2 Rois 16.9
Vulgate

Règne d’Achaz sur Juda

¹ anno septimodecimo Phacee filii Romeliae regnavit Ahaz filius Ioatham regis Iuda
Esaïe 1.1 2 Rois 15.32-15.33 2 Chroniques 28.1-28.4 Esaïe 7.1 Michée 1.1
² viginti annorum erat Ahaz cum regnare coepisset et sedecim annis regnavit in Hierusalem non fecit quod erat placitum in conspectu Domini Dei sui sicut David pater eius
1 Rois 3.14 2 Chroniques 17.3 2 Rois 22.2 1 Rois 9.4 2 Rois 14.3
³ sed ambulavit in via regum Israhel insuper et filium suum consecravit transferens per ignem secundum idola gentium quae dissipavit Dominus coram filiis Israhel
Deutéronome 12.31 Lévitique 18.21 2 Rois 21.2 2 Rois 21.11 Psaumes 106.37-106.38
⁴ immolabat quoque victimas et adolebat incensum in excelsis et in collibus et sub omni ligno frondoso
Deutéronome 12.2 1 Rois 14.23 Esaïe 65.4 Esaïe 66.17 2 Rois 14.4
⁵ tunc ascendit Rasin rex Syriae et Phacee filius Romeliae rex Israhel in Hierusalem ad proeliandum cumque obsiderent Ahaz non valuerunt superare eum
2 Rois 15.37 Esaïe 7.1-7.9 Esaïe 8.9-8.10 2 Chroniques 28.5-28.15 1 Rois 15.4
⁶ in tempore illo restituit Rasin rex Syriae Ahilam Syriae et eiecit Iudaeos de Ahilam et Idumei venerunt in Ahilam et habitaverunt ibi usque in diem hanc
2 Rois 14.22 2 Chroniques 26.2 Deutéronome 2.8 1 Rois 9.26
⁷ misit autem Ahaz nuntios ad Theglathfalassar regem Assyriorum dicens servus tuus et filius tuus ego sum ascende et salvum me fac de manu regis Syriae et de manu regis Israhel qui consurrexerunt adversum me
2 Rois 15.29 2 Chroniques 28.16 Lamentations 4.17 1 Chroniques 5.26 2 Chroniques 28.20
⁸ et cum collegisset argentum et aurum quod invenire potuit in domo Domini et in thesauris regis misit regi Assyriorum munera
2 Rois 12.17-12.18 2 Chroniques 28.20-28.21 2 Rois 16.17-16.18 2 Chroniques 16.2 Esaïe 7.17
⁹ qui et adquievit voluntati eius ascendit enim rex Assyriorum in Damascum et vastavit eam et transtulit habitatores eius Cyrenen Rasin autem interfecit
Amos 9.7 Esaïe 22.6 Amos 1.3-1.5 2 Chroniques 28.21 2 Chroniques 28.5
¹⁰ perrexitque rex Ahaz in occursum Theglathfalassar regis Assyriorum in Damascum cumque vidisset altare Damasci misit rex Ahaz ad Uriam sacerdotem exemplar eius et similitudinem iuxta omne opus eius
Esaïe 8.2 Jérémie 10.2 1 Pierre 1.18 Romains 12.2 2 Chroniques 28.23-28.25
¹¹ extruxitque Urias sacerdos altare iuxta omnia quae praeceperat rex Ahaz de Damasco ita fecit Urias sacerdos donec veniret rex Ahaz de Damasco
Osée 4.6 Esaïe 8.2 Galates 1.10 Malachie 2.7-2.9 Ezéchiel 22.26
¹² cumque venisset rex de Damasco vidit altare et veneratus est illud ascenditque et immolavit holocausta et sacrificium suum
2 Chroniques 26.16-26.19 Nombres 18.4-18.7 2 Chroniques 28.23 2 Chroniques 28.25 1 Rois 13.1
¹³ et libavit libamina et fudit sanguinem pacificorum quae obtulerat super altare
Lévitique 1.1-1.3
¹⁴ porro altare aeneum quod erat coram Domino transtulit de facie templi et de loco altaris et de loco templi Domini posuitque illud ex latere altaris ad aquilonem
2 Chroniques 4.1 Exode 40.29 Exode 40.6 2 Rois 16.11 2 Chroniques 1.5
¹⁵ praecepit quoque rex Ahaz Uriae sacerdoti dicens super altare maius offer holocaustum matutinum et sacrificium vespertinum et holocaustum regis et sacrificium eius et holocaustum universi populi terrae et sacrificia eorum et libamina eorum et omnem sanguinem holocausti et universum sanguinem victimae super illud effundes altare vero aeneum erit paratum ad voluntatem meam
Exode 29.39-29.41 2 Chroniques 29.21-29.24 1 Rois 8.64 2 Rois 18.4 Daniel 9.27
¹⁶ fecit igitur Urias sacerdos iuxta omnia quae praeceperat rex Ahaz
2 Rois 16.11 Actes 5.29 Actes 4.19 1 Thessaloniciens 2.4 Jude 1.11
¹⁷ tulit autem rex Ahaz celatas bases et luterem qui erat desuper et mare deposuit de bubus aeneis qui sustentabant illud et posuit super pavimentum stratum lapide
2 Chroniques 28.24 1 Rois 7.23-7.39 Jérémie 52.20 2 Chroniques 29.19 2 Rois 25.13-25.16
¹⁸ Musach quoque sabbati quod aedificaverat in templo et ingressum regis exterius convertit in templo Domini propter regem Assyriorum
2 Rois 11.5 Ezéchiel 46.2 1 Rois 10.5
¹⁹ reliqua autem verborum Ahaz quae fecit nonne haec scripta sunt in libro sermonum dierum regum Iuda
1 Rois 14.29 2 Rois 20.20-20.21 2 Chroniques 28.26 2 Rois 15.6-15.7 2 Rois 15.38
²⁰ dormivitque Ahaz cum patribus suis et sepultus est cum eis in civitate David et regnavit Ezechias filius eius pro eo
Esaïe 1.1 Matthieu 1.9 Michée 1.1 2 Rois 18.1 2 Chroniques 28.27-29.1