1 Αὐτὸς δὲ ἐγὼ Παῦλος παρακαλῶ ὑμᾶς διὰ τῆς πραΰτητος καὶ ἐπιεικείας τοῦ Χριστοῦ, ὃς κατὰ πρόσωπον μὲν ταπεινὸς ἐν ὑμῖν, ἀπὼν δὲ θαρρῶ εἰς ὑμᾶς·
2 Corinthiens 10.10 Matthieu 11.29 Romains 12.1 Galates 5.2 Zacharie 9.9
2 δέομαι δὲ τὸ μὴ παρὼν θαρρῆσαι τῇ πεποιθήσει ᾗ λογίζομαι τολμῆσαι ἐπί τινας τοὺς λογιζομένους ἡμᾶς ὡς κατὰ σάρκα περιπατοῦντας.
2 Corinthiens 13.10 2 Corinthiens 13.2 Romains 8.5 Ephésiens 2.2-2.3 2 Corinthiens 11.9-11.13
3 ἐν σαρκὶ γὰρ περιπατοῦντες οὐ κατὰ σάρκα στρατευόμεθα—
2 Timothée 2.3-2.4 1 Pierre 4.1-4.2 2 Timothée 4.7 Romains 8.13 2 Corinthiens 10.4
4 τὰ γὰρ ὅπλα τῆς στρατείας ἡμῶν οὐ σαρκικὰ ἀλλὰ δυνατὰ τῷ θεῷ πρὸς καθαίρεσιν ὀχυρωμάτων—λογισμοὺς καθαιροῦντες
Jérémie 1.10 2 Corinthiens 6.7 1 Corinthiens 2.5 2 Corinthiens 13.3-13.4 1 Timothée 1.18
5 καὶ πᾶν ὕψωμα ἐπαιρόμενον κατὰ τῆς γνώσεως τοῦ θεοῦ, καὶ αἰχμαλωτίζοντες πᾶν νόημα εἰς τὴν ὑπακοὴν τοῦ Χριστοῦ,
Matthieu 15.19 Romains 7.23 1 Pierre 1.14-1.15 Esaïe 55.7 Esaïe 2.11-2.12
6 καὶ ἐν ἑτοίμῳ ἔχοντες ἐκδικῆσαι πᾶσαν παρακοήν, ὅταν πληρωθῇ ὑμῶν ἡ ὑπακοή.
2 Corinthiens 2.9 2 Corinthiens 7.15 Nombres 16.26-16.30 Actes 13.10-13.11 Actes 5.3-5.11
7 Τὰ κατὰ πρόσωπον βλέπετε. εἴ τις πέποιθεν ἑαυτῷ Χριστοῦ εἶναι, τοῦτο λογιζέσθω πάλιν ⸀ἐφ’ ἑαυτοῦ ὅτι καθὼς αὐτὸς Χριστοῦ οὕτως καὶ ⸀ἡμεῖς.
2 Corinthiens 5.12 1 Corinthiens 14.37 Jean 7.24 2 Corinthiens 11.23 1 Corinthiens 9.1
8 ἐάν ⸀τε ⸀γὰρ περισσότερόν τι καυχήσωμαι περὶ τῆς ἐξουσίας ἡμῶν, ἧς ἔδωκεν ὁ ⸀κύριος εἰς οἰκοδομὴν καὶ οὐκ εἰς καθαίρεσιν ὑμῶν, οὐκ αἰσχυνθήσομαι,
2 Corinthiens 13.10 2 Corinthiens 13.2-13.3 2 Corinthiens 13.8 Galates 1.1 2 Corinthiens 1.24
9 ἵνα μὴ δόξω ὡς ἂν ἐκφοβεῖν ὑμᾶς διὰ τῶν ἐπιστολῶν·
1 Corinthiens 4.5 2 Corinthiens 10.10 1 Corinthiens 4.19-4.21
10 ὅτι Αἱ ⸂ἐπιστολαὶ μέν⸃, φησίν, βαρεῖαι καὶ ἰσχυραί, ἡ δὲ παρουσία τοῦ σώματος ἀσθενὴς καὶ ὁ λόγος ἐξουθενημένος.
1 Corinthiens 1.17 2 Corinthiens 11.6 Galates 4.13-4.14 1 Corinthiens 2.1-2.4 Exode 4.10
11 τοῦτο λογιζέσθω ὁ τοιοῦτος, ὅτι οἷοί ἐσμεν τῷ λόγῳ δι’ ἐπιστολῶν ἀπόντες, τοιοῦτοι καὶ παρόντες τῷ ἔργῳ.
2 Corinthiens 13.10 2 Corinthiens 13.2-13.3 1 Corinthiens 4.19-4.20 2 Corinthiens 12.20
12 Οὐ γὰρ τολμῶμεν ἐγκρῖναι ἢ συγκρῖναι ἑαυτούς τισιν τῶν ἑαυτοὺς συνιστανόντων· ἀλλὰ αὐτοὶ ἐν ἑαυτοῖς ἑαυτοὺς μετροῦντες καὶ συγκρίνοντες ἑαυτοὺς ἑαυτοῖς οὐ συνιᾶσιν.
2 Corinthiens 3.1 Proverbes 27.2 Proverbes 26.12 Luc 18.11 2 Corinthiens 10.18
13 ἡμεῖς δὲ ⸀οὐκ εἰς τὰ ἄμετρα καυχησόμεθα, ἀλλὰ κατὰ τὸ μέτρον τοῦ κανόνος οὗ ἐμέρισεν ἡμῖν ὁ θεὸς μέτρου, ἐφικέσθαι ἄχρι καὶ ὑμῶν—
Romains 15.20 Proverbes 25.14 2 Corinthiens 10.14-10.15 Romains 10.18 1 Corinthiens 12.11
14 οὐ γὰρ ὡς μὴ ἐφικνούμενοι εἰς ὑμᾶς ὑπερεκτείνομεν ἑαυτούς, ἄχρι γὰρ καὶ ὑμῶν ἐφθάσαμεν ἐν τῷ εὐαγγελίῳ τοῦ Χριστοῦ—
1 Corinthiens 4.15 Romains 1.16 Marc 1.1 Colossiens 1.5 1 Corinthiens 9.1-9.2
15 οὐκ εἰς τὰ ἄμετρα καυχώμενοι ἐν ἀλλοτρίοις κόποις, ἐλπίδα δὲ ἔχοντες αὐξανομένης τῆς πίστεως ὑμῶν ἐν ὑμῖν μεγαλυνθῆναι κατὰ τὸν κανόνα ἡμῶν εἰς περισσείαν,
Romains 15.20 2 Corinthiens 10.13 2 Thessaloniciens 1.3 Actes 5.13
16 εἰς τὰ ὑπερέκεινα ὑμῶν εὐαγγελίσασθαι, οὐκ ἐν ἀλλοτρίῳ κανόνι εἰς τὰ ἕτοιμα καυχήσασθαι.
Romains 15.24-15.28 Actes 19.21
17 Ὁ δὲ καυχώμενος ἐν κυρίῳ καυχάσθω·
1 Corinthiens 1.31 Jérémie 9.23-9.24 Psaumes 106.5 Esaïe 65.16 Jérémie 4.2
18 οὐ γὰρ ὁ ἑαυτὸν ⸀συνιστάνων, ἐκεῖνός ἐστιν δόκιμος, ἀλλὰ ὃν ὁ κύριος συνίστησιν.
Romains 2.29 2 Corinthiens 10.12 1 Corinthiens 4.5 1 Pierre 1.7 Proverbes 27.2