Ezéchiel 17.4
Vulgate

Parabole des deux aigles

¹ et factum est verbum Domini ad me dicens
² fili hominis propone enigma et narra parabolam ad domum Israhel
Ezéchiel 20.49 Ezéchiel 24.3 Osée 12.10 1 Corinthiens 13.12 2 Samuel 12.1-12.4
³ et dices haec dicit Dominus Deus aquila grandis magnarum alarum longo membrorum ductu plena plumis et varietate venit ad Libanum et tulit medullam cedri
Jérémie 48.40 Osée 8.1 Ezéchiel 17.7 Daniel 4.22 Daniel 2.38
⁴ summitatem frondium eius avellit et transportavit eam in terram Chanaan in urbem negotiatorum posuit illam
Apocalypse 18.11-18.19 Apocalypse 18.3 Esaïe 47.15 Jérémie 51.13 Esaïe 43.14
⁵ et tulit de semente terrae et posuit illud in terra pro semine ut firmaret radicem super aquas multas in superficie posuit illud
Esaïe 44.4 Deutéronome 8.7-8.9 2 Rois 24.17 Ezéchiel 17.13 Esaïe 15.7
⁶ cumque germinasset crevit in vineam latiorem humili statura respicientibus ramis eius ad eam et radices eius sub illa erunt facta est ergo vinea et fructificavit in palmites et emisit propagines
Ezéchiel 17.14 Proverbes 16.18-16.19
⁷ et facta est aquila altera grandis magnis alis multisque plumis et ecce vinea ista quasi mittens radices suas ad eam palmites suos extendit ad illam ut inrigaret eam de areolis germinis sui
Ezéchiel 17.15 Ezéchiel 31.4 2 Rois 24.20 2 Chroniques 26.13 Jérémie 37.5-37.7
⁸ in terra bona super aquas multas plantata est ut faciat frondes et portet fructum et sit in vineam grandem
Ezéchiel 17.5-17.6
⁹ dic haec dicit Dominus Deus ergone prosperabitur nonne radices eius evellet et fructum eius distringet et siccabit omnes palmites germinis eius et arescet et non in brachio grandi neque in populo multo ut evelleret eam radicitus
Jérémie 24.8-24.10 Esaïe 8.9-8.10 Jérémie 37.10 Jérémie 29.4-29.7 Ezéchiel 17.15-17.17
¹⁰ ecce plantata est ergone prosperabitur nonne cum tetigerit eam ventus urens siccabitur et in areis germinis sui arescet
Osée 13.15 Matthieu 21.19 Marc 11.20 Ezéchiel 19.12-19.14 Jean 15.6
¹¹ et factum est verbum Domini ad me dicens
¹² dic ad domum exasperantem nescitis quid ista significent dic ecce venit rex Babylonis Hierusalem et adsumet regem et principes eius et adducet eos ad semet ipsum in Babylonem
Ezéchiel 24.19 Ezéchiel 1.2 Ezéchiel 17.3 Exode 12.26 Jérémie 22.24-22.28
¹³ et tollet de semine regni ferietque cum eo foedus et accipiet ab eo iusiurandum sed et fortes terrae tollet
2 Chroniques 36.13 Ezéchiel 17.5 2 Rois 24.15-24.17 Jérémie 24.1 Jérémie 37.1
¹⁴ ut sit regnum humile et non elevetur sed custodiat pactum eius et servet illud
Ezéchiel 29.14 Ezéchiel 17.6 Néhémie 9.36-9.37 1 Samuel 2.30 1 Samuel 2.7
¹⁵ qui recedens ab eo misit nuntios ad Aegyptum ut daret sibi equos et populum multum numquid prosperabitur vel consequetur salutem qui fecit haec et qui dissolvit pactum numquid effugiet
Deutéronome 17.16 Jérémie 34.3 2 Rois 24.20 Jérémie 38.18 Jérémie 52.3
¹⁶ vivo ego dicit Dominus Deus quoniam in loco regis qui constituit eum regem cuius fecit irritum iuramentum et solvit pactum quod habebat cum eo in medio Babylonis morietur
Ezéchiel 12.13 Jérémie 52.11 Nombres 30.2 Jérémie 32.4-32.5 Ezéchiel 17.18-17.19
¹⁷ et non in exercitu grandi neque in populo multo faciet contra eum Pharao proelium in iactu aggeris et in extructione vallorum ut interficiat animas multas
Jérémie 37.7 Ezéchiel 29.6-29.7 Esaïe 36.6 Ezéchiel 4.2 Jérémie 37.5
¹⁸ spreverat enim iuramentum ut solveret foedus et ecce dedit manum suam et cum omnia haec fecerit non effugiet
1 Chroniques 29.24 Lamentations 5.6 2 Chroniques 30.8
¹⁹ propterea haec dicit Dominus Deus vivo ego quoniam iuramentum quod sprevit et foedus quod praevaricatus est ponam in caput eius
Jérémie 7.9-7.15 Jérémie 5.2 Deutéronome 5.11 Ezéchiel 21.23-21.27 Jérémie 5.9
²⁰ et expandam super eum rete meum et conprehendetur sagena mea et adducam eum in Babylonem et iudicabo illum ibi in praevaricatione qua despexit me
Ezéchiel 12.13 Ezéchiel 20.35-20.36 Jérémie 2.35 Ezéchiel 32.3 Jérémie 39.5-39.7
²¹ et omnes profugi eius cum universo agmine gladio cadent residui autem in omnem ventum dispergentur et scietis quia ego Dominus locutus sum
2 Rois 25.11 2 Rois 25.5 Ezéchiel 5.12 Ezéchiel 12.14 Ezéchiel 15.7
²² haec dicit Dominus Deus et sumam ego de medulla cedri sublimis et ponam de vertice ramorum eius tenerum distringam et plantabo super montem excelsum et eminentem
Ezéchiel 20.40 Psaumes 2.6 Psaumes 72.16 Jérémie 33.15-33.16 Ezéchiel 40.2
²³ in monte sublimi Israhel plantabo illud et erumpet in germen et faciet fructum et erit in cedrum magnam et habitabunt sub eo omnes volucres universum volatile sub umbra frondium eius nidificabit
Matthieu 13.32 Ezéchiel 31.6 Colossiens 3.11 Galates 3.28 Esaïe 2.2
²⁴ et scient omnia ligna regionis quia ego Dominus humiliavi lignum sublime et exaltavi lignum humile et siccavi lignum viride et frondere feci lignum aridum ego Dominus locutus sum et feci
Ezéchiel 22.14 Amos 9.11 Ezéchiel 24.14 Luc 1.33 Luc 21.33