Job 12
Biblia Hebraica Stuttgartensia

¹ וַיַּ֥עַן אִיֹּ֗וב וַיֹּאמַֽר׃ ² אָ֭מְנָם כִּ֣י אַתֶּם־עָ֑ם וְ֝עִמָּכֶ֗ם תָּמ֥וּת חָכְמָֽה׃ Job 6.24-6.25 Job 15.2 Job 32.7-32.13 Job 17.10 Esaïe 5.21
³ גַּם־לִ֤י לֵבָ֨ב׀ כְּֽמֹוכֶ֗ם לֹא־נֹפֵ֣ל אָנֹכִ֣י מִכֶּ֑ם וְאֶת־מִי־אֵ֥ין כְּמֹו־אֵֽלֶּה׃ Job 13.2-13.5 2 Corinthiens 11.21-11.23 Job 26.2-26.3 2 Corinthiens 11.5 Proverbes 26.4
⁴ שְׂחֹ֤ק לְרֵעֵ֨הוּ׀ אֶֽהְיֶ֗ה קֹרֵ֣א לֶ֭אֱלֹוהַּ וַֽיַּעֲנֵ֑הוּ שְׂ֝חֹ֗וק צַדִּ֥יק תָּמִֽים׃ Job 21.3 Job 17.6 Job 30.1 Psaumes 91.15 Job 16.10
⁵ לַפִּ֣יד בּ֭וּז לְעַשְׁתּ֣וּת שַׁאֲנָ֑ן נָ֝כֹ֗ון לְמֹ֣ועֲדֵי רָֽגֶל׃ Luc 12.19 Matthieu 25.8 Proverbes 20.20 Job 18.5 Psaumes 17.5
⁶ יִשְׁלָ֤יוּ אֹֽהָלִ֨ים׀ לְשֹׁ֥דְדִ֗ים וּֽ֭בַטֻּחֹות לְמַרְגִּ֣יזֵי אֵ֑ל לַאֲשֶׁ֤ר הֵבִ֖יא אֱלֹ֣והַּ בְּיָדֹֽו׃ Job 9.24 Job 21.7-21.15 Psaumes 73.11-73.12 Psaumes 37.1 Job 22.18
⁷ וְֽאוּלָ֗ם שְׁאַל־נָ֣א בְהֵמֹ֣ות וְתֹרֶ֑ךָּ וְעֹ֥וף הַ֝שָּׁמַ֗יִם וְיַגֶּד־לָֽךְ׃ Proverbes 6.6 Job 21.29-21.30 Esaïe 1.3 Jérémie 8.7
⁸ אֹ֤ו שִׂ֣יחַ לָאָ֣רֶץ וְתֹרֶ֑ךָּ וִֽיסַפְּר֥וּ לְ֝ךָ֗ דְּגֵ֣י הַיָּֽם׃ ⁹ מִ֭י לֹא־יָדַ֣ע בְּכָל־אֵ֑לֶּה כִּ֥י יַד־יְ֝הוָה עָ֣שְׂתָה זֹּֽאת׃ Esaïe 41.20 Jacques 2.5-2.7 Romains 11.36 Deutéronome 8.17-8.18 Actes 19.35
¹⁰ אֲשֶׁ֣ר בְּ֭יָדֹו נֶ֣פֶשׁ כָּל־חָ֑י וְ֝ר֗וּחַ כָּל־בְּשַׂר־אִֽישׁ׃ Actes 17.28 Job 27.3 Nombres 16.22 Job 34.14-34.15 Job 33.4
¹¹ הֲלֹא־אֹ֭זֶן מִלִּ֣ין תִּבְחָ֑ן וְ֝חֵ֗ךְ אֹ֣כֶל יִטְעַם־לֹֽו׃ Job 34.3 1 Corinthiens 10.15 1 Pierre 2.3 Job 6.30 Philippiens 1.10
¹² בִּֽישִׁישִׁ֥ים חָכְמָ֑ה וְאֹ֖רֶךְ יָמִ֣ים תְּבוּנָֽה׃ Job 32.7 Job 15.10 Job 8.8
¹³ עִ֭מֹּו חָכְמָ֣ה וּגְבוּרָ֑ה לֹ֝֗ו עֵצָ֥ה וּתְבוּנָֽה׃ Job 9.4 Job 36.5 Proverbes 8.14 Job 11.6 Job 38.36
¹⁴ הֵ֣ן יַ֭הֲרֹוס וְלֹ֣א יִבָּנֶ֑ה יִסְגֹּ֥ר עַל־אִ֝֗ישׁ וְלֹ֣א יִפָּתֵֽחַ׃ Apocalypse 3.7 Esaïe 22.22 Job 19.10 Malachie 1.4 Job 11.10
¹⁵ הֵ֤ן יַעְצֹ֣ר בַּמַּ֣יִם וְיִבָ֑שׁוּ וִֽ֝ישַׁלְּחֵ֗ם וְיַ֖הַפְכוּ אָֽרֶץ׃ 1 Rois 17.1 Deutéronome 11.17 Jacques 5.17-5.18 Genèse 6.17 Luc 4.25
¹⁶ עִ֭מֹּו עֹ֣ז וְתוּשִׁיָּ֑ה לֹ֝֗ו שֹׁגֵ֥ג וּמַשְׁגֶּֽה׃ Ezéchiel 14.9 Job 13.7 Job 12.13 1 Rois 22.22-22.23 Job 13.9
¹⁷ מֹולִ֣יךְ יֹועֲצִ֣ים שֹׁולָ֑ל וְֽשֹׁפְטִ֥ים יְהֹולֵֽל׃ 2 Samuel 17.23 Esaïe 29.14 Esaïe 19.12-19.14 Job 9.24 2 Samuel 17.14
¹⁸ מוּסַ֣ר מְלָכִ֣ים פִּתֵּ֑חַ וַיֶּאְסֹ֥ר אֵ֝זֹ֗ור בְּמָתְנֵיהֶֽם׃ Daniel 2.21 Psaumes 116.16 2 Chroniques 33.11-33.14 Jérémie 52.31-52.34 Apocalypse 19.16
¹⁹ מֹולִ֣יךְ כֹּהֲנִ֣ים שֹׁולָ֑ל וְאֵֽתָנִ֣ים יְסַלֵּֽף׃ Job 35.9 Job 24.22 Apocalypse 17.14 1 Samuel 17.45-17.46 Josué 10.24
²⁰ מֵסִ֣יר שָׂ֭פָה לְנֶאֱמָנִ֑ים וְטַ֖עַם זְקֵנִ֣ים יִקָּֽח׃ Job 32.9 Job 17.4 Job 12.24 Proverbes 12.22 Esaïe 3.1-3.3
²¹ שֹׁופֵ֣ךְ בּ֭וּז עַל־נְדִיבִ֑ים וּמְזִ֖יחַ אֲפִיקִ֣ים רִפָּֽה׃ Psaumes 107.40 1 Rois 21.23-21.24 Actes 12.23 Esaïe 11.5 Exode 8.2
²² מְגַלֶּ֣ה עֲ֭מֻקֹות מִנִּי־חֹ֑שֶׁךְ וַיֹּצֵ֖א לָאֹ֣ור צַלְמָֽוֶת׃ Daniel 2.22 1 Corinthiens 4.5 Job 3.5 1 Corinthiens 2.10 Psaumes 44.21
²³ מַשְׂגִּ֣יא לַ֭גֹּויִם וַֽיְאַבְּדֵ֑ם שֹׁטֵ֥חַ לַ֝גֹּויִ֗ם וַיַּנְחֵֽם׃ Esaïe 26.15 Esaïe 9.3 Psaumes 107.38 Esaïe 60.22 Exode 1.7
²⁴ מֵסִ֗יר לֵ֭ב רָאשֵׁ֣י עַם־הָאָ֑רֶץ וַ֝יַּתְעֵ֗ם בְּתֹ֣הוּ לֹא־דָֽרֶךְ׃ Psaumes 107.40 Job 12.20 Job 17.4 Esaïe 19.1 Psaumes 107.4
²⁵ יְמַֽשְׁשׁוּ־חֹ֥שֶׁךְ וְלֹא־אֹ֑ור וַ֝יַּתְעֵ֗ם כַּשִּׁכֹּֽור׃ Job 5.14 Psaumes 107.27 Esaïe 24.20 Esaïe 19.14 1 Jean 2.11