Esdras 6
Vulgate

Édit de Darius

1 tunc Darius rex praecepit et recensuerunt in bibliotheca librorum qui erant repositi in Babylone
Esdras 5.17 Esdras 4.15 Jérémie 36.2-36.4 Ezéchiel 2.9 Jérémie 36.32
2 et inventum est in Ecbathanis quod est castrum in Madena provincia volumen unum talisque scriptus erat in eo commentarius
2 Rois 17.6
3 anno primo Cyri regis Cyrus rex decrevit ut domus Dei quae est in Hierusalem aedificaretur in loco ubi immolent hostias et ut ponant fundamenta subportantia altitudinem cubitorum sexaginta et latitudinem cubitorum sexaginta
1 Rois 6.2-6.3 2 Chroniques 36.22-1.4 Esdras 5.13-5.15 Apocalypse 21.16 Deutéronome 12.5-12.6
4 ordines de lapidibus inpolitis tres et sic ordines de lignis novis sumptus autem de domo regis dabuntur
1 Rois 6.36 Psaumes 72.10 Esdras 7.20-7.23 Esaïe 49.23 Psaumes 68.29
5 sed et vasa templi Dei aurea et argentea quae Nabuchodonosor tulerat de templo Hierusalem et adtulerat ea in Babylonem reddantur et referantur in templo Hierusalem in locum suum quae et posita sunt in templo Dei
Esdras 5.14 Daniel 5.2 2 Chroniques 36.6-36.7 Jérémie 27.16 2 Rois 24.13
6 nunc ergo Tatannai dux regionis quae est trans Flumen Starbuzannai et consiliarii vestri Apharsacei qui estis trans Flumen procul recedite ab illis
Esdras 5.3 Esdras 5.6 Psaumes 76.10 Proverbes 21.1 Actes 4.26-4.28
7 et dimittite fieri templum Dei illud a duce Iudaeorum et a senioribus eorum domum Dei illam aedificent in loco suo
Actes 5.38-5.39
8 sed et a me praeceptum est quid oporteat fieri a presbyteris Iudaeorum illis ut aedificetur domus Dei scilicet ut de arca regis id est de tributis quae dantur de regione trans Flumen studiose sumptus dentur viris illis ne inpediatur opus
Esdras 6.4 Esdras 7.15-7.22 Esdras 4.20-4.21 Aggée 2.8 Esdras 5.5
9 quod si necesse fuerit et vitulos et agnos et hedos in holocaustum Deo caeli frumentum sal vinum et oleum secundum ritum sacerdotum qui sunt in Hierusalem detur eis per dies singulos ne sit in aliquo querimonia
Lévitique 1.10 Esaïe 49.23 Lévitique 2.1-2.16 Psaumes 50.9-50.13 Marc 9.49
10 et offerant oblationes Deo caeli orentque pro vita regis et filiorum eius
Jérémie 29.7 1 Timothée 2.1-2.2 Esdras 7.23 Ephésiens 5.2 Lévitique 1.13
11 a me ergo positum est decretum ut omnis homo qui hanc mutaverit iussionem tollatur lignum de domo ipsius et erigatur et configatur in eo domus autem eius publicetur
Daniel 2.5 Daniel 3.29 Esdras 7.26 2 Rois 10.27 Esther 5.4
12 Deus autem qui habitare fecit nomen suum ibi dissipet omnia regna et populum qui extenderit manum suam ut repugnet et dissipet domum Dei illam quae est in Hierusalem ego Darius statui decretum quod studiose impleri volo
1 Rois 9.3 Deutéronome 12.5 Deutéronome 12.11 Exode 20.24 Esther 3.14-3.15

Dédicace du temple

13 igitur Tatannai dux regionis trans Flumen et Starbuzannai et consiliarii eius secundum quod praeceperat Darius rex sic diligenter exsecuti sunt
Esdras 4.9 Esdras 6.6 Esdras 5.6 Job 5.12-5.13 Esdras 4.23
14 seniores autem Iudaeorum aedificabant et prosperabantur iuxta prophetiam Aggei prophetae et Zacchariae filii Addo et aedificaverunt et construxerunt iubente Deo Israhel et iubente Cyro et Dario et Artarxerse regibus Persarum
Esdras 7.1 Esdras 5.13 Esdras 4.24-5.2 Esdras 1.1-1.4 Esdras 6.12-6.13
15 et conpleverunt domum Dei istam usque ad diem tertium mensis adar qui est annus sextus regni Darii regis
Esther 3.7 Esther 9.17 Esther 3.13 Esther 9.1 Esther 8.12
16 fecerunt autem filii Israhel sacerdotes et Levitae et reliqui filiorum transmigrationis dedicationem domus Dei in gaudio
1 Rois 8.63 2 Chroniques 7.5 Deutéronome 12.7 Psaumes 122.1 1 Chroniques 9.2
17 et obtulerunt in dedicationem domus Dei vitulos centum arietes ducentos agnos quadringentos hircos caprarum pro peccato totius Israhel duodecim iuxta numerum tribuum Israhel
Esdras 8.35 1 Rois 18.31 1 Chroniques 16.1-16.3 2 Chroniques 29.31-29.35 Apocalypse 7.4-7.8
18 et statuerunt sacerdotes in ordinibus suis et Levitas in vicibus suis super opera Dei in Hierusalem sicut scriptum est in libro Mosi
Nombres 3.6 1 Chroniques 24.1 2 Chroniques 35.4-35.5 1 Chroniques 23.1-23.26 Nombres 8.9-8.26
19 fecerunt autem filii transmigrationis pascha quartadecima die mensis primi
Exode 12.6-12.36 2 Chroniques 30.1-30.27 Josué 5.10
20 purificati enim fuerant sacerdotes et Levitae quasi unus omnes mundi ad immolandum pascha universis filiis transmigrationis et fratribus suis sacerdotibus et sibi
2 Chroniques 35.11 2 Chroniques 29.34 Exode 12.21 2 Chroniques 30.15-30.17 Hébreux 7.27
21 et comederunt filii Israhel qui reversi fuerant de transmigratione et omnis qui se separaverat a coinquinatione gentium terrae ad eos ut quaererent Dominum Deum Israhel
Esdras 9.11 Ezéchiel 36.25 Néhémie 9.2 Néhémie 10.28 Nombres 9.6-9.7
22 et fecerunt sollemnitatem azymorum septem diebus in laetitia quoniam laetificaverat eos Dominus et converterat cor regis Assur ad eos ut adiuvaret manus eorum in opere domus Domini Dei Israhel
Proverbes 21.1 Esdras 7.27 Esdras 1.1 2 Chroniques 35.17 2 Chroniques 30.21