Job 14
Vulgate

1 homo natus de muliere brevi vivens tempore repletus multis miseriis
Job 5.7 Ecclésiaste 2.23 Job 25.4 Job 15.14 Genèse 47.9
2 quasi flos egreditur et conteritur et fugit velut umbra et numquam in eodem statu permanet
Job 8.9 1 Pierre 1.24 Esaïe 40.6-40.8 Psaumes 103.15-103.16 1 Chroniques 29.15
3 et dignum ducis super huiuscemodi aperire oculos tuos et adducere eum tecum in iudicium
Psaumes 144.3 Psaumes 143.2 Psaumes 8.4 Job 13.25 Job 7.17-7.18
4 quis potest facere mundum de inmundo conceptum semine nonne tu qui solus es
Jean 3.6 Psaumes 51.5 Job 15.14 Ephésiens 2.3 Romains 5.12
5 breves dies hominis sunt numerus mensuum eius apud te est constituisti terminos eius qui praeterire non poterunt
Psaumes 39.4 Job 21.21 Actes 17.26 Daniel 5.26 Job 14.14
6 recede paululum ab eo ut quiescat donec optata veniat sicut mercennarii dies eius
Job 7.19 Job 7.1-7.2 Psaumes 39.13 Job 7.16 Job 10.20
7 lignum habet spem si praecisum fuerit rursum virescit et rami eius pullulant
Esaïe 27.6 Job 19.10 Esaïe 11.1 Daniel 4.15 Job 14.14
8 si senuerit in terra radix eius et in pulvere emortuus fuerit truncus illius
Esaïe 26.19 1 Corinthiens 15.36 Jean 12.24
9 ad odorem aquae germinabit et faciet comam quasi cum primum plantatum est
Ezéchiel 19.10 Ezéchiel 17.3-17.10 Romains 11.17-11.24 Ezéchiel 17.22-17.24
10 homo vero cum mortuus fuerit et nudatus atque consumptus ubi quaeso est
Job 7.7-7.10 Job 14.12 Job 19.26 Actes 5.10 Matthieu 27.50
11 quomodo si recedant aquae de mari et fluvius vacuefactus arescat
Esaïe 19.5 Job 6.15-6.18 Jérémie 15.18
12 sic homo cum dormierit non resurget donec adteratur caelum non evigilabit nec consurget de somno suo
Apocalypse 20.11 Job 10.21-10.22 Apocalypse 21.1 Actes 3.21 Job 3.13
13 quis mihi hoc tribuat ut in inferno protegas me ut abscondas me donec pertranseat furor tuus et constituas mihi tempus in quo recorderis mei
Esaïe 26.20-26.21 Actes 1.7 Esaïe 57.1-57.2 Psaumes 106.4 Job 3.17-3.19
14 putasne mortuus homo rursum vivet cunctis diebus quibus nunc milito expecto donec veniat inmutatio mea
Job 7.1 Job 13.15 1 Thessaloniciens 4.14-4.16 Psaumes 27.14 Ezéchiel 37.1-37.14
15 vocabis et ego respondebo tibi operi manuum tuarum porriges dexteram
Job 10.3 Job 13.22 Psaumes 50.4-50.5 1 Pierre 4.19 1 Jean 2.28
16 tu quidem gressus meos dinumerasti sed parces peccatis meis
Job 10.6 Job 31.4 Job 34.21 Proverbes 5.21 Jérémie 32.19
17 signasti quasi in sacculo delicta mea sed curasti iniquitatem meam
Deutéronome 32.34 Osée 13.12 Job 21.19
18 mons cadens defluet et saxum transfertur de loco suo
Job 18.4 Jérémie 4.24 Esaïe 40.12 Esaïe 41.15-41.16 Apocalypse 6.14
19 lapides excavant aquae et adluvione paulatim terra consumitur et homines ergo similiter perdes
Job 7.6 Job 27.8 Genèse 7.21-7.23 Ezéchiel 37.11 Psaumes 30.6-30.7
20 roborasti eum paululum ut in perpetuum pertransiret inmutabis faciem eius et emittes eum
Job 2.12 Job 14.14 Ecclésiaste 8.8 Lamentations 4.8
21 sive nobiles fuerint filii eius sive ignobiles non intelleget
Ecclésiaste 9.5 Esaïe 63.16 1 Samuel 4.20 Psaumes 39.6 Esaïe 39.7-39.8
22 attamen caro eius dum vivet dolebit et anima illius super semet ipso lugebit
Job 19.22 Job 19.26 Job 19.20 Luc 16.23-16.24 Proverbes 14.32