Genèse 3
Vulgate

La tentation et la chute

1 sed et serpens erat callidior cunctis animantibus terrae quae fecerat Dominus Deus qui dixit ad mulierem cur praecepit vobis Deus ut non comederetis de omni ligno paradisi
2 Corinthiens 11.3 Apocalypse 12.9 2 Corinthiens 11.14 Apocalypse 20.2 Matthieu 4.3
2 cui respondit mulier de fructu lignorum quae sunt in paradiso vescemur
Psaumes 58.4
3 de fructu vero ligni quod est in medio paradisi praecepit nobis Deus ne comederemus et ne tangeremus illud ne forte moriamur
Genèse 2.16-2.17 Job 1.11 1 Chroniques 16.22 Job 2.5 Exode 19.12-19.13
4 dixit autem serpens ad mulierem nequaquam morte moriemini
Jean 8.44 2 Corinthiens 11.3 Genèse 3.13 2 Rois 1.16 Deutéronome 29.19
5 scit enim Deus quod in quocumque die comederitis ex eo aperientur oculi vestri et eritis sicut dii scientes bonum et malum
Ezéchiel 28.2 Genèse 2.17 Genèse 3.10 2 Corinthiens 11.13-11.15 2 Chroniques 32.15
6 vidit igitur mulier quod bonum esset lignum ad vescendum et pulchrum oculis aspectuque delectabile et tulit de fructu illius et comedit deditque viro suo qui comedit
1 Jean 2.16 1 Timothée 2.14 Jacques 1.14-1.15 2 Samuel 11.2 Josué 7.21
7 et aperti sunt oculi amborum cumque cognovissent esse se nudos consuerunt folia ficus et fecerunt sibi perizomata
Genèse 2.25 Genèse 3.5 Esaïe 59.6 Job 9.29-9.31 Esaïe 28.20
8 et cum audissent vocem Domini Dei deambulantis in paradiso ad auram post meridiem abscondit se Adam et uxor eius a facie Domini Dei in medio ligni paradisi
Jérémie 23.24 Psaumes 139.1-139.12 Job 31.33 Job 22.14 Hébreux 4.13
9 vocavitque Dominus Deus Adam et dixit ei ubi es
Genèse 4.9 Genèse 16.8 Josué 7.17-7.19 Genèse 11.5 Apocalypse 20.12-20.13
10 qui ait vocem tuam audivi in paradiso et timui eo quod nudus essem et abscondi me
Genèse 2.25 Genèse 3.7 Exode 3.6 Esaïe 57.11 Exode 32.25
11 cui dixit quis enim indicavit tibi quod nudus esses nisi quod ex ligno de quo tibi praeceperam ne comederes comedisti
Romains 3.20 Psaumes 50.21 Genèse 4.10
12 dixitque Adam mulier quam dedisti sociam mihi dedit mihi de ligno et comedi
Job 31.33 Jacques 1.13-1.15 Genèse 2.18 Proverbes 28.13 Proverbes 19.3
13 et dixit Dominus Deus ad mulierem quare hoc fecisti quae respondit serpens decepit me et comedi
2 Corinthiens 11.3 1 Timothée 2.14 2 Samuel 12.9-12.12 Jean 18.35 Genèse 3.4-3.6
14 et ait Dominus Deus ad serpentem quia fecisti hoc maledictus es inter omnia animantia et bestias terrae super pectus tuum gradieris et terram comedes cunctis diebus vitae tuae
Esaïe 65.25 Michée 7.17 Esaïe 29.4 Psaumes 72.9 Genèse 3.1
15 inimicitias ponam inter te et mulierem et semen tuum et semen illius ipsa conteret caput tuum et tu insidiaberis calcaneo eius
Romains 16.20 1 Jean 3.8 Apocalypse 12.17 Galates 4.4 Esaïe 7.14
16 mulieri quoque dixit multiplicabo aerumnas tuas et conceptus tuos in dolore paries filios et sub viri potestate eris et ipse dominabitur tui
1 Corinthiens 14.34 1 Corinthiens 11.3 1 Timothée 2.15 1 Timothée 2.11-2.12 Genèse 4.7
17 ad Adam vero dixit quia audisti vocem uxoris tuae et comedisti de ligno ex quo praeceperam tibi ne comederes maledicta terra in opere tuo in laboribus comedes eam cunctis diebus vitae tuae
Romains 8.20-8.22 Genèse 5.29 Ecclésiaste 2.22-2.23 Job 14.1 Matthieu 25.26-25.27
18 spinas et tribulos germinabit tibi et comedes herbas terrae
Jérémie 4.3 Romains 14.2 Job 31.40 Job 5.5 Esaïe 7.23
19 in sudore vultus tui vesceris pane donec revertaris in terram de qua sumptus es quia pulvis es et in pulverem reverteris
Ecclésiaste 12.7 Psaumes 104.29 Genèse 2.7 Psaumes 90.3 Job 34.15
20 et vocavit Adam nomen uxoris suae Hava eo quod mater esset cunctorum viventium
Genèse 2.20 Actes 17.26 Genèse 2.23 Genèse 35.18 1 Samuel 1.20
21 fecit quoque Dominus Deus Adam et uxori eius tunicas pellicias et induit eos
Esaïe 61.10 Romains 3.22 2 Corinthiens 5.2-5.3 2 Corinthiens 5.21 Genèse 3.7
22 et ait ecce Adam factus est quasi unus ex nobis sciens bonum et malum nunc ergo ne forte mittat manum suam et sumat etiam de ligno vitae et comedat et vivat in aeternum
Genèse 1.26 Genèse 2.9 Genèse 3.5 Apocalypse 22.2 Jean 6.48-6.58
23 emisit eum Dominus Deus de paradiso voluptatis ut operaretur terram de qua sumptus est
Genèse 4.2 Genèse 2.5 Genèse 4.12 Genèse 9.20 Genèse 3.19
24 eiecitque Adam et conlocavit ante paradisum voluptatis cherubin et flammeum gladium atque versatilem ad custodiendam viam ligni vitae
Hébreux 1.7 Psaumes 104.4 Exode 25.18-25.22 Hébreux 10.18-10.22 1 Chroniques 21.16-21.17