Juges 7.25
Vulgate

Victoire de Gédéon sur les Madianites

¹ igitur Hierobbaal qui est et Gedeon de nocte consurgens et omnis populus cum eo venit ad fontem qui vocatur Arad erant autem castra Madian in valle ad septentrionalem plagam collis Excelsi
Juges 6.32 Genèse 12.6 Ecclésiaste 9.10 Genèse 22.3 Josué 6.12
² dixitque Dominus ad Gedeon multus tecum est populus nec tradetur Madian in manus eius ne glorietur contra me Israhel et dicat meis viribus liberatus sum
Deutéronome 8.17 2 Corinthiens 4.7 2 Corinthiens 10.4-10.5 Esaïe 10.13 1 Corinthiens 1.27-1.29
³ loquere ad populum et cunctis audientibus praedica qui formidolosus et timidus est revertatur recesseruntque de monte Galaad et reversa sunt ex populo viginti duo milia virorum et tantum decem milia remanserunt
Deutéronome 20.8 Matthieu 20.16 Apocalypse 17.14 Luc 14.25-14.33 Matthieu 13.21
⁴ dixitque Dominus ad Gedeon adhuc populus multus est duc eos ad aquas et ibi probabo illos et de quo dixero tibi ut tecum vadat ipse pergat quem ire prohibuero revertatur
Genèse 22.1 Jérémie 6.27-6.30 Job 23.10 1 Samuel 14.6 Psaumes 33.16
⁵ cumque descendisset populus ad aquas dixit Dominus ad Gedeon qui lingua lambuerint aquas sicut solent canes lambere separabis eos seorsum qui autem curvatis genibus biberint in altera parte erunt
⁶ fuit itaque numerus eorum qui manu ad os proiciente aquas lambuerant trecenti viri omnis autem reliqua multitudo flexo poplite biberat
⁷ et ait Dominus ad Gedeon in trecentis viris qui lambuerunt aquas liberabo vos et tradam Madian in manu tua omnis autem reliqua multitudo revertatur in locum suum
1 Samuel 14.6 Juges 7.18-7.22 Esaïe 41.14-41.16
⁸ sumptis itaque pro numero cibariis et tubis omnem reliquam multitudinem abire praecepit ad tabernacula sua et ipse cum trecentis viris se certamini dedit castra autem Madian erant subter in valle
1 Corinthiens 15.52 Juges 3.27 Lévitique 23.24 Josué 6.4 Josué 6.20
⁹ eadem nocte dixit Dominus ad eum surge et descende in castra quia tradidi eos in manu tua
Genèse 46.2-46.3 Juges 3.28 Job 4.13 Juges 3.10 Matthieu 2.13
¹⁰ sin autem solus ire formidas descendat tecum Phara puer tuus
Juges 4.8-4.9 Exode 4.10-4.14
¹¹ et cum audieris quid loquantur tunc confortabuntur manus tuae et securior ad hostium castra descendes descendit ergo ipse et Phara puer eius in partem castrorum ubi erant armatorum vigiliae
Juges 7.13-7.15 Esdras 6.22 Esaïe 35.3-35.4 1 Samuel 14.8-14.10 Ephésiens 6.10
¹² Madian autem et Amalech et omnes orientales populi fusi iacebant in valle ut lucustarum multitudo cameli quoque innumerabiles erant sicut harena quae iacet in litoribus maris
Juges 8.10 Juges 6.5 Juges 6.3 Josué 11.4 1 Rois 4.30
¹³ cumque venisset Gedeon narrabat aliquis somnium proximo suo et in hunc modum referebat quod viderat vidi somnium et videbatur mihi quasi subcinericius panis ex hordeo volvi et in Madian castra descendere cumque pervenisset ad tabernaculum percussit illud atque subvertit et terrae funditus coaequavit
1 Corinthiens 1.27 Juges 3.15 Juges 4.9 Juges 4.21 Juges 3.31
¹⁴ respondit is cui loquebatur non est hoc aliud nisi gladius Gedeonis filii Ioas viri Israhelitae tradidit Deus in manu eius Madian et omnia castra eius
Josué 2.9 Nombres 23.20 Josué 5.1 2 Rois 7.6-7.7 Nombres 22.38
¹⁵ cumque audisset Gedeon somnium et interpretationem eius adoravit et reversus ad castra Israhel ait surgite tradidit enim Dominus in manus nostras castra Madian
Genèse 24.48 Genèse 40.8 Genèse 24.26-24.27 2 Corinthiens 10.4-10.6 Juges 4.14
¹⁶ divisitque trecentos viros in tres partes et dedit tubas in manibus eorum lagoenasque vacuas ac lampadas in medio lagoenarum
2 Corinthiens 4.7
¹⁷ et dixit ad eos quod me facere videritis hoc facite ingrediar partem castrorum et quod fecero sectamini
Hébreux 13.7 Matthieu 16.24 Juges 9.48 1 Pierre 5.3 1 Corinthiens 11.1
¹⁸ quando personaverit tuba in manu mea vos quoque per castrorum circuitum clangite et conclamate Domino et Gedeoni
1 Samuel 17.47 2 Chroniques 20.15-20.17
¹⁹ ingressusque est Gedeon et trecenti viri qui erant cum eo in parte castrorum incipientibus vigiliis noctis mediae et custodibus suscitatis coeperunt bucinis clangere et conplodere inter se lagoenas
Jérémie 19.1-19.11 Jérémie 13.13-13.14 Juges 7.16 Apocalypse 16.15 Exode 14.24
²⁰ cumque per gyrum castrorum in tribus personarent locis et hydrias confregissent tenuerunt sinistris manibus lampadas et dextris sonantes tubas clamaveruntque gladius Domini et Gedeonis
Josué 6.16 Hébreux 11.4 Josué 6.4 Josué 6.20 Esaïe 27.13
²¹ stantes singuli in loco suo per circuitum castrorum hostilium omnia itaque castra turbata sunt et vociferantes ululantesque fugerunt
Exode 14.13-14.14 Proverbes 28.1 2 Rois 7.6-7.7 Esaïe 30.7 Exode 14.25
²² et nihilominus insistebant trecenti viri bucinis personantes inmisitque Dominus gladium in omnibus castris et mutua se caede truncabant
1 Rois 4.12 Josué 6.20 1 Rois 19.16 2 Chroniques 20.23 Josué 6.16
²³ fugientes usque Bethseta et crepidinem Abelmeula in Tebbath conclamantes autem viri Israhel de Nepthali et Aser et omni Manasse persequebantur Madian
Juges 6.35 1 Samuel 14.21-14.22
²⁴ misitque Gedeon nuntios in omnem montem Ephraim dicens descendite in occursum Madian et occupate aquas usque Bethbera atque Iordanem clamavitque omnis Ephraim et praeoccupavit aquas atque Iordanem usque Bethbera
Juges 12.5 Juges 3.27-3.28 Romains 15.30 Jean 1.28 Philippiens 1.27
²⁵ adprehensosque duos viros Madian Oreb et Zeb interfecit Oreb in petra Oreb Zeb vero in torculari Zeb et persecuti sunt Madian capita Oreb et Zeb portantes ad Gedeon trans fluenta Iordanis
Esaïe 10.26 Juges 8.3-8.4 Josué 7.26 Psaumes 83.11-83.12