Osée 4.11
Septante

Péché et jugement d’Israël

Reproches contre l’idolâtrie

¹ ἀκούσατε λόγον κυρίου υἱοὶ Ισραηλ διότι κρίσις τῷ κυρίῳ πρὸς τοὺς κατοικοῦντας τὴν γῆν διότι οὐκ ἔστιν ἀλήθεια οὐδὲ ἔλεος οὐδὲ ἐπίγνωσις θεοῦ ἐπὶ τῆς γῆς.
Jérémie 4.22 Michée 6.2 Esaïe 3.13-3.14 Jérémie 25.31 Osée 12.2
² ἀρὰ καὶ ψεῦδος καὶ φόνος καὶ κλοπὴ καὶ μοιχεία κέχυται ἐπὶ τῆς γῆς καὶ αἵματα ἐφ’ αἵμασιν μίσγουσιν.
Osée 6.9 Osée 7.1 Jérémie 6.7 Jérémie 7.6-7.10 Jérémie 5.26-5.27
³ διὰ τοῦτο πενθήσει ἡ γῆ καὶ σμικρυνθήσεται σὺν πᾶσιν τοῖς κατοικοῦσιν αὐτήν σὺν τοῖς θηρίοις τοῦ ἀγροῦ καὶ σὺν τοῖς ἑρπετοῖς τῆς γῆς καὶ σὺν τοῖς πετεινοῖς τοῦ οὐρανοῦ καὶ οἱ ἰχθύες τῆς θαλάσσης ἐκλείψουσιν.
Sophonie 1.3 Amos 5.16 Ezéchiel 38.20 Jérémie 4.27-4.28 Jérémie 4.25
⁴ ὅπως μηδεὶς μήτε δικάζηται μήτε ἐλέγχῃ μηδείς ὁ δὲ λαός μου ὡς ἀντιλεγόμενος ἱερεύς.
Deutéronome 17.12 Osée 4.17 Amos 5.13 Jérémie 18.18 Ezéchiel 3.26
⁵ καὶ ἀσθενήσεις ἡμέρας καὶ ἀσθενήσει καὶ προφήτης μετὰ σοῦ νυκτὶ ὡμοίωσα τὴν μητέρα σου.
Jérémie 15.8 Osée 2.2 Ezéchiel 13.9-13.16 Ezéchiel 16.44-16.45 Jérémie 6.4-6.5
⁶ ὡμοιώθη ὁ λαός μου ὡς οὐκ ἔχων γνῶσιν ὅτι σὺ ἐπίγνωσιν ἀπώσω κἀγὼ ἀπώσομαι σὲ τοῦ μὴ ἱερατεύειν μοι καὶ ἐπελάθου νόμον θεοῦ σου κἀγὼ ἐπιλήσομαι τέκνων σου.
Esaïe 5.13 Proverbes 19.2 Esaïe 17.10 Esaïe 1.3 Osée 8.14
⁷ κατὰ τὸ πλῆθος αὐτῶν οὕτως ἥμαρτόν μοι τὴν δόξαν αὐτῶν εἰς ἀτιμίαν θήσομαι.
Osée 13.6 1 Samuel 2.30 Malachie 2.9 Habakuk 2.16 Philippiens 3.19
⁸ ἁμαρτίας λαοῦ μου φάγονται καὶ ἐν ταῖς ἀδικίαις αὐτῶν λήμψονται τὰς ψυχὰς αὐτῶν.
Lévitique 6.26 Esaïe 56.11 Michée 3.11 Malachie 1.10 Romains 16.18
⁹ καὶ ἔσται καθὼς ὁ λαὸς οὕτως καὶ ὁ ἱερεύς καὶ ἐκδικήσω ἐπ’ αὐτὸν τὰς ὁδοὺς αὐτοῦ καὶ τὰ διαβούλια αὐτοῦ ἀνταποδώσω αὐτῷ.
Esaïe 24.2 Jérémie 5.31 Osée 9.9 Psaumes 109.17-109.18 Jérémie 23.11-23.12
¹⁰ καὶ φάγονται καὶ οὐ μὴ ἐμπλησθῶσιν ἐπόρνευσαν καὶ οὐ μὴ κατευθύνωσιν διότι τὸν κύριον ἐγκατέλιπον τοῦ φυλάξαι.
Michée 6.14 Lévitique 26.26 Aggée 1.6 2 Chroniques 24.17 Psaumes 36.3
¹¹ πορνείαν καὶ οἶνον καὶ μέθυσμα ἐδέξατο καρδία λαοῦ μου.
Proverbes 20.1 Luc 21.34 Esaïe 28.7 Esaïe 5.12 Osée 4.12
¹² ἐν συμβόλοις ἐπηρώτων καὶ ἐν ῥάβδοις αὐτοῦ ἀπήγγελλον αὐτῷ πνεύματι πορνείας ἐπλανήθησαν καὶ ἐξεπόρνευσαν ἀπὸ τοῦ θεοῦ αὐτῶν.
Jérémie 2.27 Osée 5.4 Habakuk 2.19 Esaïe 44.18-44.20 Jérémie 10.8
¹³ ἐπὶ τὰς κορυφὰς τῶν ὀρέων ἐθυσίαζον καὶ ἐπὶ τοὺς βουνοὺς ἔθυον ὑποκάτω δρυὸς καὶ λεύκης καὶ δένδρου συσκιάζοντος ὅτι καλὸν σκέπη διὰ τοῦτο ἐκπορνεύσουσιν αἱ θυγατέρες ὑμῶν καὶ αἱ νύμφαι ὑμῶν μοιχεύσουσιν.
Esaïe 1.29 Jérémie 3.6 Ezéchiel 6.13 Amos 7.17 Esaïe 57.7
¹⁴ καὶ οὐ μὴ ἐπισκέψωμαι ἐπὶ τὰς θυγατέρας ὑμῶν ὅταν πορνεύωσιν καὶ ἐπὶ τὰς νύμφας ὑμῶν ὅταν μοιχεύωσιν διότι καὶ αὐτοὶ μετὰ τῶν πορνῶν συνεφύροντο καὶ μετὰ τῶν τετελεσμένων ἔθυον καὶ ὁ λαὸς ὁ συνίων συνεπλέκετο μετὰ πόρνης.
Osée 4.1 Esaïe 56.11 Osée 4.17 2 Rois 23.7 Deutéronome 23.17
¹⁵ σὺ δέ Ισραηλ μὴ ἀγνόει καὶ Ιουδα μὴ εἰσπορεύεσθε εἰς Γαλγαλα καὶ μὴ ἀναβαίνετε εἰς τὸν οἶκον Ων καὶ μὴ ὀμνύετε ζῶντα κύριον.
Osée 12.11 Osée 9.15 Amos 4.4 Amos 8.14 Osée 10.8
¹⁶ ὅτι ὡς δάμαλις παροιστρῶσα παροίστρησεν Ισραηλ νῦν νεμήσει αὐτοὺς κύριος ὡς ἀμνὸν ἐν εὐρυχώρῳ.
Jérémie 14.7 Jérémie 7.24 Lévitique 26.33 Zacharie 7.11 Jérémie 3.8
¹⁷ μέτοχος εἰδώλων Εφραιμ ἔθηκεν ἑαυτῷ σκάνδαλα.
Osée 13.2 Psaumes 81.12 Matthieu 15.14 Osée 4.4 Osée 11.2
¹⁸ ᾑρέτισεν Χαναναίους πορνεύοντες ἐξεπόρνευσαν ἠγάπησαν ἀτιμίαν ἐκ φρυάγματος αὐτῶν.
Michée 3.11 2 Rois 17.7-17.17 Psaumes 47.9 Amos 5.12 Proverbes 30.15-30.16
¹⁹ συστροφὴ πνεύματος σὺ εἶ ἐν ταῖς πτέρυξιν αὐτῆς καὶ καταισχυνθήσονται ἐκ τῶν θυσιαστηρίων αὐτῶν.
Esaïe 1.29 Jérémie 4.11-4.12 Osée 13.15 Jérémie 51.1 Jérémie 3.24-3.25