא־יוּכַ֥ל לְהִמָּנֹֽות׃ Esaïe 40.4 Ecclésiaste 7.12-7.13 Ecclésiaste 3.14 Matthieu 6.27 Daniel 4.35
¹⁶ דִּבַּ֨רְתִּי אֲנִ֤י עִם־לִבִּי֙ לֵאמֹ֔ר אֲנִ֗י הִנֵּ֨ה הִגְדַּ֤לְתִּי וְהֹוסַ֨פְתִּי֙ חָכְמָ֔ה עַ֛ל כָּל־אֲשֶׁר־הָיָ֥ה לְפָנַ֖י עַל־יְרוּשָׁלִָ֑ם וְלִבִּ֛י רָאָ֥ה הַרְבֵּ֖ה חָכְמָ֥ה וָדָֽעַת׃ Ecclésiaste 2.9 1 Rois 4.30 1 Rois 10.7 1 Rois 3.12-3.13 Psaumes 77.6
¹⁷ וָאֶתְּנָ֤ה לִבִּי֙ לָדַ֣עַת חָכְמָ֔ה וְדַ֥עַת הֹולֵלֹ֖ות וְשִׂכְל֑וּת יָדַ֕עְתִּי שֶׁגַּם־זֶ֥ה ה֖וּא רַעְיֹ֥ון רֽוּחַ׃ Ecclésiaste 2.3 Ecclésiaste 2.10-2.12 1 Thessaloniciens 5.21 Ecclésiaste 7.23-7.25 Ecclésiaste 1.13-1.14
¹⁸ כִּ֛י בְּרֹ֥ב חָכְמָ֖ה רָב־כָּ֑עַס וְיֹוסִ֥יף דַּ֖עַת יֹוסִ֥יף מַכְאֹֽוב׃ 1 Corinthiens 3.18-3.20 Ecclésiaste 12.12-12.13 Job 28.28 Ecclésiaste 2.23 Ecclésiaste 7.16