Esaïe 26.8
Biblia Hebraica Stuttgartensia

¹ בַּיֹּ֣ום הַה֔וּא יוּשַׁ֥ר הַשִּׁיר־הַזֶּ֖ה בְּאֶ֣רֶץ יְהוּדָ֑ה עִ֣יר עָז־לָ֔נוּ יְשׁוּעָ֥ה יָשִׁ֖ית חֹומֹ֥ות וָחֵֽל׃Esaïe 60.18 Esaïe 27.1-27.2 Psaumes 48.12 Esaïe 25.9 Jérémie 33.11
² פִּתְח֖וּ שְׁעָרִ֑ים וְיָבֹ֥א גֹוי־צַדִּ֖יק שֹׁמֵ֥ר אֱמֻנִֽים׃Esaïe 60.11 Esaïe 62.2 Psaumes 118.20 Apocalypse 21.24 Esaïe 60.21
³ יֵ֣צֶר סָמ֔וּךְ תִּצֹּ֖ר שָׁלֹ֣ום׀ שָׁלֹ֑ום כִּ֥י בְךָ֖ בָּטֽוּחַ׃Philippiens 4.7 Jean 14.27 Jean 16.33 Psaumes 9.10 Romains 4.18-4.21
⁴ בִּטְח֥וּ בַֽיהוָ֖ה עֲדֵי־עַ֑ד כִּ֚י בְּיָ֣הּ יְהוָ֔ה צ֖וּר עֹולָמִֽים׃Esaïe 12.2 Psaumes 62.8 Philippiens 4.13 Esaïe 50.10 Psaumes 55.22
⁵ כִּ֤י הֵשַׁח֙ יֹשְׁבֵ֣י מָרֹ֔ום קִרְיָ֖ה נִשְׂגָּבָ֑ה יַשְׁפִּילֶ֤נָּה יַשְׁפִּילָהּ֙ עַד־אֶ֔רֶץ יַגִּיעֶ֖נָּה עַד־עָפָֽר׃Job 40.11-40.13 Jérémie 51.25-51.26 Apocalypse 18.2 Esaïe 2.12 Jérémie 51.64
⁶ תִּרְמְסֶ֖נָּה רָ֑גֶל רַגְלֵ֥י עָנִ֖י פַּעֲמֵ֥י דַלִּֽים׃Romains 16.20 Luc 1.51-1.53 Esaïe 37.25 Daniel 7.27 Sophonie 3.11
⁷ אֹ֥רַח לַצַּדִּ֖יק מֵֽישָׁרִ֑ים יָשָׁ֕ר מַעְגַּ֥ל צַדִּ֖יק תְּפַלֵּֽס׃1 Samuel 2.2-2.4 1 Chroniques 29.17 Psaumes 11.7 Job 31.6 Proverbes 20.7
⁸ אַ֣ף אֹ֧רַח מִשְׁפָּטֶ֛יךָ יְהוָ֖ה קִוִּינ֑וּךָ לְשִׁמְךָ֥ וּֽלְזִכְרְךָ֖ תַּאֲוַת־נָֽפֶשׁ׃Exode 3.15 Malachie 4.4 Michée 7.7 Jacques 5.7-5.11 Psaumes 18.23
⁹ נַפְשִׁ֤י אִוִּיתִ֨יךָ֙ בַּלַּ֔יְלָה אַף־רוּחִ֥י בְקִרְבִּ֖י אֲשַֽׁחֲרֶ֑ךָּ כִּ֞י כַּאֲשֶׁ֤ר מִשְׁפָּטֶ֨יךָ֙ לָאָ֔רֶץ צֶ֥דֶק לָמְד֖וּ יֹשְׁבֵ֥י תֵבֵֽל׃Matthieu 6.33 Psaumes 63.1 Apocalypse 11.13 Cantique 3.1-3.4 Luc 6.12
¹⁰ יֻחַ֤ן רָשָׁע֙ בַּל־לָמַ֣ד צֶ֔דֶק בְּאֶ֥רֶץ נְכֹחֹ֖ות יְעַוֵּ֑ל וּבַל־יִרְאֶ֖ה גֵּא֥וּת יְהוָֽה׃ סJean 5.37-5.38 Osée 11.7 Romains 2.4-2.5 Ezéchiel 22.2-22.16 Osée 9.3
¹¹ יְהוָ֛ה רָ֥מָה יָדְךָ֖ בַּל־יֶחֱזָי֑וּן יֶחֱז֤וּ וְיֵבֹ֨שׁוּ֙ קִנְאַת־עָ֔ם אַף־אֵ֖שׁ צָרֶ֥יךָ תֹאכְלֵֽם׃ סEsaïe 5.24 Michée 5.9 1 Pierre 3.16 Psaumes 10.12 Psaumes 86.17
¹² יְהוָ֕ה תִּשְׁפֹּ֥ת שָׁלֹ֖ום לָ֑נוּ כִּ֛י גַּ֥ם כָּֽל־מַעֲשֵׂ֖ינוּ פָּעַ֥לְתָּ לָּֽנוּ׃Deutéronome 30.6 Jean 14.27 Hébreux 13.20 Ephésiens 2.10 Ezéchiel 20.22
¹³ יְהוָ֣ה אֱלֹהֵ֔ינוּ בְּעָל֥וּנוּ אֲדֹנִ֖ים זֽוּלָתֶ֑ךָ לְבַד־בְּךָ֖ נַזְכִּ֥יר שְׁמֶֽךָ׃Esaïe 2.8 2 Chroniques 12.8 Esaïe 12.4 Hébreux 13.15 Jean 8.32
¹⁴ מֵתִים֙ בַּל־יִחְי֔וּ רְפָאִ֖ים בַּל־יָקֻ֑מוּ לָכֵ֤ן פָּקַ֨דְתָּ֙ וַתַּשְׁמִידֵ֔ם וַתְּאַבֵּ֥ד כָּל־זֵ֖כֶר לָֽמֹו׃Esaïe 8.19 Exode 14.30 Esaïe 14.19-14.22 Proverbes 10.7 Psaumes 109.13
¹⁵ יָסַ֤פְתָּ לַגֹּוי֙ יְהוָ֔ה יָסַ֥פְתָּ לַגֹּ֖וי נִכְבָּ֑דְתָּ רִחַ֖קְתָּ כָּל־קַצְוֵי־אָֽרֶץ׃Esaïe 9.3 Genèse 13.16 Néhémie 9.23 Jean 15.8 2 Rois 23.27
¹⁶ יְהוָ֖ה בַּצַּ֣ר פְּקָד֑וּךָ צָק֣וּן לַ֔חַשׁ מוּסָרְךָ֖ לָֽמֹו׃Osée 5.15 Esaïe 37.3 Lamentations 2.19 2 Chroniques 33.12-33.13 Psaumes 42.4
¹⁷ כְּמֹ֤ו הָרָה֙ תַּקְרִ֣יב לָלֶ֔דֶת תָּחִ֥יל תִּזְעַ֖ק בַּחֲבָלֶ֑יהָ כֵּ֛ן הָיִ֥ינוּ מִפָּנֶ֖יךָ יְהוָֽה׃Jean 16.21 Esaïe 13.8 Esaïe 21.3 1 Thessaloniciens 5.3 Jérémie 30.6
¹⁸ הָרִ֣ינוּ חַ֔לְנוּ כְּמֹ֖ו יָלַ֣דְנוּ ר֑וּחַ יְשׁוּעֹת֙ בַּל־נַ֣עֲשֶׂה אֶ֔רֶץ וּבַֽל־יִפְּל֖וּ יֹשְׁבֵ֥י תֵבֵֽל׃Psaumes 17.14 1 Samuel 11.13 Esaïe 59.4 Osée 13.13 Jean 7.7
¹⁹ יִֽחְי֣וּ מֵתֶ֔יךָ נְבֵלָתִ֖י יְקוּמ֑וּן הָקִ֨יצוּ וְרַנְּנ֜וּ שֹׁכְנֵ֣י עָפָ֗ר כִּ֣י טַ֤ל אֹורֹת֙ טַלֶּ֔ךָ וָאָ֖רֶץ רְפָאִ֥ים תַּפִּֽיל׃ סDaniel 12.2 Ezéchiel 37.1-37.14 Ephésiens 5.14 Osée 13.14 Esaïe 25.8
²⁰ לֵ֤ךְ עַמִּי֙ בֹּ֣א בַחֲדָרֶ֔יךָ וּֽסְגֹ֥ר דְּלָתְךָ֖ בַּעֲדֶ֑ךָ חֲבִ֥י כִמְעַט־רֶ֖גַע עַד־יַעֲבָר־זָֽעַם׃Psaumes 30.5 Psaumes 91.4 Esaïe 54.7-54.8 Psaumes 91.1 Proverbes 18.10
²¹ כִּֽי־הִנֵּ֤ה יְהוָה֙ יֹצֵ֣א מִמְּקֹומֹ֔ו לִפְקֹ֛ד עֲוֹ֥ן יֹֽשֵׁב־הָאָ֖רֶץ עָלָ֑יו וְגִלְּתָ֤ה הָאָ֨רֶץ֙ אֶת־דָּמֶ֔יהָ וְלֹֽא־תְכַסֶּ֥ה עֹ֖וד עַל־הֲרוּגֶֽיהָ׃ סJob 16.18 Ezéchiel 24.7-24.8 Luc 11.40 Osée 5.14-5.15 Esaïe 13.11