Lamentations 4.7
Septante

Horreur du siège de Jérusalem

¹ πῶς ἀμαυρωθήσεται χρυσίον ἀλλοιωθήσεται τὸ ἀργύριον τὸ ἀγαθόν ἐξεχύθησαν λίθοι ἅγιοι ἐπ’ ἀρχῆς πασῶν ἐξόδων.
Ezéchiel 7.19-7.22 Esaïe 1.21 Lamentations 2.19 2 Rois 25.9-25.10 Esaïe 14.12
² υἱοὶ Σιων οἱ τίμιοι οἱ ἐπηρμένοι ἐν χρυσίῳ πῶς ἐλογίσθησαν εἰς ἀγγεῖα ὀστράκινα ἔργα χειρῶν κεραμέως.
Jérémie 19.11 Esaïe 30.14 Zacharie 9.13 Lamentations 5.12 Romains 9.21-9.23
³ καί γε δράκοντες ἐξέδυσαν μαστούς ἐθήλασαν σκύμνοι αὐτῶν θυγατέρες λαοῦ μου εἰς ἀνίατον ὡς στρουθίον ἐν ἐρήμῳ.
Ezéchiel 5.10 Esaïe 49.15 Lamentations 4.10 Luc 23.28-23.29 Lévitique 26.29
⁴ ἐκολλήθη ἡ γλῶσσα θηλάζοντος πρὸς τὸν φάρυγγα αὐτοῦ ἐν δίψει νήπια ᾔτησαν ἄρτον ὁ διακλῶν οὐκ ἔστιν αὐτοῖς.
Psaumes 22.15 Lamentations 2.11-2.12 Psaumes 137.6 Deutéronome 32.24 Lamentations 1.11
⁵ οἱ ἔσθοντες τὰς τρυφὰς ἠφανίσθησαν ἐν ταῖς ἐξόδοις οἱ τιθηνούμενοι ἐπὶ κόκκων περιεβάλοντο κοπρίας.
Amos 6.3-6.7 Luc 7.25 2 Samuel 1.24 Luc 15.16 Luc 16.19
⁶ καὶ ἐμεγαλύνθη ἀνομία θυγατρὸς λαοῦ μου ὑπὲρ ἀνομίας Σοδομων τῆς κατεστραμμένης ὥσπερ σπουδῇ καὶ οὐκ ἐπόνεσαν ἐν αὐτῇ χεῖρας.
Genèse 19.25 Luc 10.12 Lamentations 4.9 Matthieu 11.23-11.24 Daniel 9.12
⁷ ἐκαθαριώθησαν ναζιραῖοι αὐτῆς ὑπὲρ χιόνα ἔλαμψαν ὑπὲρ γάλα ἐπυρρώθησαν ὑπὲρ λίθους σαπφείρου τὸ ἀπόσπασμα αὐτῶν.
Psaumes 51.7 Cantique 5.10 Juges 16.17 Amos 2.11-2.12 Juges 13.5
⁸ ἐσκότασεν ὑπὲρ ἀσβόλην τὸ εἶδος αὐτῶν οὐκ ἐπεγνώσθησαν ἐν ταῖς ἐξόδοις ἐπάγη δέρμα αὐτῶν ἐπὶ τὰ ὀστέα αὐτῶν ἐξηράνθησαν ἐγενήθησαν ὥσπερ ξύλον.
Lamentations 5.10 Psaumes 102.3-102.5 Job 30.30 Job 19.20 Psaumes 119.83
⁹ καλοὶ ἦσαν οἱ τραυματίαι ῥομφαίας ἢ οἱ τραυματίαι λιμοῦ ἐπορεύθησαν ἐκκεκεντημένοι ἀπὸ γενημάτων ἀγρῶν.
Lévitique 26.39 Ezéchiel 24.23 Jérémie 16.4 Ezéchiel 33.10
¹⁰ χεῖρες γυναικῶν οἰκτιρμόνων ἥψησαν τὰ παιδία αὐτῶν ἐγενήθησαν εἰς βρῶσιν αὐταῖς ἐν τῷ συντρίμματι τῆς θυγατρὸς λαοῦ μου.
Lamentations 2.20 Esaïe 49.15 Jérémie 19.9 Ezéchiel 5.10 Lamentations 4.3
¹¹ συνετέλεσεν κύριος θυμὸν αὐτοῦ ἐξέχεεν θυμὸν ὀργῆς αὐτοῦ καὶ ἀνῆψεν πῦρ ἐν Σιων καὶ κατέφαγεν τὰ θεμέλια αὐτῆς.
Jérémie 7.20 Ezéchiel 22.31 Lamentations 2.17 Jérémie 17.27 Jérémie 9.9-9.11
¹² οὐκ ἐπίστευσαν βασιλεῖς γῆς πάντες οἱ κατοικοῦντες τὴν οἰκουμένην ὅτι εἰσελεύσεται ἐχθρὸς καὶ ἐκθλίβων διὰ τῶν πυλῶν Ιερουσαλημ.
Deutéronome 29.24-29.28 1 Rois 9.8-9.9 Psaumes 48.4-48.6 Jérémie 21.13
¹³ ἐξ ἁμαρτιῶν προφητῶν αὐτῆς ἀδικιῶν ἱερέων αὐτῆς τῶν ἐκχεόντων αἷμα δίκαιον ἐν μέσῳ αὐτῆς.
Jérémie 5.31 Jérémie 6.13 Jérémie 26.8-26.9 Lamentations 2.14 Ezéchiel 22.26-22.28
¹⁴ ἐσαλεύθησαν ἐγρήγοροι αὐτῆς ἐν ταῖς ἐξόδοις ἐμολύνθησαν ἐν αἵματι ἐν τῷ μὴ δύνασθαι αὐτοὺς ἥψαντο ἐνδυμάτων αὐτῶν.
Jérémie 2.34 Deutéronome 28.28-28.29 Esaïe 56.10 Esaïe 1.15 Nombres 19.16
¹⁵ ἀπόστητε ἀκαθάρτων καλέσατε αὐτούς ἀπόστητε ἀπόστητε μὴ ἅπτεσθε ὅτι ἀνήφθησαν καί γε ἐσαλεύθησαν εἴπατε ἐν τοῖς ἔθνεσιν οὐ μὴ προσθῶσιν τοῦ παροικεῖν.
Lévitique 13.45-13.46
¹⁶ πρόσωπον κυρίου μερὶς αὐτῶν οὐ προσθήσει ἐπιβλέψαι αὐτοῖς πρόσωπον ἱερέων οὐκ ἔλαβον πρεσβύτας οὐκ ἠλέησαν.
Lamentations 5.12 Esaïe 9.14-9.16 2 Chroniques 36.17 Deutéronome 32.26 Psaumes 106.44
¹⁷ ἔτι ὄντων ἡμῶν ἐξέλιπον οἱ ὀφθαλμοὶ ἡμῶν εἰς τὴν βοήθειαν ἡμῶν μάταια ἀποσκοπευόντων ἡμῶν ἀπεσκοπεύσαμεν εἰς ἔθνος οὐ σῷζον.
Ezéchiel 29.16 Ezéchiel 29.6-29.7 Esaïe 20.5 2 Rois 24.7 Jérémie 8.20
¹⁸ ἐθηρεύσαμεν μικροὺς ἡμῶν τοῦ μὴ πορεύεσθαι ἐν ταῖς πλατείαις ἡμῶν ἤγγικεν ὁ καιρὸς ἡμῶν ἐπληρώθησαν αἱ ἡμέραι ἡμῶν πάρεστιν ὁ καιρὸς ἡμῶν.
Amos 8.2 Ezéchiel 7.2-7.12 Jérémie 16.16 Lamentations 3.52 Ezéchiel 12.22-12.23
¹⁹ κοῦφοι ἐγένοντο οἱ διώκοντες ἡμᾶς ὑπὲρ ἀετοὺς οὐρανοῦ ἐπὶ τῶν ὀρέων ἐξήφθησαν ἐν ἐρήμῳ ἐνήδρευσαν ἡμᾶς.
Esaïe 5.26-5.28 Habakuk 1.8 Jérémie 4.13 Esaïe 30.16-30.17 Deutéronome 28.49
²⁰ πνεῦμα προσώπου ἡμῶν χριστὸς κυρίου συνελήμφθη ἐν ταῖς διαφθοραῖς αὐτῶν οὗ εἴπαμεν ἐν τῇ σκιᾷ αὐτοῦ ζησόμεθα ἐν τοῖς ἔθνεσιν.
2 Samuel 19.21 Jérémie 39.5 Genèse 2.7 Ezéchiel 12.13 2 Samuel 1.14
²¹ χαῖρε καὶ εὐφραίνου θύγατερ Ιδουμαίας ἡ κατοικοῦσα ἐπὶ γῆς καί γε ἐπὶ σὲ διελεύσεται τὸ ποτήριον κυρίου καὶ μεθυσθήσῃ καὶ ἀποχεεῖς.
Job 1.1 Amos 1.11 Psaumes 137.7 Ezéchiel 25.6 Ezéchiel 35.11-35.15
²² ἐξέλιπεν ἡ ἀνομία σου θύγατερ Σιων οὐ προσθήσει ἔτι ἀποικίσαι σε ἐπεσκέψατο ἀνομίας σου θύγατερ Εδωμ ἀπεκάλυψεν ἐπὶ τὰ ἀσεβήματά σου.
Esaïe 40.2 Psaumes 137.7 Jérémie 32.40 Lamentations 4.6 Esaïe 60.18