Psaumes 50.14
Biblia Hebraica Stuttgartensia

¹ מִזְמֹ֗ור לְאָ֫סָ֥ף אֵ֤ל׀ אֱֽלֹהִ֡ים יְֽהוָ֗ה דִּבֶּ֥ר וַיִּקְרָא־אָ֑רֶץ מִמִּזְרַח־שֶׁ֝֗מֶשׁ עַד־מְבֹאֹֽו׃Psaumes 113.3 Josué 22.22 Matthieu 25.32 1 Chroniques 25.2 Esaïe 54.5
² מִצִּיֹּ֥ון מִכְלַל־יֹ֗פִי אֱלֹהִ֥ים הֹופִֽיעַ׃Deutéronome 33.2 Psaumes 48.2 Psaumes 80.1 Apocalypse 21.23 Psaumes 87.2-87.3
³ יָ֤בֹ֥א אֱלֹהֵ֗ינוּ וְֽאַל־יֶ֫חֱרַ֥שׁ אֵשׁ־לְפָנָ֥יו תֹּאכֵ֑ל וּ֝סְבִיבָ֗יו נִשְׂעֲרָ֥ה מְאֹֽד׃Daniel 7.10 Nombres 16.35 Lévitique 10.2 Esaïe 65.6-65.7 Psaumes 83.1
⁴ יִקְרָ֣א אֶל־הַשָּׁמַ֣יִם מֵעָ֑ל וְאֶל־הָ֝אָ֗רֶץ לָדִ֥ין עַמֹּֽו׃Esaïe 1.2 Deutéronome 32.1 Deutéronome 31.28 Michée 6.1-6.2 Deutéronome 4.26
⁵ אִסְפוּ־לִ֥י חֲסִידָ֑י כֹּרְתֵ֖י בְרִיתִ֣י עֲלֵי־זָֽבַח׃Matthieu 26.28 1 Thessaloniciens 3.13 Hébreux 9.10-9.23 Hébreux 13.20 Hébreux 12.24
⁶ וַיַּגִּ֣ידוּ שָׁמַ֣יִם צִדְקֹ֑ו כִּֽי־אֱלֹהִ֓ים׀ שֹׁפֵ֖ט ה֣וּא סֶֽלָה׃Psaumes 75.7 Psaumes 97.6 Apocalypse 19.2 Psaumes 89.5 Romains 2.5
⁷ שִׁמְעָ֤ה עַמִּ֨י׀ וַאֲדַבֵּ֗רָה יִ֭שְׂרָאֵל וְאָעִ֣ידָה בָּ֑ךְ אֱלֹהִ֖ים אֱלֹהֶ֣יךָ אָנֹֽכִי׃Psaumes 81.8 Exode 20.2 Psaumes 81.10-81.12 Esaïe 1.18 1 Samuel 12.22-12.25
⁸ לֹ֣א עַל־זְ֭בָחֶיךָ אֹוכִיחֶ֑ךָ וְעֹולֹתֶ֖יךָ לְנֶגְדִּ֣י תָמִֽיד׃Hébreux 10.4-10.10 Psaumes 40.6-40.8 Osée 6.6 Esaïe 1.11-1.31 Psaumes 51.16
⁹ לֹא־אֶקַּ֣ח מִבֵּיתְךָ֣ פָ֑ר מִ֝מִּכְלְאֹתֶ֗יךָ עַתּוּדִֽים׃Psaumes 69.31 Actes 17.25 Michée 6.6-6.8 Esaïe 43.23-43.24 Hébreux 10.4-10.6
¹⁰ כִּי־לִ֥י כָל־חַיְתֹו־יָ֑עַר בְּ֝הֵמֹ֗ות בְּהַרְרֵי־אָֽלֶף׃Jonas 4.11 Jérémie 27.5-27.6 Psaumes 8.6-8.8 Genèse 2.19 1 Chroniques 29.14-29.16
¹¹ יָ֭דַעְתִּי כָּל־עֹ֣וף הָרִ֑ים וְזִ֥יז שָׂ֝דַ֗י עִמָּדִֽי׃Genèse 1.20-1.22 Matthieu 6.26 Psaumes 147.9 Job 39.26-39.30 Job 38.41
¹² אִם־אֶ֭רְעַב לֹא־אֹ֣מַר לָ֑ךְ כִּי־לִ֥י תֵ֝בֵ֗ל וּמְלֹאָֽהּ׃Exode 19.5 Deutéronome 10.14 Genèse 1.11-1.12 Psaumes 115.15-115.16 Psaumes 24.1-24.2
¹³ הַֽ֭אֹוכַל בְּשַׂ֣ר אַבִּירִ֑ים וְדַ֖ם עַתּוּדִ֣ים אֶשְׁתֶּֽה׃ ¹⁴ זְבַ֣ח לֵאלֹהִ֣ים תֹּודָ֑ה וְשַׁלֵּ֖ם לְעֶלְיֹ֣ון נְדָרֶֽיךָ׃Deutéronome 23.21 Hébreux 13.15 Psaumes 56.12 Psaumes 107.21-107.22 Psaumes 76.11
¹⁵ וּ֭קְרָאֵנִי בְּיֹ֣ום צָרָ֑ה אֲ֝חַלֶּצְךָ֗ וּֽתְכַבְּדֵֽנִי׃Psaumes 107.28 Psaumes 91.15 Psaumes 81.7 Zacharie 13.9 Psaumes 107.6-107.13
¹⁶ וְלָ֤רָשָׁ֨ע׀ אָ֘מַ֤ר אֱלֹהִ֗ים מַה־לְּ֭ךָ לְסַפֵּ֣ר חֻקָּ֑י וַתִּשָּׂ֖א בְרִיתִ֣י עֲלֵי־פִֽיךָ׃Psaumes 78.36-78.38 Esaïe 48.1-48.2 Psaumes 25.14 1 Corinthiens 9.27 Esaïe 29.13
¹⁷ וְ֭אַתָּה שָׂנֵ֣אתָ מוּסָ֑ר וַתַּשְׁלֵ֖ךְ דְּבָרַ֣י אַחֲרֶֽיךָ׃Néhémie 9.26 Proverbes 12.1 Proverbes 1.7 Jérémie 18.12 2 Thessaloniciens 2.10-2.12
¹⁸ אִם־רָאִ֣יתָ גַ֭נָּב וַתִּ֣רֶץ עִמֹּ֑ו וְעִ֖ם מְנָאֲפִ֣ים חֶלְקֶֽךָ׃Romains 1.32 1 Timothée 5.22 Matthieu 23.30 Ephésiens 5.11-5.13 Proverbes 2.16-2.19
¹⁹ פִּ֭יךָ שָׁלַ֣חְתָּ בְרָעָ֑ה וּ֝לְשֹׁונְךָ֗ תַּצְמִ֥יד מִרְמָֽה׃Psaumes 10.7 Esaïe 59.3-59.4 Romains 3.13-3.14 Apocalypse 21.8 Jérémie 9.5
²⁰ תֵּ֭שֵׁב בְּאָחִ֣יךָ תְדַבֵּ֑ר בְּבֶֽן־אִ֝מְּךָ֗ תִּתֶּן־דֹּֽפִי׃Matthieu 10.21 Tite 2.3 Proverbes 10.18 1 Timothée 3.11 Apocalypse 12.10
²¹ אֵ֤לֶּה עָשִׂ֨יתָ׀ וְֽהֶחֱרַ֗שְׁתִּי דִּמִּ֗יתָ הֱֽיֹות־אֶֽהְיֶ֥ה כָמֹ֑וךָ אֹוכִיחֲךָ֖ וְאֶֽעֶרְכָ֣ה לְעֵינֶֽיךָ׃Psaumes 90.8 Esaïe 57.11 Ecclésiaste 8.11-8.12 Romains 2.4-2.5 1 Corinthiens 4.5
²² בִּֽינוּ־נָ֣א זֹ֭את שֹׁכְחֵ֣י אֱלֹ֑והַּ פֶּן־אֶ֝טְרֹ֗ף וְאֵ֣ין מַצִּֽיל׃Psaumes 9.17 Psaumes 7.2 Job 8.13 Deutéronome 32.18 Ezéchiel 18.28
²³ זֹבֵ֥חַ תֹּודָ֗ה יְֽכַ֫בְּדָ֥נְנִי וְשָׂ֥ם דֶּ֑רֶךְ אַ֝רְאֶ֗נּוּ בְּיֵ֣שַׁע אֱלֹהִֽים׃Psaumes 91.16 Jacques 3.13 Jean 8.31-8.32 Actes 11.14 Psaumes 24.4-24.5