2 Chroniques 34.6
Vulgate

Règne de Josias

¹ octo annorum erat Iosias cum regnare coepisset et triginta et uno annis regnavit in Hierusalem
Jérémie 1.2 Sophonie 1.1 2 Chroniques 24.1 Ecclésiaste 4.13 1 Chroniques 3.14-3.15
² fecitque quod erat rectum in conspectu Domini et ambulavit in viis David patris sui non declinavit neque ad dexteram neque ad sinistram
2 Chroniques 29.2 Josué 1.7 1 Rois 15.5 Josué 23.6 Proverbes 4.27
³ octavo autem anno regni sui cum adhuc esset puer coepit quaerere Deum patris sui David et duodecimo anno postquam coeperat mundavit Iudam et Hierusalem ab excelsis et lucis simulacrisque et sculptilibus
2 Chroniques 33.22 2 Chroniques 15.2 2 Chroniques 33.17 Proverbes 8.17 2 Rois 23.4
⁴ destruxeruntque coram eo aras Baalim et simulacra quae superposita fuerant demoliti sunt lucos etiam et sculptilia succidit atque comminuit et super tumulos eorum qui eis immolare consueverant fragmenta dispersit
Exode 32.20 Lévitique 26.30 2 Rois 23.4-23.6 2 Rois 10.26-10.27 2 Rois 23.11-23.12
⁵ ossa praeterea sacerdotum conbusit in altaribus idolorum mundavitque Iudam et Hierusalem
1 Rois 13.2 2 Chroniques 34.7 Nombres 35.33 Jérémie 3.10 Ezéchiel 22.24
⁶ sed et in urbibus Manasse et Ephraim et Symeon usque Nepthalim cuncta subvertit
2 Chroniques 30.10-30.11 Proverbes 25.18 1 Samuel 13.20-13.21 Esaïe 7.25 2 Chroniques 30.1
⁷ cumque altaria dissipasset et lucos et sculptilia contrivisset in frusta cunctaque delubra demolitus esset de universa terra Israhel reversus est Hierusalem
2 Chroniques 31.1 Deutéronome 9.21 2 Chroniques 34.1
⁸ igitur anno octavodecimo regni sui mundata iam terra et templo Domini misit Saphan filium Eseliae et Maasiam principem civitatis et Ioha filium Ioachaz a commentariis ut instaurarent domum Domini Dei sui
2 Samuel 8.16 Jérémie 29.21 Ezéchiel 8.11 Jérémie 26.24 Jérémie 1.2-1.3
⁹ qui venerunt ad Helciam sacerdotem magnum acceptamque ab eo pecuniam quae inlata fuerat in domum Domini et quam congregaverant Levitae ianitores de Manasse et Ephraim et universis reliquiis Israhel ab omni quoque Iuda et Beniamin et habitatoribus Hierusalem
2 Chroniques 30.10 2 Chroniques 35.8 2 Chroniques 30.18 2 Chroniques 34.22 2 Chroniques 34.20
¹⁰ tradiderunt in manibus eorum qui praeerant operariis in domo Domini ut instaurarent templum et infirma quaeque sarcirent
Esdras 3.7 2 Rois 12.11-12.12 2 Rois 22.5-22.6 2 Rois 12.14
¹¹ at illi dederunt eam artificibus et cementariis ut emerent lapides de lapidicinis et ligna ad commissuras aedificii et ad contignationem domorum quas destruxerant reges Iuda
2 Chroniques 33.4-33.7 2 Chroniques 33.22
¹² qui fideliter cuncta faciebant erant autem praepositi operantium Iaath et Abdias de filiis Merari Zaccharias et Mosollam de filiis Caath qui urguebant opus omnes Levitae scientes organis canere
2 Rois 12.15 1 Chroniques 23.5 1 Chroniques 15.16-15.22 1 Chroniques 6.31-6.48 2 Rois 22.7
¹³ super eos vero qui ad varios usus onera portabant erant scribae et magistri de Levitis ianitores
Néhémie 4.10 2 Chroniques 2.18 2 Chroniques 8.10 2 Chroniques 2.10 2 Chroniques 19.11
¹⁴ cumque efferrent pecuniam quae inlata fuerat in templum Domini repperit Helcias sacerdos librum legis Domini per manum Mosi
2 Rois 22.8-22.20 Lévitique 8.36 Esaïe 30.9 Luc 2.39 Deutéronome 31.24-31.26
¹⁵ et ait ad Saphan scribam librum legis inveni in domo Domini et tradidit ei
¹⁶ at ille intulit volumen ad regem et nuntiavit ei dicens omnia quae dedisti in manu servorum tuorum ecce conplentur
2 Rois 22.9-22.10 Jérémie 36.20-36.21
¹⁷ argentum quod reppertum est in domo Domini conflaverunt datumque est praefectis artificum et diversa opera fabricantium
¹⁸ praeterea tradidit mihi Helcias sacerdos hunc librum quem cum rege praesente recitasset
Deutéronome 17.19 Josué 1.8 Jérémie 36.20-36.21 Psaumes 119.97-119.99 Psaumes 119.46
¹⁹ audissetque ille verba legis scidit vestimenta sua
Josué 7.6 Romains 7.7-7.11 Joël 2.13 Deutéronome 28.3-28.68 Jérémie 36.22-36.24
²⁰ et praecepit Helciae et Ahicam filio Saphan et Abdon filio Micha Saphan quoque scribae et Asaiae servo regis dicens
2 Rois 22.12 Jérémie 26.24 Jérémie 40.9 Jérémie 40.14 Jérémie 26.22
²¹ ite et orate Dominum pro me et pro reliquiis Israhel et Iuda super universis sermonibus libri istius qui reppertus est magnus enim furor Domini stillavit super nos eo quod non custodierint patres nostri verba Domini ut facerent omnia quae scripta sunt in isto volumine
2 Chroniques 28.6 Jérémie 21.2 Ezéchiel 14.1-14.11 Romains 4.15 Exode 18.15
²² abiit igitur Helcias et hii qui simul a rege missi fuerant ad Holdan propheten uxorem Sellum filii Thecuath filii Hasra custodis vestium quae habitabat Hierusalem in secunda et locuti sunt ei verba quae supra narravimus
Exode 15.20 Actes 21.9 Luc 2.36 Luc 1.41-1.45 Juges 4.4
²³ at illa respondit eis haec dicit Dominus Deus Israhel dicite viro qui misit vos ad me
Jérémie 37.7-37.10 2 Rois 22.15-22.20 Jérémie 21.3-21.7
²⁴ haec dicit Dominus ecce ego inducam mala super locum istum et super habitatores eius cunctaque maledicta quae scripta sunt in libro hoc quem legerunt coram rege Iuda
2 Chroniques 36.14-36.20 Josué 23.16 Deutéronome 28.15-28.68 Jérémie 19.3 2 Rois 21.12
²⁵ quia dereliquerunt me et sacrificaverunt diis alienis ut me ad iracundiam provocarent in cunctis operibus manuum suarum idcirco stillavit furor meus super locum istum et non extinguetur
Jérémie 7.20 Marc 9.43-9.48 Esaïe 42.25 Esaïe 2.8-2.9 Apocalypse 14.10-14.11
²⁶ ad regem autem Iuda qui misit vos pro Domino deprecando sic loquimini haec dicit Dominus Deus Israhel quoniam audisti verba voluminis
2 Chroniques 34.21 2 Chroniques 34.23
²⁷ atque emollitum est cor tuum et humiliatus es in conspectu Dei super his quae dicta sunt contra locum hunc et habitatores Hierusalem reveritusque faciem meam scidisti vestimenta tua et flevisti coram me ego quoque exaudivi te dicit Dominus
2 Chroniques 32.26 2 Chroniques 32.12-32.13 Psaumes 34.18 Ezéchiel 36.26 Jérémie 36.23-36.24
²⁸ iam enim colligam te ad patres tuos et infereris in sepulchrum tuum in pace nec videbunt oculi tui omne malum quod ego inducturus sum super locum istum et super habitatores eius rettulerunt itaque regi cuncta quae dixerat
2 Chroniques 35.24 Esaïe 57.1-57.2 Esaïe 39.8 2 Rois 20.19 Ezéchiel 14.14-14.21
²⁹ at ille convocatis universis maioribus natu Iuda et Hierusalem
2 Rois 23.1-23.3 Marc 14.8 1 Samuel 12.23 2 Chroniques 30.2 1 Chroniques 29.2-29.9
³⁰ ascendit domum Domini unaque omnes viri Iuda et habitatores Hierusalem sacerdotes et Levitae et cunctus populus a minimo usque ad maximum quibus audientibus in domo Domini legit rex omnia verba voluminis
2 Rois 23.2 Exode 24.7 2 Chroniques 34.15 2 Chroniques 34.18-34.19 2 Chroniques 17.7-17.9
³¹ et stans in tribunali suo percussit foedus coram Domino ut ambularet post eum et custodiret praecepta et testimonia et iustificationes eius in toto corde suo et in tota anima sua faceretque quae scripta sunt in volumine illo quem legerat
2 Chroniques 23.16 2 Chroniques 6.13 2 Rois 11.14 2 Chroniques 29.10 2 Rois 23.3
³² adiuravit quoque super hoc omnes qui repperti fuerant in Hierusalem et Beniamin et fecerunt habitatores Hierusalem iuxta pactum Domini Dei patrum suorum
2 Chroniques 29.29 Ecclésiaste 8.2 2 Chroniques 33.16 2 Chroniques 14.4 Jérémie 3.10
³³ abstulit ergo Iosias cunctas abominationes de universis regionibus filiorum Israhel et fecit omnes qui residui erant in Israhel servire Domino Deo suo cunctis diebus eius non recesserunt a Domino Deo patrum suorum
2 Chroniques 34.3-34.7 Josué 24.31 1 Rois 11.5-11.7 Jérémie 3.10 Osée 6.4