Psaumes 90.10
Bible en Swahili de l’est

Quatrième livre

La brièveté de la vie humaine

¹ Wewe, Bwana, umekuwa makao yetu, Kizazi baada ya kizazi.
² Kabla haijazaliwa milima, wala hujaiumba dunia, Na tangu milele hata milele ndiwe Mungu.
³ Wamrudisha mtu mavumbini, usemapo, Rudini, enyi wanadamu.
⁴ Maana miaka elfu machoni pako Ni kama siku ya jana ikiisha kupita, Na kama kesha la usiku.
⁵ Wawagharikisha, huwa kama usingizi, Asubuhi huwa kama majani yameayo.
⁶ Asubuhi yachipuka na kumea, Jioni yakatika na kukauka.
⁷ Maana tumetoweshwa kwa hasira yako, Na kwa ghadhabu yako tumefadhaishwa.
⁸ Umeyaweka maovu yetu mbele zako, Siri zetu katika mwanga wa uso wako.
⁹ Maana siku zetu zote zimepita katika hasira yako, Tumetowesha miaka yetu kama kite.
¹⁰ Siku za miaka yetu ni miaka sabini, Na ikiwa tuna nguvu miaka themanini; Na kiburi chake ni taabu na ubatili, Maana chapita upesi tukatokomea mara.
¹¹ Ni nani aujuaye uweza wa hasira yako? Na ghadhabu yako kama ipasavyo kicho chako?
¹² Basi, utujulishe kuzihesabu siku zetu, Tujipatie moyo wa hekima.
¹³ Ee Bwana urudi, hata lini? Uwahurumie watumishi wako.
¹⁴ Utushibishe asubuhi kwa fadhili zako, Nasi tutashangilia na kufurahi siku zetu zote.
¹⁵ Utufurahishe kwa kadiri ya siku ulizotutesa, Kama miaka ile tuliyoona mabaya.
¹⁶ Matendo yako na yaonekane kwa watumishi wako, Na adhama yako kwa watoto wao.
¹⁷ Na uzuri wa Bwana, Mungu wetu, uwe juu yetu, Na kazi ya mikono yetu utufanyie thabiti, Naam, kazi ya mikono yetu uithibitishe.