Habakuk 2.5
Septante

¹ ἐπὶ τῆς φυλακῆς μου στήσομαι καὶ ἐπιβήσομαι ἐπὶ πέτραν καὶ ἀποσκοπεύσω τοῦ ἰδεῖν τί λαλήσει ἐν ἐμοὶ καὶ τί ἀποκριθῶ ἐπὶ τὸν ἔλεγχόν μου.Psaumes 85.8 Esaïe 21.8 Psaumes 5.3 2 Corinthiens 13.3 2 Samuel 18.24
² καὶ ἀπεκρίθη πρός με κύριος καὶ εἶπεν γράψον ὅρασιν καὶ σαφῶς ἐπὶ πυξίον ὅπως διώκῃ ὁ ἀναγινώσκων αὐτά.Esaïe 30.8 Jérémie 36.2-36.4 Deutéronome 31.19 Apocalypse 14.13 Apocalypse 21.5-21.8
³ διότι ἔτι ὅρασις εἰς καιρὸν καὶ ἀνατελεῖ εἰς πέρας καὶ οὐκ εἰς κενόν ἐὰν ὑστερήσῃ ὑπόμεινον αὐτόν ὅτι ἐρχόμενος ἥξει καὶ οὐ μὴ χρονίσῃ.Psaumes 27.14 Daniel 10.14 Lamentations 3.25-3.26 Ezéchiel 12.25 2 Thessaloniciens 2.6-2.8
⁴ ἐὰν ὑποστείληται οὐκ εὐδοκεῖ ἡ ψυχή μου ἐν αὐτῷ ὁ δὲ δίκαιος ἐκ πίστεώς μου ζήσεται.Romains 1.17 Hébreux 10.38 Galates 3.11-3.12 Jean 3.36 Daniel 5.20-5.23
⁵ ὁ δὲ κατοινωμένος καὶ καταφρονητὴς ἀνὴρ ἀλαζών οὐδὲν μὴ περάνῃ ὃς ἐπλάτυνεν καθὼς ὁ ᾅδης τὴν ψυχὴν αὐτοῦ καὶ οὗτος ὡς θάνατος οὐκ ἐμπιπλάμενος καὶ ἐπισυνάξει ἐπ’ αὐτὸν πάντα τὰ ἔθνη καὶ εἰσδέξεται πρὸς αὐτὸν πάντας τοὺς λαούς.Proverbes 27.20 Proverbes 20.1 Ecclésiaste 5.10 Proverbes 31.4-31.5 Esaïe 5.11-5.12
⁶ οὐχὶ ταῦτα πάντα παραβολὴν κατ’ αὐτοῦ λήμψονται καὶ πρόβλημα εἰς διήγησιν αὐτοῦ καὶ ἐροῦσιν οὐαὶ ὁ πληθύνων ἑαυτῷ τὰ οὐκ ὄντα αὐτοῦ ἕως τίνος καὶ βαρύνων τὸν κλοιὸν αὐτοῦ στιβαρῶς.Job 20.15-20.29 Michée 2.4 Nombres 23.7 Jérémie 50.13 Proverbes 22.16
⁷ ὅτι ἐξαίφνης ἀναστήσονται δάκνοντες αὐτόν καὶ ἐκνήψουσιν οἱ ἐπίβουλοί σου καὶ ἔσῃ εἰς διαρπαγὴν αὐτοῖς.Proverbes 29.1 Jérémie 50.21-50.32 Esaïe 13.16-13.18 Esaïe 48.14-48.15 1 Thessaloniciens 5.3
⁸ διότι σὺ ἐσκύλευσας ἔθνη πολλά σκυλεύσουσίν σε πάντες οἱ ὑπολελειμμένοι λαοὶ δι’ αἵματα ἀνθρώπων καὶ ἀσεβείας γῆς καὶ πόλεως καὶ πάντων τῶν κατοικούντων αὐτήν.Esaïe 33.1 Habakuk 2.17 Jérémie 27.7 Zacharie 2.8-2.9 Jérémie 50.37
⁹ ὦ ὁ πλεονεκτῶν πλεονεξίαν κακὴν τῷ οἴκῳ αὐτοῦ τοῦ τάξαι εἰς ὕψος νοσσιὰν αὐτοῦ τοῦ ἐκσπασθῆναι ἐκ χειρὸς κακῶν.Jérémie 49.16 Genèse 19.26-19.38 Deutéronome 7.25-7.26 Esaïe 28.15 Abdias 1.4
¹⁰ ἐβουλεύσω αἰσχύνην τῷ οἴκῳ σου συνεπέρανας λαοὺς πολλούς καὶ ἐξήμαρτεν ἡ ψυχή σου.2 Rois 9.26 Nahum 1.14 Nombres 16.38 1 Rois 2.23 Jérémie 26.19
¹¹ διότι λίθος ἐκ τοίχου βοήσεται καὶ κάνθαρος ἐκ ξύλου φθέγξεται αὐτά.Luc 19.40 Josué 24.27 Job 31.38-31.40 Genèse 4.10 Apocalypse 6.10
¹² οὐαὶ ὁ οἰκοδομῶν πόλιν ἐν αἵμασιν καὶ ἑτοιμάζων πόλιν ἐν ἀδικίαις.Michée 3.10 Nahum 3.1 Ezéchiel 24.9 Josué 6.26 Apocalypse 17.6
¹³ οὐ ταῦτά ἐστιν παρὰ κυρίου παντοκράτορος καὶ ἐξέλιπον λαοὶ ἱκανοὶ ἐν πυρί καὶ ἔθνη πολλὰ ὠλιγοψύχησαν.Jérémie 51.58 Esaïe 50.11 Proverbes 21.30 Esaïe 55.2 Genèse 11.6-11.9
¹⁴ ὅτι πλησθήσεται ἡ γῆ τοῦ γνῶναι τὴν δόξαν κυρίου ὡς ὕδωρ κατακαλύψει αὐτούς.Esaïe 11.9 Psaumes 22.27 Psaumes 72.19 Esaïe 6.3 Psaumes 86.9
¹⁵ ὦ ὁ ποτίζων τὸν πλησίον αὐτοῦ ἀνατροπῇ θολερᾷ καὶ μεθύσκων ὅπως ἐπιβλέπῃ ἐπὶ τὰ σπήλαια αὐτῶν.Jérémie 51.7 Genèse 9.22 Exode 32.25 Genèse 19.32-19.35 2 Samuel 13.26-13.28
¹⁶ πλησμονὴν ἀτιμίας ἐκ δόξης πίε καὶ σὺ καὶ διασαλεύθητι καὶ σείσθητι ἐκύκλωσεν ἐπὶ σὲ ποτήριον δεξιᾶς κυρίου καὶ συνήχθη ἀτιμία ἐπὶ τὴν δόξαν σου.Esaïe 47.3 Psaumes 75.8 Apocalypse 18.6 Esaïe 51.21-51.23 Esaïe 49.26
¹⁷ διότι ἀσέβεια τοῦ Λιβάνου καλύψει σε καὶ ταλαιπωρία θηρίων πτοήσει σε διὰ αἵματα ἀνθρώπων καὶ ἀσεβείας γῆς καὶ πόλεως καὶ πάντων τῶν κατοικούντων αὐτήν.Habakuk 2.8 Zacharie 11.1 Psaumes 55.23 Apocalypse 18.20-18.24 Jérémie 50.28
¹⁸ τί ὠφελεῖ γλυπτόν ὅτι ἔγλυψαν αὐτό ἔπλασαν αὐτὸ χώνευμα φαντασίαν ψευδῆ ὅτι πέποιθεν ὁ πλάσας ἐπὶ τὸ πλάσμα αὐτοῦ τοῦ ποιῆσαι εἴδωλα κωφά.Esaïe 42.17 Zacharie 10.2 Jérémie 10.8 Esaïe 44.9-44.10 Jérémie 2.27-2.28
¹⁹ οὐαὶ ὁ λέγων τῷ ξύλῳ ἔκνηψον ἐξεγέρθητι καὶ τῷ λίθῳ ὑψώθητι καὶ αὐτό ἐστιν φαντασία τοῦτο δέ ἐστιν ἔλασμα χρυσίου καὶ ἀργυρίου καὶ πᾶν πνεῦμα οὐκ ἔστιν ἐν αὐτῷ.Psaumes 135.17 Jérémie 10.4 Jérémie 10.9 1 Rois 18.26-18.29 Esaïe 44.17
²⁰ ὁ δὲ κύριος ἐν ναῷ ἁγίῳ αὐτοῦ εὐλαβείσθω ἀπὸ προσώπου αὐτοῦ πᾶσα ἡ γῆ.Zacharie 2.13 Sophonie 1.7 Psaumes 11.4 Psaumes 46.10 Jonas 2.7