Nombres 34.4
Septante

Instructions pour le partage du pays

¹ καὶ ἐλάλησεν κύριος πρὸς Μωυσῆν λέγων.
² ἔντειλαι τοῖς υἱοῖς Ισραηλ καὶ ἐρεῖς πρὸς αὐτούς ὑμεῖς εἰσπορεύεσθε εἰς τὴν γῆν Χανααν αὕτη ἔσται ὑμῖν εἰς κληρονομίαν γῆ Χανααν σὺν τοῖς ὁρίοις αὐτῆς.
Genèse 17.8 Psaumes 105.11 Deutéronome 1.7-1.8 Nombres 33.51-33.53 Ezéchiel 47.14
³ καὶ ἔσται ὑμῖν τὸ κλίτος τὸ πρὸς λίβα ἀπὸ ἐρήμου Σιν ἕως ἐχόμενον Εδωμ καὶ ἔσται ὑμῖν τὰ ὅρια πρὸς λίβα ἀπὸ μέρους τῆς θαλάσσης τῆς ἁλυκῆς ἀπὸ ἀνατολῶν.
Genèse 14.3 Ezéchiel 47.13 Josué 3.16 Ezéchiel 47.8 Ezéchiel 47.18-47.23
⁴ καὶ κυκλώσει ὑμᾶς τὰ ὅρια ἀπὸ λιβὸς πρὸς ἀνάβασιν Ακραβιν καὶ παρελεύσεται Σεννα καὶ ἔσται ἡ διέξοδος αὐτοῦ πρὸς λίβα Καδης τοῦ Βαρνη καὶ ἐξελεύσεται εἰς ἔπαυλιν Αραδ καὶ παρελεύσεται Ασεμωνα.
Nombres 32.8 Juges 1.36 Nombres 13.21 Josué 15.3-15.4 Nombres 20.1
⁵ καὶ κυκλώσει τὰ ὅρια ἀπὸ Ασεμωνα χειμάρρουν Αἰγύπτου καὶ ἔσται ἡ διέξοδος ἡ θάλασσα.
Josué 15.4 Genèse 15.18 Esaïe 27.12 1 Rois 8.65 Josué 15.47
⁶ καὶ τὰ ὅρια τῆς θαλάσσης ἔσται ὑμῖν ἡ θάλασσα ἡ μεγάλη ὁριεῖ τοῦτο ἔσται ὑμῖν τὰ ὅρια τῆς θαλάσσης.
Josué 15.12 Josué 9.1 Josué 1.4 Ezéchiel 47.10 Ezéchiel 47.20
⁷ καὶ τοῦτο ἔσται τὰ ὅρια ὑμῖν πρὸς βορρᾶν ἀπὸ τῆς θαλάσσης τῆς μεγάλης καταμετρήσετε ὑμῖν αὐτοῖς παρὰ τὸ ὄρος τὸ ὄρος.
Nombres 33.37 Nombres 34.9-34.10 Ezéchiel 47.15-47.17 Nombres 34.3 Nombres 34.6
⁸ καὶ ἀπὸ τοῦ ὄρους τὸ ὄρος καταμετρήσετε αὐτοῖς εἰσπορευομένων εἰς Εμαθ καὶ ἔσται ἡ διέξοδος αὐτοῦ τὰ ὅρια Σαραδα.
Nombres 13.21 2 Rois 14.25 Ezéchiel 47.15-47.20 Jérémie 39.5 Josué 13.5-13.6
⁹ καὶ ἐξελεύσεται τὰ ὅρια Δεφρωνα καὶ ἔσται ἡ διέξοδος αὐτοῦ Ασερναιν τοῦτο ἔσται ὑμῖν ὅρια ἀπὸ βορρᾶ.
Ezéchiel 47.17
¹⁰ καὶ καταμετρήσετε ὑμῖν αὐτοῖς τὰ ὅρια ἀνατολῶν ἀπὸ Ασερναιν Σεπφαμα.
¹¹ καὶ καταβήσεται τὰ ὅρια ἀπὸ Σεπφαμ Αρβηλα ἀπὸ ἀνατολῶν ἐπὶ πηγάς καὶ καταβήσεται τὰ ὅρια Βηλα ἐπὶ νώτου θαλάσσης Χεναρα ἀπὸ ἀνατολῶν.
Deutéronome 3.17 2 Rois 23.33 Josué 11.2 Luc 5.1 Josué 19.35
¹² καὶ καταβήσεται τὰ ὅρια ἐπὶ τὸν Ιορδάνην καὶ ἔσται ἡ διέξοδος θάλασσα ἡ ἁλυκή αὕτη ἔσται ὑμῖν ἡ γῆ καὶ τὰ ὅρια αὐτῆς κύκλῳ.
Nombres 34.3 Genèse 14.3 Genèse 19.24-19.26 Genèse 13.10
¹³ καὶ ἐνετείλατο Μωυσῆς τοῖς υἱοῖς Ισραηλ λέγων αὕτη ἡ γῆ ἣν κατακληρονομήσετε αὐτὴν μετὰ κλήρου ὃν τρόπον συνέταξεν κύριος τῷ Μωυσῇ δοῦναι αὐτὴν ταῖς ἐννέα φυλαῖς καὶ τῷ ἡμίσει φυλῆς Μανασση.
Nombres 34.1 Josué 14.1-14.5
¹⁴ ὅτι ἔλαβεν φυλὴ υἱῶν Ρουβην καὶ φυλὴ υἱῶν Γαδ κατ’ οἴκους πατριῶν αὐτῶν καὶ τὸ ἥμισυ φυλῆς Μανασση ἀπέλαβον τοὺς κλήρους αὐτῶν.
Nombres 32.33 Josué 14.2-14.3 Nombres 32.23 Deutéronome 3.12-3.17 Josué 13.8-13.12
¹⁵ δύο φυλαὶ καὶ ἥμισυ φυλῆς ἔλαβον τοὺς κλήρους αὐτῶν πέραν τοῦ Ιορδάνου κατὰ Ιεριχω ἀπὸ νότου κατ’ ἀνατολάς.
Nombres 32.32
¹⁶ καὶ ἐλάλησεν κύριος πρὸς Μωυσῆν λέγων.
¹⁷ ταῦτα τὰ ὀνόματα τῶν ἀνδρῶν οἳ κληρονομήσουσιν ὑμῖν τὴν γῆν Ελεαζαρ ὁ ἱερεὺς καὶ Ἰησοῦς ὁ τοῦ Ναυη.
Josué 14.1 Josué 19.51 Nombres 13.8 Nombres 13.16
¹⁸ καὶ ἄρχοντα ἕνα ἐκ φυλῆς λήμψεσθε κατακληρονομῆσαι ὑμῖν τὴν γῆν.
Nombres 1.4-1.16
¹⁹ καὶ ταῦτα τὰ ὀνόματα τῶν ἀνδρῶν τῆς φυλῆς Ιουδα Χαλεβ υἱὸς Ιεφοννη.
Nombres 26.65 Nombres 13.30 Nombres 14.6 Deutéronome 33.7 Nombres 14.24
²⁰ τῆς φυλῆς Συμεων Σαλαμιηλ υἱὸς Εμιουδ.
Genèse 49.5
²¹ τῆς φυλῆς Βενιαμιν Ελδαδ υἱὸς Χασλων.
Psaumes 68.27 Genèse 49.27
²² τῆς φυλῆς Δαν ἄρχων Βακχιρ υἱὸς Εγλι.
²³ τῶν υἱῶν Ιωσηφ φυλῆς υἱῶν Μανασση ἄρχων Ανιηλ υἱὸς Ουφι.
²⁴ τῆς φυλῆς υἱῶν Εφραιμ ἄρχων Καμουηλ υἱὸς Σαβαθα.
²⁵ τῆς φυλῆς Ζαβουλων ἄρχων Ελισαφαν υἱὸς Φαρναχ.
²⁶ τῆς φυλῆς υἱῶν Ισσαχαρ ἄρχων Φαλτιηλ υἱὸς Οζα.
²⁷ τῆς φυλῆς υἱῶν Ασηρ ἄρχων Αχιωρ υἱὸς Σελεμι.
²⁸ τῆς φυλῆς Νεφθαλι ἄρχων Φαδαηλ υἱὸς Βεναμιουδ.
²⁹ οὗτοι οἷς ἐνετείλατο κύριος καταμερίσαι τοῖς υἱοῖς Ισραηλ ἐν γῇ Χανααν.
Nombres 34.18 Josué 19.51