Marc 16
Vulgate

Résurrection de Jésus

1 et cum transisset sabbatum Maria Magdalene et Maria Iacobi et Salome emerunt aromata ut venientes unguerent eum
Marc 15.40 Jean 19.25 Marc 15.47 Jean 19.31 Marc 14.3
2 et valde mane una sabbatorum veniunt ad monumentum orto iam sole
Jean 20.1 Luc 24.1 Matthieu 28.1
3 et dicebant ad invicem quis revolvet nobis lapidem ab ostio monumenti
Matthieu 27.60-27.66 Marc 15.46-15.47
4 et respicientes vident revolutum lapidem erat quippe magnus valde
Jean 20.1 Luc 24.2 Matthieu 28.2-28.4
5 et introeuntes in monumento viderunt iuvenem sedentem in dextris coopertum stola candida et obstipuerunt
Jean 20.11-20.12 Matthieu 28.3 Luc 1.12 Daniel 10.5-10.9 Luc 24.3-24.5
6 qui dicit illis nolite expavescere Iesum quaeritis Nazarenum crucifixum surrexit non est hic ecce locus ubi posuerunt eum
Matthieu 28.4-28.7 Proverbes 8.17 Actes 10.38-10.40 Apocalypse 1.17-1.18 Matthieu 14.26-14.27
7 sed ite et dicite discipulis eius et Petro quia praecedit vos in Galilaeam ibi eum videbitis sicut dixit vobis
Marc 14.28 Matthieu 26.32 Matthieu 28.7 Matthieu 28.10 Matthieu 28.16-28.17
8 at illae exeuntes fugerunt de monumento invaserat enim eas tremor et pavor et nemini quicquam dixerunt timebant enim
2 Rois 4.29 Luc 24.22-24.24 Luc 10.4 Matthieu 28.8 Marc 16.5-16.6

Apparitions de Jésus ressuscité

9 surgens autem mane prima sabbati apparuit primo Mariae Magdalenae de qua eiecerat septem daemonia
Jean 20.14-20.19 Actes 20.7 Marc 15.40 1 Corinthiens 16.2 Luc 8.2
10 illa vadens nuntiavit his qui cum eo fuerant lugentibus et flentibus
Marc 14.72 Matthieu 24.30 Matthieu 9.15 Luc 24.17 Jean 20.18
11 et illi audientes quia viveret et visus esset ab ea non crediderunt
Luc 24.11 Marc 16.13-16.14 Luc 24.23-24.35 Marc 9.19 Exode 6.9
12 post haec autem duobus ex eis ambulantibus ostensus est in alia effigie euntibus in villam
Luc 24.13-24.32 Jean 21.14 Marc 16.14 Jean 21.1
13 et illi euntes nuntiaverunt ceteris nec illis crediderunt
Jean 20.25 Luc 24.33-24.35 Jean 20.8 Luc 16.31
14 novissime recumbentibus illis undecim apparuit et exprobravit incredulitatem illorum et duritiam cordis quia his qui viderant eum resurrexisse non crediderant
1 Corinthiens 15.5 Luc 24.36-24.43 Matthieu 11.20 Psaumes 95.8-95.11 Hébreux 3.7-3.8
15 et dixit eis euntes in mundum universum praedicate evangelium omni creaturae
Matthieu 28.19 Marc 13.10 Actes 1.8 Luc 24.47-24.48 Romains 16.26
16 qui crediderit et baptizatus fuerit salvus erit qui vero non crediderit condemnabitur
Jean 3.36 Romains 10.9-10.14 Jean 3.18-3.19 Actes 2.38 Jean 8.24
17 signa autem eos qui crediderint haec sequentur in nomine meo daemonia eicient linguis loquentur novis
1 Corinthiens 12.30 1 Corinthiens 12.28 1 Corinthiens 12.10 Actes 5.16 Actes 10.46
18 serpentes tollent et si mortiferum quid biberint non eos nocebit super aegrotos manus inponent et bene habebunt
Luc 10.19 Jacques 5.14-5.15 Marc 5.23 Actes 4.30 Actes 19.12
19 et Dominus quidem postquam locutus est eis adsumptus est in caelum et sedit a dextris Dei
1 Pierre 3.22 Hébreux 1.3 Hébreux 12.2 Hébreux 8.1 Psaumes 110.1
20 illi autem profecti praedicaverunt ubique Domino cooperante et sermonem confirmante sequentibus signis
Actes 14.3 Hébreux 2.4 Actes 5.12 1 Corinthiens 2.4-2.5 Romains 15.19