Job 14.12
Vulgate

¹ homo natus de muliere brevi vivens tempore repletus multis miseriis
Job 5.7 Ecclésiaste 2.23 Job 25.4 Psaumes 39.5 Job 15.14
² quasi flos egreditur et conteritur et fugit velut umbra et numquam in eodem statu permanet
Job 8.9 1 Pierre 1.24 Esaïe 40.6-40.8 Psaumes 103.15-103.16 1 Chroniques 29.15
³ et dignum ducis super huiuscemodi aperire oculos tuos et adducere eum tecum in iudicium
Psaumes 144.3 Psaumes 143.2 Psaumes 8.4 Job 9.32 Job 13.25
⁴ quis potest facere mundum de inmundo conceptum semine nonne tu qui solus es
Jean 3.6 Job 15.14 Psaumes 51.5 Ephésiens 2.3 Romains 5.12
⁵ breves dies hominis sunt numerus mensuum eius apud te est constituisti terminos eius qui praeterire non poterunt
Psaumes 39.4 Job 21.21 Actes 17.26 Psaumes 104.29 Daniel 5.26
⁶ recede paululum ab eo ut quiescat donec optata veniat sicut mercennarii dies eius
Job 7.19 Job 7.1-7.2 Psaumes 39.13 Job 7.16 Job 10.20
⁷ lignum habet spem si praecisum fuerit rursum virescit et rami eius pullulant
Esaïe 27.6 Job 19.10 Daniel 4.23-4.25 Esaïe 11.1 Daniel 4.15
⁸ si senuerit in terra radix eius et in pulvere emortuus fuerit truncus illius
Esaïe 26.19 1 Corinthiens 15.36 Jean 12.24
⁹ ad odorem aquae germinabit et faciet comam quasi cum primum plantatum est
Ezéchiel 19.10 Ezéchiel 17.3-17.10 Romains 11.17-11.24 Ezéchiel 17.22-17.24
¹⁰ homo vero cum mortuus fuerit et nudatus atque consumptus ubi quaeso est
Job 7.7-7.10 Job 14.12 Job 10.18 Job 19.26 Actes 5.10
¹¹ quomodo si recedant aquae de mari et fluvius vacuefactus arescat
Esaïe 19.5 Job 6.15-6.18 Jérémie 15.18
¹² sic homo cum dormierit non resurget donec adteratur caelum non evigilabit nec consurget de somno suo
Actes 3.21 Job 3.13 Apocalypse 20.11 Job 10.21-10.22 Apocalypse 21.1
¹³ quis mihi hoc tribuat ut in inferno protegas me ut abscondas me donec pertranseat furor tuus et constituas mihi tempus in quo recorderis mei
Esaïe 26.20-26.21 Luc 23.42 Actes 1.7 Esaïe 57.1-57.2 Psaumes 106.4
¹⁴ putasne mortuus homo rursum vivet cunctis diebus quibus nunc milito expecto donec veniat inmutatio mea
Job 7.1 Job 13.15 Job 42.16 1 Thessaloniciens 4.14-4.16 Psaumes 27.14
¹⁵ vocabis et ego respondebo tibi operi manuum tuarum porriges dexteram
Job 10.3 Job 13.22 1 Thessaloniciens 4.17 Psaumes 50.4-50.5 1 Pierre 4.19
¹⁶ tu quidem gressus meos dinumerasti sed parces peccatis meis
Job 10.6 Job 31.4 Job 34.21 Proverbes 5.21 Jérémie 32.19
¹⁷ signasti quasi in sacculo delicta mea sed curasti iniquitatem meam
Deutéronome 32.34 Osée 13.12 Job 21.19
¹⁸ mons cadens defluet et saxum transfertur de loco suo
Job 18.4 Jérémie 4.24 Psaumes 102.25-102.26 Esaïe 40.12 Esaïe 41.15-41.16
¹⁹ lapides excavant aquae et adluvione paulatim terra consumitur et homines ergo similiter perdes
Job 19.10 Job 7.6 Job 27.8 Genèse 7.21-7.23 Ezéchiel 37.11
²⁰ roborasti eum paululum ut in perpetuum pertransiret inmutabis faciem eius et emittes eum
Job 2.12 Job 14.14 Ecclésiaste 8.8 Lamentations 4.8
²¹ sive nobiles fuerint filii eius sive ignobiles non intelleget
Ecclésiaste 9.5 Esaïe 63.16 Ecclésiaste 2.18-2.19 1 Samuel 4.20 Psaumes 39.6
²² attamen caro eius dum vivet dolebit et anima illius super semet ipso lugebit
Job 33.19-33.21 Job 19.22 Job 19.26 Job 19.20 Luc 16.23-16.24