Exode 24
Vulgate

Moïse sur le mont Sinaï

1 Mosi quoque dixit ascende ad Dominum tu et Aaron Nadab et Abiu et septuaginta senes ex Israhel et adorabitis procul
Nombres 11.16 Exode 6.23 Exode 28.1 Lévitique 10.1-10.2 Exode 19.24
2 solusque Moses ascendet ad Dominum et illi non adpropinquabunt nec populus ascendet cum eo
Exode 24.13 Exode 24.15 Exode 24.18 Jérémie 49.19 Nombres 16.5
3 venit ergo Moses et narravit plebi omnia verba Domini atque iudicia responditque cunctus populus una voce omnia verba Domini quae locutus est faciemus
Exode 19.8 Exode 24.7 Deutéronome 4.5 Galates 3.19-3.20 Josué 24.22
4 scripsit autem Moses universos sermones Domini et mane consurgens aedificavit altare ad radices montis et duodecim titulos per duodecim tribus Israhel
Deutéronome 31.9 Genèse 28.18 Genèse 31.45 Genèse 28.22 1 Rois 11.30
5 misitque iuvenes de filiis Israhel et obtulerunt holocausta immolaveruntque victimas pacificas Domino vitulos
Exode 18.12 Exode 19.22 Lévitique 7.11-7.21 Lévitique 1.1-1.17 Lévitique 3.1-3.17
6 tulit itaque Moses dimidiam partem sanguinis et misit in crateras partem autem residuam fudit super altare
Hébreux 9.18 Exode 29.16 Colossiens 1.20 Lévitique 3.8 1 Pierre 1.2
7 adsumensque volumen foederis legit audiente populo qui dixerunt omnia quae locutus est Dominus faciemus et erimus oboedientes
Exode 24.3-24.4 1 Thessaloniciens 5.27 Hébreux 9.18-9.23 Jérémie 7.23-7.24 Actes 13.15
8 ille vero sumptum sanguinem respersit in populum et ait hic est sanguis foederis quod pepigit Dominus vobiscum super cunctis sermonibus his
Hébreux 13.20 1 Pierre 1.2 Matthieu 26.28 Zacharie 9.11 Luc 22.20
9 ascenderuntque Moses et Aaron Nadab et Abiu et septuaginta de senioribus Israhel
Exode 24.1
10 et viderunt Deum Israhel sub pedibus eius quasi opus lapidis sapphirini et quasi caelum cum serenum est
Jean 1.18 Ezéchiel 10.1 Apocalypse 4.3 Exode 33.20 Matthieu 17.2
11 nec super eos qui procul recesserant de filiis Israhel misit manum suam videruntque Deum et comederunt ac biberunt
Exode 18.12 Genèse 16.13 Exode 19.21 Genèse 31.54 Néhémie 2.16
12 dixit autem Dominus ad Mosen ascende ad me in montem et esto ibi daboque tibi tabulas lapideas et legem ac mandata quae scripsi ut doceas eos
Exode 32.15-32.16 Deutéronome 5.22 Exode 31.18 Exode 24.18 Exode 24.15
13 surrexerunt Moses et Iosue minister eius ascendensque Moses in montem Dei
Exode 33.11 Exode 3.1 Exode 17.9-17.14 Exode 32.17 Nombres 11.28
14 senioribus ait expectate hic donec revertamur ad vos habetis Aaron et Hur vobiscum si quid natum fuerit quaestionis referetis ad eos
Exode 17.10 Exode 17.12 Genèse 22.5 1 Samuel 10.8 Exode 18.25-18.26
15 cumque ascendisset Moses operuit nubes montem
Exode 19.9 Matthieu 17.5 Exode 19.16 2 Chroniques 6.1
16 et habitavit gloria Domini super Sinai tegens illum nube sex diebus septimo autem die vocavit eum de medio caliginis
Exode 16.10 Nombres 14.10 Lévitique 9.23 Nombres 16.42 Psaumes 99.7
17 erat autem species gloriae Domini quasi ignis ardens super verticem montis in conspectu filiorum Israhel
Exode 3.2 Hébreux 12.29 Deutéronome 4.36 Hébreux 12.18 Deutéronome 4.24
18 ingressusque Moses medium nebulae ascendit in montem et fuit ibi quadraginta diebus et quadraginta noctibus
Deutéronome 9.9 Exode 34.28 Deutéronome 10.10 Deutéronome 9.25 Deutéronome 9.18