Genèse 3
Vulgate

¹ sed et serpens erat callidior cunctis animantibus terrae quae fecerat Dominus Deus qui dixit ad mulierem cur praecepit vobis Deus ut non comederetis de omni ligno paradisi 2 Corinthiens 11.3 Apocalypse 12.9 2 Corinthiens 11.14 Apocalypse 20.2 Matthieu 4.3
² cui respondit mulier de fructu lignorum quae sunt in paradiso vescemur Psaumes 58.4
³ de fructu vero ligni quod est in medio paradisi praecepit nobis Deus ne comederemus et ne tangeremus illud ne forte moriamur Job 1.11 Genèse 2.16-2.17 2 Corinthiens 6.17 1 Chroniques 16.22 Job 2.5
⁴ dixit autem serpens ad mulierem nequaquam morte moriemini Jean 8.44 2 Corinthiens 11.3 Genèse 3.13 2 Rois 1.4 2 Rois 1.16
⁵ scit enim Deus quod in quocumque die comederitis ex eo aperientur oculi vestri et eritis sicut dii scientes bonum et malum Ezéchiel 28.2 Genèse 2.17 Actes 26.18 Exode 20.7 Ezéchiel 29.3
⁶ vidit igitur mulier quod bonum esset lignum ad vescendum et pulchrum oculis aspectuque delectabile et tulit de fructu illius et comedit deditque viro suo qui comedit 1 Jean 2.16 1 Timothée 2.14 2 Samuel 11.2 Josué 7.21 Jacques 1.14-1.15
⁷ et aperti sunt oculi amborum cumque cognovissent esse se nudos consuerunt folia ficus et fecerunt sibi perizomata Genèse 2.25 Genèse 3.5 Esaïe 59.6 Job 9.29-9.31 Esaïe 28.20
⁸ et cum audissent vocem Domini Dei deambulantis in paradiso ad auram post meridiem abscondit se Adam et uxor eius a facie Domini Dei in medio ligni paradisi Jérémie 23.24 Psaumes 139.1-139.12 Job 22.14 Job 31.33 Genèse 3.10
⁹ vocavitque Dominus Deus Adam et dixit ei ubi es Genèse 4.9 Genèse 16.8 Josué 7.17-7.19 Genèse 11.5 Apocalypse 20.12-20.13
¹⁰ qui ait vocem tuam audivi in paradiso et timui eo quod nudus essem et abscondi me Genèse 2.25 Genèse 3.7 Psaumes 119.120 Esaïe 47.3 Apocalypse 3.17-3.18
¹¹ cui dixit quis enim indicavit tibi quod nudus esses nisi quod ex ligno de quo tibi praeceperam ne comederes comedisti Romains 3.20 Psaumes 50.21 Genèse 4.10
¹² dixitque Adam mulier quam dedisti sociam mihi dedit mihi de ligno et comedi Job 31.33 Jacques 1.13-1.15 Genèse 2.18 Proverbes 28.13 Genèse 2.20
¹³ et dixit Dominus Deus ad mulierem quare hoc fecisti quae respondit serpens decepit me et comedi 2 Corinthiens 11.3 1 Timothée 2.14 2 Samuel 12.9-12.12 Jean 18.35 Genèse 44.15
¹⁴ et ait Dominus Deus ad serpentem quia fecisti hoc maledictus es inter omnia animantia et bestias terrae super pectus tuum gradieris et terram comedes cunctis diebus vitae tuae Esaïe 65.25 Michée 7.17 Esaïe 29.4 Psaumes 72.9 Lévitique 20.25
¹⁵ inimicitias ponam inter te et mulierem et semen tuum et semen illius ipsa conteret caput tuum et tu insidiaberis calcaneo eius Romains 16.20 1 Jean 3.8 Apocalypse 12.17 Galates 4.4 Esaïe 7.14
¹⁶ mulieri quoque dixit multiplicabo aerumnas tuas et conceptus tuos in dolore paries filios et sub viri potestate eris et ipse dominabitur tui 1 Corinthiens 14.34 1 Timothée 2.15 1 Corinthiens 11.3 1 Timothée 2.11-2.12 Jean 16.21
¹⁷ ad Adam vero dixit quia audisti vocem uxoris tuae et comedisti de ligno ex quo praeceperam tibi ne comederes maledicta terra in opere tuo in laboribus comedes eam cunctis diebus vitae tuae Romains 8.20-8.22 Genèse 5.29 Job 14.1 Matthieu 25.26-25.27 Ecclésiaste 2.22-2.23
¹⁸ spinas et tribulos germinabit tibi et comedes herbas terrae Psaumes 90.3 Esaïe 5.6 Esaïe 32.13 Job 1.21 Proverbes 22.5
¹⁹ in sudore vultus tui vesceris pane donec revertaris in terram de qua sumptus es quia pulvis es et in pulverem reverteris Ecclésiaste 12.7 Psaumes 104.29 Genèse 2.7 Job 34.15 Psaumes 90.3
²⁰ et vocavit Adam nomen uxoris suae Hava eo quod mater esset cunctorum viventium Actes 17.26 Genèse 2.23 Genèse 2.20 Genèse 16.11 Matthieu 1.23
²¹ fecit quoque Dominus Deus Adam et uxori eius tunicas pellicias et induit eos Esaïe 61.10 Romains 3.22 2 Corinthiens 5.2-5.3 2 Corinthiens 5.21 Genèse 3.7
²² et ait ecce Adam factus est quasi unus ex nobis sciens bonum et malum nunc ergo ne forte mittat manum suam et sumat etiam de ligno vitae et comedat et vivat in aeternum Genèse 1.26 Genèse 2.9 Genèse 3.5 Proverbes 3.18 Apocalypse 2.7
²³ emisit eum Dominus Deus de paradiso voluptatis ut operaretur terram de qua sumptus est Genèse 4.2 Genèse 2.5 Genèse 4.12 Genèse 9.20 Genèse 3.19
²⁴ eiecitque Adam et conlocavit ante paradisum voluptatis cherubin et flammeum gladium atque versatilem ad custodiendam viam ligni vitae Hébreux 1.7 Psaumes 104.4 Exode 25.18-25.22 1 Chroniques 21.16-21.17 Hébreux 10.18-10.22