Esaïe 11.11
Vulgate

Le Messie et son règne

¹ et egredietur virga de radice Iesse et flos de radice eius ascendet
Esaïe 53.2 Esaïe 11.10 Zacharie 6.12 Jérémie 23.5 Apocalypse 22.16
² et requiescet super eum spiritus Domini spiritus sapientiae et intellectus spiritus consilii et fortitudinis spiritus scientiae et pietatis
Esaïe 61.1 Jean 16.13 Esaïe 42.1 Matthieu 3.16 2 Timothée 1.7
³ et replebit eum spiritus timoris Domini non secundum visionem oculorum iudicabit neque secundum auditum aurium arguet
Jean 7.24 1 Corinthiens 2.13-2.15 Jean 8.15-8.16 Job 34.3 Philippiens 1.9-1.10
⁴ sed iudicabit in iustitia pauperes et arguet in aequitate pro mansuetis terrae et percutiet terram virga oris sui et spiritu labiorum suorum interficiet impium
Job 4.9 Malachie 4.6 2 Thessaloniciens 2.8 Esaïe 61.1 Psaumes 2.9
⁵ et erit iustitia cingulum lumborum eius et fides cinctorium renis eius
Esaïe 25.1 Ephésiens 6.14 2 Corinthiens 6.7 1 Pierre 4.1 Osée 2.20
⁶ habitabit lupus cum agno et pardus cum hedo accubabit vitulus et leo et ovis simul morabuntur et puer parvulus minabit eos
Esaïe 65.25 Osée 2.18 Galates 3.26-3.27 Tite 3.3-3.5 Actes 9.13-9.20
⁷ vitulus et ursus pascentur simul requiescent catuli eorum et leo quasi bos comedet paleas
⁸ et delectabitur infans ab ubere super foramine aspidis et in caverna reguli qui ablactatus fuerit manum suam mittet
Esaïe 59.5 Psaumes 140.3
⁹ non nocebunt et non occident in universo monte sancto meo quia repleta est terra scientia Domini sicut aquae maris operientes
Habakuk 2.14 Job 5.23 Psaumes 98.2-98.3 Psaumes 72.19 Esaïe 52.10
¹⁰ in die illa radix Iesse qui stat in signum populorum ipsum gentes deprecabuntur et erit sepulchrum eius gloriosum
Romains 15.9-15.12 Jean 12.32 Esaïe 11.1 Luc 2.32 Actes 11.18
¹¹ et erit in die illa adiciet Dominus secundo manum suam ad possidendum residuum populi sui quod relinquetur ab Assyriis et ab Aegypto et a Fetros et ab Aethiopia et ab Aelam et a Sennaar et ab Emath et ab insulis maris
Genèse 10.22 Michée 7.12 Esaïe 66.19 Esaïe 42.4 Jérémie 44.1
¹² et levabit signum in nationes et congregabit profugos Israhel et dispersos Iuda colliget a quattuor plagis terrae
Sophonie 3.10 Esaïe 11.10 Esaïe 56.8 Psaumes 147.2 Jacques 1.1
¹³ et auferetur zelus Ephraim et hostes Iuda peribunt Ephraim non aemulabitur Iudam et Iudas non pugnabit contra Ephraim
Osée 1.11 Jérémie 3.18 Esaïe 7.1-7.6 Esaïe 9.21 Ezéchiel 37.16-37.24
¹⁴ et volabunt in umeros Philisthim per mare simul praedabuntur filios orientis Idumea et Moab praeceptum manus eorum et filii Ammon oboedientes erunt
Esaïe 25.10 Joël 3.19 Jérémie 49.28 Daniel 11.41 Amos 9.12
¹⁵ et desolabit Dominus linguam maris Aegypti et levabit manum suam super Flumen in fortitudine spiritus sui et percutiet eum in septem rivis ita ut transeant per eum calciati
Esaïe 19.16 Zacharie 10.11 Esaïe 50.2 Esaïe 7.20 Ezéchiel 30.12
¹⁶ et erit via residuo populo meo qui relinquetur ab Assyriis sicut fuit Israhel in die qua ascendit de terra Aegypti
Esaïe 19.23 Exode 14.26-14.29 Esaïe 40.3-40.4 Esaïe 11.11 Esaïe 35.8-35.10