Osée 4
Septante

Péché et jugement d’Israël

Reproches contre l’idolâtrie

1 ἀκούσατε λόγον κυρίου υἱοὶ Ισραηλ διότι κρίσις τῷ κυρίῳ πρὸς τοὺς κατοικοῦντας τὴν γῆν διότι οὐκ ἔστιν ἀλήθεια οὐδὲ ἔλεος οὐδὲ ἐπίγνωσις θεοῦ ἐπὶ τῆς γῆς.
Jérémie 4.22 Michée 6.2 Esaïe 3.13-3.14 Osée 12.2 Jérémie 5.4
2 ἀρὰ καὶ ψεῦδος καὶ φόνος καὶ κλοπὴ καὶ μοιχεία κέχυται ἐπὶ τῆς γῆς καὶ αἵματα ἐφ’ αἵμασιν μίσγουσιν.
Osée 6.9 Jérémie 6.7 Jérémie 7.6-7.10 Jérémie 5.26-5.27 Michée 7.2
3 διὰ τοῦτο πενθήσει ἡ γῆ καὶ σμικρυνθήσεται σὺν πᾶσιν τοῖς κατοικοῦσιν αὐτήν σὺν τοῖς θηρίοις τοῦ ἀγροῦ καὶ σὺν τοῖς ἑρπετοῖς τῆς γῆς καὶ σὺν τοῖς πετεινοῖς τοῦ οὐρανοῦ καὶ οἱ ἰχθύες τῆς θαλάσσης ἐκλείψουσιν.
Sophonie 1.3 Jérémie 4.25 Amos 5.16 Ezéchiel 38.20 Jérémie 4.27-4.28
4 ὅπως μηδεὶς μήτε δικάζηται μήτε ἐλέγχῃ μηδείς ὁ δὲ λαός μου ὡς ἀντιλεγόμενος ἱερεύς.
Deutéronome 17.12 Osée 4.17 Amos 5.13 Amos 6.10 Matthieu 7.3-7.6
5 καὶ ἀσθενήσεις ἡμέρας καὶ ἀσθενήσει καὶ προφήτης μετὰ σοῦ νυκτὶ ὡμοίωσα τὴν μητέρα σου.
Jérémie 15.8 Osée 2.2 Jérémie 50.12 Jérémie 8.10-8.12 Galates 4.26
6 ὡμοιώθη ὁ λαός μου ὡς οὐκ ἔχων γνῶσιν ὅτι σὺ ἐπίγνωσιν ἀπώσω κἀγὼ ἀπώσομαι σὲ τοῦ μὴ ἱερατεύειν μοι καὶ ἐπελάθου νόμον θεοῦ σου κἀγὼ ἐπιλήσομαι τέκνων σου.
Esaïe 5.13 Proverbes 19.2 Osée 8.14 2 Chroniques 15.3 Esaïe 17.10
7 κατὰ τὸ πλῆθος αὐτῶν οὕτως ἥμαρτόν μοι τὴν δόξαν αὐτῶν εἰς ἀτιμίαν θήσομαι.
Osée 13.6 Malachie 2.9 1 Samuel 2.30 Osée 13.14 Osée 6.9
8 ἁμαρτίας λαοῦ μου φάγονται καὶ ἐν ταῖς ἀδικίαις αὐτῶν λήμψονται τὰς ψυχὰς αὐτῶν.
Michée 3.11 Lévitique 6.26 Esaïe 56.11 Lévitique 7.6-7.7 Tite 1.11
9 καὶ ἔσται καθὼς ὁ λαὸς οὕτως καὶ ὁ ἱερεύς καὶ ἐκδικήσω ἐπ’ αὐτὸν τὰς ὁδοὺς αὐτοῦ καὶ τὰ διαβούλια αὐτοῦ ἀνταποδώσω αὐτῷ.
Esaïe 24.2 Jérémie 5.31 Ezéchiel 22.26-22.31 Osée 8.13 Zacharie 1.6
10 καὶ φάγονται καὶ οὐ μὴ ἐμπλησθῶσιν ἐπόρνευσαν καὶ οὐ μὴ κατευθύνωσιν διότι τὸν κύριον ἐγκατέλιπον τοῦ φυλάξαι.
Michée 6.14 Lévitique 26.26 Aggée 1.6 Esaïe 65.13-65.16 Proverbes 13.25
11 πορνείαν καὶ οἶνον καὶ μέθυσμα ἐδέξατο καρδία λαοῦ μου.
Proverbes 20.1 Luc 21.34 Esaïe 28.7 Esaïe 5.12 Romains 13.11-13.14
12 ἐν συμβόλοις ἐπηρώτων καὶ ἐν ῥάβδοις αὐτοῦ ἀπήγγελλον αὐτῷ πνεύματι πορνείας ἐπλανήθησαν καὶ ἐξεπόρνευσαν ἀπὸ τοῦ θεοῦ αὐτῶν.
Jérémie 2.27 Osée 5.4 Esaïe 44.18-44.20 Habakuk 2.19 Ezéchiel 23.1-23.49
13 ἐπὶ τὰς κορυφὰς τῶν ὀρέων ἐθυσίαζον καὶ ἐπὶ τοὺς βουνοὺς ἔθυον ὑποκάτω δρυὸς καὶ λεύκης καὶ δένδρου συσκιάζοντος ὅτι καλὸν σκέπη διὰ τοῦτο ἐκπορνεύσουσιν αἱ θυγατέρες ὑμῶν καὶ αἱ νύμφαι ὑμῶν μοιχεύσουσιν.
Esaïe 1.29 Ezéchiel 6.13 Jérémie 3.6 Amos 7.17 Esaïe 57.5
14 καὶ οὐ μὴ ἐπισκέψωμαι ἐπὶ τὰς θυγατέρας ὑμῶν ὅταν πορνεύωσιν καὶ ἐπὶ τὰς νύμφας ὑμῶν ὅταν μοιχεύωσιν διότι καὶ αὐτοὶ μετὰ τῶν πορνῶν συνεφύροντο καὶ μετὰ τῶν τετελεσμένων ἔθυον καὶ ὁ λαὸς ὁ συνίων συνεπλέκετο μετὰ πόρνης.
Osée 4.1 Esaïe 1.5 Osée 4.5-4.6 Proverbes 28.5 Jean 8.43
15 σὺ δέ Ισραηλ μὴ ἀγνόει καὶ Ιουδα μὴ εἰσπορεύεσθε εἰς Γαλγαλα καὶ μὴ ἀναβαίνετε εἰς τὸν οἶκον Ων καὶ μὴ ὀμνύετε ζῶντα κύριον.
Osée 12.11 Osée 9.15 Amos 4.4 Osée 10.5 Jérémie 5.2
16 ὅτι ὡς δάμαλις παροιστρῶσα παροίστρησεν Ισραηλ νῦν νεμήσει αὐτοὺς κύριος ὡς ἀμνὸν ἐν εὐρυχώρῳ.
Jérémie 5.6 Jérémie 8.5 Jérémie 3.6 Esaïe 22.18 Jérémie 3.11
17 μέτοχος εἰδώλων Εφραιμ ἔθηκεν ἑαυτῷ σκάνδαλα.
Matthieu 15.14 Osée 4.4 Osée 13.2 Psaumes 81.12 Apocalypse 22.11
18 ᾑρέτισεν Χαναναίους πορνεύοντες ἐξεπόρνευσαν ἠγάπησαν ἀτιμίαν ἐκ φρυάγματος αὐτῶν.
Michée 3.11 Exode 23.8 1 Samuel 12.3-12.4 1 Samuel 8.3 Esaïe 1.21-1.22
19 συστροφὴ πνεύματος σὺ εἶ ἐν ταῖς πτέρυξιν αὐτῆς καὶ καταισχυνθήσονται ἐκ τῶν θυσιαστηρίων αὐτῶν.
Esaïe 1.29 Jérémie 4.11-4.12 Osée 13.15 Jérémie 51.1 Zacharie 5.9-5.11