Exode 34.33
Vulgate

Renouvellement de l’alliance

¹ ac deinceps praecide ait tibi duas tabulas lapideas instar priorum et scribam super eas verba quae habuerunt tabulae quas fregisti
Exode 32.19 Exode 31.18 Exode 34.28 Deutéronome 10.1-10.4 Deutéronome 9.15-9.17
² esto paratus mane ut ascendas statim in montem Sinai stabisque mecum super verticem montis
Exode 19.20 Exode 19.24 Exode 19.11 Exode 24.12 Deutéronome 9.25
³ nullus ascendat tecum nec videatur quispiam per totum montem boves quoque et oves non pascantur e contra
Exode 19.12-19.13 Exode 19.21 Hébreux 12.20 1 Timothée 2.5 Lévitique 16.17
⁴ excidit ergo duas tabulas lapideas quales ante fuerant et de nocte consurgens ascendit in montem Sinai sicut ei praeceperat Dominus portans secum tabulas
⁵ cumque descendisset Dominus per nubem stetit Moses cum eo invocans nomen Domini
Exode 33.19 Luc 9.34-9.35 Nombres 11.25 Exode 33.9 Proverbes 18.10
⁶ quo transeunte coram eo ait Dominator Domine Deus misericors et clemens patiens et multae miserationis ac verus
Joël 2.13 Psaumes 86.15 Néhémie 9.17 Psaumes 103.8-103.13 Psaumes 145.8
⁷ qui custodis misericordiam in milia qui aufers iniquitatem et scelera atque peccata nullusque apud te per se innocens est qui reddis iniquitatem patrum in filiis ac nepotibus in tertiam et quartam progeniem
Exode 20.5-20.6 Exode 23.7 Psaumes 103.3 Psaumes 130.4 Jérémie 32.18
⁸ festinusque Moses curvatus est pronus in terram et adorans
Exode 4.31 Genèse 17.3 2 Chroniques 20.18
⁹ ait si inveni gratiam in conspectu tuo Domine obsecro ut gradiaris nobiscum populus enim durae cervicis est et auferas iniquitates nostras atque peccata nosque possideas
Psaumes 33.12 Deutéronome 32.9 Exode 32.9 Psaumes 78.62 Psaumes 28.9
¹⁰ respondit Dominus ego inibo pactum videntibus cunctis signa faciam quae numquam sunt visa super terram nec in ullis gentibus ut cernat populus in cuius es medio opus Domini terribile quod facturus sum
Deutéronome 5.2-5.3 Josué 6.20 Psaumes 78.12 2 Samuel 7.23 Esaïe 64.3
¹¹ observa cuncta quae hodie mando tibi ego ipse eiciam ante faciem tuam Amorreum et Chananeum et Hettheum Ferezeum quoque et Eveum et Iebuseum
Exode 33.2 Deutéronome 4.1-4.2 Exode 3.17 Deutéronome 12.32 Deutéronome 6.25-7.1
¹² cave ne umquam cum habitatoribus terrae illius iungas amicitias quae tibi sint in ruinam
Exode 23.32-23.33 Josué 23.12-23.13 Deutéronome 7.2 Juges 2.2-2.3 Psaumes 106.36
¹³ sed aras eorum destrue confringe statuas lucosque succide
Exode 23.24 2 Rois 18.4 Juges 6.25 Juges 2.2 2 Chroniques 34.3-34.4
¹⁴ noli adorare deum alienum Dominus Zelotes nomen eius Deus est aemulator
Deutéronome 6.15 Exode 20.3-20.5 Deutéronome 32.21 Deutéronome 29.20 Deutéronome 4.24
¹⁵ ne ineas pactum cum hominibus illarum regionum ne cum fornicati fuerint cum diis suis et adoraverint simulacra eorum vocet te quispiam ut comedas de immolatis
Nombres 25.2 1 Corinthiens 8.4 Juges 2.17 Deutéronome 31.16 Lévitique 17.7
¹⁶ nec uxorem de filiabus eorum accipies filiis tuis ne postquam ipsae fuerint fornicatae fornicari faciant et filios tuos in deos suos
Esdras 9.2 1 Rois 11.2-11.4 Néhémie 13.25 Deutéronome 7.3-7.4 2 Corinthiens 6.14-6.17
¹⁷ deos conflatiles non facies tibi
Lévitique 19.4 Exode 32.8 Jérémie 10.14 Esaïe 46.6-46.7 Actes 17.29
¹⁸ sollemnitatem azymorum custodies septem diebus vesceris azymis sicut praecepi tibi in tempore mensis novorum mense enim verni temporis egressus es de Aegypto
Exode 13.4 Lévitique 23.6 Exode 12.15-12.20 Deutéronome 16.1-16.4 Marc 14.1
¹⁹ omne quod aperit vulvam generis masculini meum erit de cunctis animantibus tam de bubus quam de ovibus meum erit
Exode 13.2 Exode 22.29 Exode 13.12 Luc 2.23 Nombres 18.15-18.17
²⁰ primogenitum asini redimes ove sin autem nec pretium pro eo dederis occidetur primogenitum filiorum tuorum redimes nec apparebis in conspectu meo vacuus
Exode 23.15 Deutéronome 16.16 Exode 13.15 Nombres 18.15 Exode 13.13
²¹ sex diebus operaberis die septimo cessabis arare et metere
Exode 23.12 Luc 13.14 Deutéronome 21.4 Exode 35.2 Esaïe 30.24
²² sollemnitatem ebdomadarum facies tibi in primitiis frugum messis tuae triticeae et sollemnitatem quando redeunte anni tempore cuncta conduntur
Exode 23.16 Deutéronome 16.10-16.15 Nombres 28.16-28.31 Actes 2.1 Jean 7.2
²³ tribus temporibus anni apparebit omne masculinum tuum in conspectu omnipotentis Domini Dei Israhel
Exode 23.14 Deutéronome 16.16 Exode 23.17 Psaumes 84.7 Genèse 32.28
²⁴ cum enim tulero gentes a facie tua et dilatavero terminos tuos nullus insidiabitur terrae tuae ascendente te et apparente in conspectu Domini Dei tui ter in anno
Exode 33.2 Psaumes 78.55 Exode 23.27-23.31 Proverbes 16.7 Deutéronome 12.20
²⁵ non immolabis super fermento sanguinem hostiae meae neque residebit mane de victima sollemnitatis phase
Exode 23.18 Exode 12.10 Exode 12.20 Lévitique 7.15 Deutéronome 16.3
²⁶ primitias frugum terrae tuae offeres in domum Domini Dei tui non coques hedum in lacte matris suae
Exode 23.19 Deutéronome 14.21 Deutéronome 26.2 Matthieu 6.33 Jacques 1.18
²⁷ dixitque Dominus ad Mosen scribe tibi verba haec quibus et tecum et cum Israhel pepigi foedus
Exode 17.14 Deutéronome 31.9 Exode 34.10 Exode 24.4 Deutéronome 4.13
²⁸ fecit ergo ibi cum Domino quadraginta dies et quadraginta noctes panem non comedit et aquam non bibit et scripsit in tabulis verba foederis decem
Deutéronome 4.13 Exode 34.1 Exode 24.18 Exode 31.18 Exode 32.16
²⁹ cumque descenderet Moses de monte Sinai tenebat duas tabulas testimonii et ignorabat quod cornuta esset facies sua ex consortio sermonis Dei
Matthieu 17.2 Exode 32.15 2 Corinthiens 3.13 Juges 16.20 Actes 12.9
³⁰ videntes autem Aaron et filii Israhel cornutam Mosi faciem timuerunt prope accedere
Luc 5.8 Marc 9.3 Nombres 12.8 Marc 9.15
³¹ vocatique ab eo reversi sunt tam Aaron quam principes synagogae et postquam locutus est
Genèse 45.3 Exode 24.1-24.3 Exode 3.15 Genèse 45.15
³² venerunt ad eum etiam omnes filii Israhel quibus praecepit cuncta quae audierat a Domino in monte Sinai
Exode 21.1 Exode 24.3 1 Rois 22.14 Matthieu 28.20 Nombres 15.40
³³ impletisque sermonibus posuit velamen super faciem suam
2 Corinthiens 4.4-4.6 2 Corinthiens 3.13-3.18 Romains 10.4
³⁴ quod ingressus ad Dominum et loquens cum eo auferebat donec exiret et tunc loquebatur ad filios Israhel omnia quae sibi fuerant imperata
2 Corinthiens 3.16 Hébreux 10.19-10.22 Hébreux 4.16
³⁵ qui videbant faciem egredientis Mosi esse cornutam sed operiebat rursus ille faciem suam si quando loquebatur ad eos
Ecclésiaste 8.1 Matthieu 5.16 Exode 34.29-34.30 Matthieu 13.43 Philippiens 2.15