2 Samuel 24
Vulgate

Recensement et peste

1 et addidit furor Domini irasci contra Israhel commovitque David in eis dicentem vade numera Israhel et Iudam
1 Chroniques 21.1 1 Chroniques 27.23-27.24 1 Rois 22.20-22.23 1 Samuel 26.19 Exode 7.3
2 dixitque rex ad Ioab principem exercitus sui perambula omnes tribus Israhel a Dan usque Bersabee et numerate populum ut sciam numerum eius
2 Samuel 3.10 Juges 20.1 2 Samuel 20.23 Jérémie 17.5 2 Chroniques 32.31
3 dixitque Ioab regi adaugeat Dominus Deus tuus ad populum quantus nunc est iterumque centuplicet in conspectu domini mei regis sed quid sibi dominus meus rex vult in re huiuscemodi
Deutéronome 1.11 Psaumes 115.14 Esaïe 60.5 Proverbes 14.28 2 Samuel 10.12
4 obtinuit autem sermo regis verba Ioab et principum exercitus egressusque est Ioab et principes militum a facie regis ut numerarent populum Israhel
Actes 5.29 1 Chroniques 21.4 Ecclésiaste 8.4 Exode 1.17
5 cumque pertransissent Iordanem venerunt in Aroer ad dextram urbis quae est in valle Gad
Deutéronome 2.36 Josué 13.9 Josué 13.16 Nombres 32.1 Nombres 32.35
6 et per Iazer transierunt in Galaad et in terram inferiorem Hodsi et venerunt in Dan silvestria circumeuntesque iuxta Sidonem
Josué 19.28 Nombres 32.1 Juges 1.31 Nombres 32.39 Genèse 10.15
7 transierunt propter moenia Tyri et omnem terram Hevei et Chananei veneruntque ad meridiem Iuda in Bersabee
Josué 19.29 Josué 11.3 Genèse 21.22-21.33 2 Samuel 24.2 Juges 3.3
8 et lustrata universa terra adfuerunt post novem menses et viginti dies in Hierusalem
9 dedit ergo Ioab numerum descriptionis populi regi et inventa sunt de Israhel octingenta milia virorum fortium qui educerent gladium et de Iuda quingenta milia pugnatorum
1 Chroniques 21.5-21.6 1 Chroniques 27.23-27.24 Nombres 1.44-1.46
10 percussit autem cor David eum postquam numeratus est populus et dixit David ad Dominum peccavi valde in hoc facto sed precor Domine ut transferas iniquitatem servi tui quia stulte egi nimis
2 Samuel 12.13 1 Samuel 13.13 1 Samuel 24.5 2 Chroniques 16.9 Proverbes 28.13
11 surrexit itaque David mane et sermo Domini factus est ad Gad propheten et videntem David dicens
1 Samuel 22.5 1 Samuel 9.9 1 Chroniques 29.29 1 Chroniques 2.19
12 vade et loquere ad David haec dicit Dominus trium tibi datur optio elige unum quod volueris ex his ut faciam tibi
1 Chroniques 21.10-21.11 Lévitique 26.43 Proverbes 3.12 2 Samuel 12.9-12.10 Apocalypse 3.19
13 cumque venisset Gad ad David nuntiavit ei dicens aut septem annis veniet tibi fames in terra tua aut tribus mensibus fugies adversarios tuos et illi persequentur aut certe tribus diebus erit pestilentia in terra tua nunc ergo delibera et vide quem respondeam ei qui me misit sermonem
1 Chroniques 21.12 Lévitique 26.25 Deutéronome 28.22 Deutéronome 28.25 Lévitique 26.36-26.37
14 dixit autem David ad Gad artor nimis sed melius est ut incidam in manu Domini multae enim misericordiae eius sunt quam in manu hominis
Psaumes 51.1 Psaumes 119.156 Esaïe 55.7 Psaumes 103.8-103.14 1 Samuel 13.6
15 inmisitque Dominus pestilentiam in Israhel de mane usque ad tempus constitutum et mortui sunt ex populo a Dan usque Bersabee septuaginta milia virorum
1 Chroniques 21.14 1 Chroniques 27.24 Esaïe 37.36 1 Samuel 6.19 2 Samuel 24.2
16 cumque extendisset manum angelus Dei super Hierusalem ut disperderet eam misertus est Dominus super adflictione et ait angelo percutienti populum sufficit nunc contine manum tuam erat autem angelus Domini iuxta aream Areuna Iebusei
Joël 2.13-2.14 Genèse 6.6 Exode 12.23 Actes 12.23 1 Samuel 15.11
17 dixitque David ad Dominum cum vidisset angelum caedentem populum ego sum qui peccavi ego inique egi isti qui oves sunt quid fecerunt vertatur obsecro manus tua contra me et contra domum patris mei
Psaumes 74.1 1 Chroniques 21.16-21.17 2 Samuel 24.10 Jean 10.11-10.12 Ezéchiel 34.23-34.24
18 venit autem Gad ad David in die illa et dixit ei ascende constitue Domino altare in area Areuna Iebusei
1 Chroniques 21.18-21.30 2 Samuel 24.11
19 et ascendit David iuxta sermonem Gad quem praeceperat ei Dominus
Genèse 6.22 Hébreux 11.8 Néhémie 9.26 2 Chroniques 20.20 1 Chroniques 21.19
20 conspiciensque Areuna animadvertit regem et servos eius transire ad se
Ruth 2.10 2 Samuel 9.8 Genèse 18.2 1 Chroniques 21.20-21.21
21 et egressus adoravit regem prono vultu in terra et ait quid causae est ut veniat dominus meus rex ad servum suum cui David ait ut emam a te aream et aedificem altare Domino et cesset interfectio quae grassatur in populo
Jérémie 32.6-32.14 2 Samuel 24.3 Nombres 16.44-16.50 Nombres 25.8 1 Chroniques 21.22
22 et ait Areuna ad David accipiat et offerat dominus meus rex sicut ei placet habes boves in holocaustum et plaustrum et iuga boum in usum lignorum
1 Rois 19.21 1 Samuel 6.14 Genèse 23.11 1 Chroniques 21.22
23 omnia dedit Areuna rex regi dixitque Areuna ad regem Dominus Deus tuus suscipiat votum tuum
Ezéchiel 20.40-20.41 Psaumes 45.16 Psaumes 20.3-20.4 1 Timothée 2.1-2.2 Job 42.8-42.9
24 cui respondens rex ait nequaquam ut vis sed emam pretio a te et non offeram Domino Deo meo holocausta gratuita emit ergo David aream et boves argenti siclis quinquaginta
1 Chroniques 21.24-21.25 Romains 12.17 Genèse 23.13 Malachie 1.12-1.14 1 Chroniques 22.1
25 et aedificavit ibi David altare Domino et obtulit holocausta et pacifica et repropitiatus est Dominus terrae et cohibita est plaga ab Israhel
2 Samuel 21.14 1 Samuel 7.17 Lamentations 3.32-3.33 1 Samuel 7.9 Genèse 22.9