Genèse 14.12
Vulgate

Abram vainqueur de plusieurs rois

¹ factum est autem in illo tempore ut Amrafel rex Sennaar et Arioch rex Ponti et Chodorlahomor rex Aelamitarum et Thadal rex Gentium
Genèse 10.10 Genèse 10.22 Esaïe 11.11 Genèse 11.2 Esaïe 22.6
² inirent bellum contra Bara regem Sodomorum et contra Bersa regem Gomorrae et contra Sennaab regem Adamae et contra Semeber regem Seboim contraque regem Balae ipsa est Segor
Genèse 13.10 Genèse 10.19 Deutéronome 29.23 Deutéronome 34.3 Néhémie 11.34
³ omnes hii convenerunt in vallem Silvestrem quae nunc est mare Salis
Josué 3.16 Nombres 34.12 Deutéronome 3.17 Genèse 19.24 Psaumes 107.34
⁴ duodecim enim annis servierant Chodorlahomor et tertiodecimo anno recesserunt ab eo
Ezéchiel 17.15 Genèse 9.25-9.26
⁵ igitur anno quartodecimo venit Chodorlahomor et reges qui erant cum eo percusseruntque Rafaim in Astharothcarnaim et Zuzim cum eis et Emim in Savecariathaim
Deutéronome 3.11 Genèse 15.20 Deutéronome 1.4 Deutéronome 2.10-2.11 2 Samuel 5.18
⁶ et Chorreos in montibus Seir usque ad campestria Pharan quae est in solitudine
Deutéronome 2.22 Genèse 21.21 Deutéronome 2.12 Nombres 12.16 Nombres 13.3
⁷ reversique sunt et venerunt ad fontem Mesfat ipsa est Cades et percusserunt omnem regionem Amalechitarum et Amorreum qui habitabat in Asasonthamar
2 Chroniques 20.2 Genèse 20.1 Genèse 16.14 Nombres 14.45 Josué 15.62
⁸ et egressi sunt rex Sodomorum et rex Gomorrae rexque Adamae et rex Seboim necnon et rex Balae quae est Segor et direxerunt contra eos aciem in valle Silvestri
Genèse 19.20 Genèse 13.10 Genèse 19.22 Genèse 14.2-14.3 Genèse 14.10
⁹ scilicet adversum Chodorlahomor regem Aelamitarum et Thadal regem Gentium et Amrafel regem Sennaar et Arioch regem Ponti quattuor reges adversus quinque
¹⁰ vallis autem Silvestris habebat puteos multos bituminis itaque rex Sodomorum et Gomorrae terga verterunt cecideruntque ibi et qui remanserant fugerunt ad montem
Genèse 19.17 Genèse 19.30 Genèse 11.3 Jérémie 48.44 Psaumes 83.10
¹¹ tulerunt autem omnem substantiam Sodomorum et Gomorrae et universa quae ad cibum pertinent et abierunt
Genèse 14.21 Genèse 14.16 Deutéronome 28.35 Deutéronome 28.31 Genèse 12.5
¹² necnon et Loth et substantiam eius filium fratris Abram qui habitabat in Sodomis
Genèse 12.5 Genèse 11.27 Genèse 13.12-13.13 Jérémie 2.17-2.19 Nombres 16.26
¹³ et ecce unus qui evaserat nuntiavit Abram Hebraeo qui habitabat in convalle Mambre Amorrei fratris Eschol et fratris Aner hii enim pepigerant foedus cum Abram
Genèse 13.18 Genèse 14.24 Genèse 40.15 Philippiens 2.5 Nombres 21.21
¹⁴ quod cum audisset Abram captum videlicet Loth fratrem suum numeravit expeditos vernaculos suos trecentos decem et octo et persecutus est eos usque Dan
Juges 18.29 Genèse 15.3 Deutéronome 34.1 Genèse 17.27 Ecclésiaste 2.7
¹⁵ et divisis sociis inruit super eos nocte percussitque eos et persecutus est usque Hoba quae est ad levam Damasci
Esaïe 41.2-41.3 Actes 9.2 Deutéronome 15.2 1 Rois 15.18 Psaumes 112.5
¹⁶ reduxitque omnem substantiam et Loth fratrem suum cum substantia illius mulieres quoque et populum
1 Samuel 30.18-30.19 1 Samuel 30.8 Genèse 14.11-14.12 Genèse 12.2 Esaïe 41.2

Abram béni par Melchisédek

¹⁷ egressus est autem rex Sodomorum in occursum eius postquam reversus est a caede Chodorlahomor et regum qui cum eo erant in valle Save quae est vallis Regis
2 Samuel 18.18 Proverbes 14.20 Juges 11.34 Proverbes 19.4 Hébreux 7.1
¹⁸ at vero Melchisedech rex Salem proferens panem et vinum erat enim sacerdos Dei altissimi
Psaumes 110.4 Hébreux 5.6 Hébreux 5.10 Psaumes 76.2 Hébreux 6.20-7.3
¹⁹ benedixit ei et ait benedictus Abram Deo excelso qui creavit caelum et terram
Genèse 14.22 Matthieu 11.25 Hébreux 7.6-7.7 Genèse 27.4 Psaumes 115.16
²⁰ et benedictus Deus excelsus quo protegente hostes in manibus tuis sunt et dedit ei decimas ex omnibus
Genèse 28.22 Luc 18.12 Malachie 3.10 Genèse 24.27 Psaumes 44.3
²¹ dixit autem rex Sodomorum ad Abram da mihi animas cetera tolle tibi
²² qui respondit ei levo manum meam ad Dominum Deum excelsum possessorem caeli et terrae
Exode 6.8 Daniel 12.7 Deutéronome 32.40 Apocalypse 10.5-10.6 Psaumes 24.1
²³ quod a filo subteminis usque ad corrigiam caligae non accipiam ex omnibus quae tua sunt ne dicas ego ditavi Abram
2 Rois 5.16 Esther 9.15-9.16 Hébreux 13.5 2 Corinthiens 12.14 2 Rois 5.20
²⁴ exceptis his quae comederunt iuvenes et partibus virorum qui venerunt mecum Aner Eschol et Mambre isti accipient partes suas
Genèse 14.13 Proverbes 3.27 Romains 13.7-13.8 Matthieu 7.12 1 Corinthiens 9.14-9.15