Esaïe 54.17
Vulgate

Prospérité future d’Israël

¹ lauda sterilis quae non paris decanta laudem et hinni quae non pariebas quoniam multi filii desertae magis quam eius quae habebat virum dicit Dominus
Galates 4.27 1 Samuel 2.5 Esaïe 62.4 Psaumes 113.9 Hébreux 11.11-11.12
² dilata locum tentorii tui et pelles tabernaculorum tuorum extende ne parcas longos fac funiculos tuos et clavos tuos consolida
Esaïe 49.19-49.20 Esaïe 33.20 Jérémie 10.20 Exode 39.40 Exode 35.18
³ ad dexteram enim et ad levam penetrabis et semen tuum gentes hereditabit et civitates desertas inhabitabit
Esaïe 43.5-43.6 Esaïe 61.5-61.9 Esaïe 60.3-60.13 Genèse 28.14 Esaïe 35.1-35.2
⁴ noli timere quia non confunderis neque erubescas non enim te pudebit quia confusionis adulescentiae tuae oblivisceris et obprobrii viduitatis tuae non recordaberis amplius
Esaïe 41.10 Jérémie 31.19 Esaïe 45.16-45.17 1 Pierre 2.6 Esaïe 51.7
⁵ quia dominabitur tui qui fecit te Dominus exercituum nomen eius et redemptor tuus Sanctus Israhel Deus omnis terrae vocabitur
Esaïe 48.17 Osée 2.19-2.20 Jean 3.29 Ephésiens 5.25-5.27 Ezéchiel 16.8
⁶ quia ut mulierem derelictam et maerentem spiritu vocavit te Dominus et uxorem ab adulescentia abiectam dixit Deus tuus
Esaïe 62.4 2 Corinthiens 7.9-7.10 Proverbes 5.18 Esaïe 50.1-50.2 Esaïe 49.14-49.21
⁷ ad punctum in modico dereliqui te et in miserationibus magnis congregabo te
Esaïe 26.20 Michée 4.6 Esaïe 60.10 Deutéronome 30.3 Esaïe 49.18
⁸ in momento indignationis abscondi faciem meam parumper a te et in misericordia sempiterna misertus sum tui dixit redemptor tuus Dominus
Esaïe 55.3 Esaïe 54.5 Psaumes 103.17 1 Timothée 1.16 Ezéchiel 39.23-39.24
⁹ sicut in diebus Noe istud mihi est cui iuravi ne inducerem aquas Noe ultra super terram sic iuravi ut non irascar tibi et non increpem te
Genèse 8.21 Esaïe 12.1 Jérémie 31.35-31.36 Hébreux 6.16-6.18 Genèse 9.11-9.16
¹⁰ montes enim commovebuntur et colles contremescent misericordia autem mea non recedet et foedus pacis meae non movebitur dixit miserator tuus Dominus
Psaumes 46.2 Malachie 2.5 Romains 11.29 Matthieu 24.35 Ephésiens 2.4-2.5
¹¹ paupercula tempestate convulsa absque ulla consolatione ecce ego sternam per ordinem lapides tuos et fundabo te in sapphyris
1 Chroniques 29.2 Lamentations 1.1-1.2 Actes 27.18-27.20 Esaïe 51.17-51.19 Esaïe 51.21
¹² et ponam iaspidem propugnacula tua et portas tuas in lapides sculptos et omnes terminos tuos in lapides desiderabiles
¹³ universos filios tuos doctos a Domino et multitudinem pacis filiis tuis
Jean 6.45 Psaumes 119.165 Esaïe 48.18 Philippiens 4.7 Romains 5.1
¹⁴ et in iustitia fundaberis recede procul a calumnia quia non timebis et a pavore quia non adpropinquabit tibi
Proverbes 3.25-3.26 Zacharie 9.8 Esaïe 9.4 Esaïe 1.26 2 Pierre 3.13
¹⁵ ecce accola veniet qui non erat mecum advena quondam tuus adiungetur tibi
Ezéchiel 38.8-38.23 Psaumes 37.12-37.13 Esaïe 41.11-41.16 Zacharie 12.3 Esaïe 43.3-43.4
¹⁶ ecce ego creavi fabrum sufflantem in igne prunas et proferentem vas in opus suum et ego creavi interfectorem ad disperdendum
Proverbes 16.4 Exode 9.16 Esaïe 37.26 Esaïe 10.5-10.6 Esaïe 46.11
¹⁷ omne vas quod fictum est contra te non dirigetur et omnem linguam resistentem tibi in iudicio iudicabis haec hereditas servorum Domini et iustitia eorum apud me dicit Dominus
Esaïe 50.8 Romains 8.28-8.39 Jean 10.28-10.30 Romains 8.1 Apocalypse 12.10