1 Anno tertio regni Joakim, regis Juda, venit Nabuchodonosor, rex Babylonis, in Jerusalem, et obsedit eam;
2 Chroniques 36.5-36.7 2 Rois 24.1-24.2 2 Rois 24.13
2 et tradidit Dominus in manu ejus Joakim, regem Juda, et partem vasorum domus Dei; et asportavit ea in terram Sennaar in domum dei sui, et vasa intulit in domum thesauri dei sui.
2 Chroniques 36.7 Zacharie 5.11 Genèse 11.2 Daniel 2.37-2.38 Juges 16.23-16.24
3 Et ait rex Asphenez, praeposito eunuchorum, ut introduceret de filiis Israel, et de semine regio et tyrannorum,
Esaïe 39.7 2 Rois 24.15 2 Rois 20.17-20.18 Jérémie 41.1
4 pueros in quibus nulla esset macula, decoros forma, et eruditos omni sapientia, cautos scientia, et doctos disciplina, et qui possent stare in palatio regis, ut doceret eos litteras et linguam Chaldaeorum.
Actes 7.22 2 Samuel 14.25 Daniel 5.11 Daniel 2.20-2.21 Proverbes 22.29
5 Et constituit eis rex annonam per singulos dies de cibis suis, et de vino unde bibebat ipse, ut enutriti tribus annis, postea starent in conspectu regis.
Daniel 1.19 Daniel 1.8 1 Samuel 16.22 1 Rois 10.8 Genèse 41.46
6 Fuerunt ergo inter eos de filiis Juda, Daniel, Ananias, Misael et Azarias.
Ezéchiel 14.14 Ezéchiel 14.20 Matthieu 24.15 Daniel 2.17 Ezéchiel 28.3
7 Et imposuit eis praepositus eunuchorum nomina: Danieli, Baltassar; Ananiae, Sidrach; Misaeli, Misach; et Azariae, Abdenago.
Daniel 2.49 Daniel 5.12 Daniel 4.8 2 Rois 24.17 Daniel 1.3
8 Proposuit autem Daniel in corde suo, ne pollueretur de mensa regis, neque de vino potus ejus, et rogavit eunuchorum praepositum ne contaminaretur.
Osée 9.3-9.4 Lévitique 11.45-11.47 Ezéchiel 4.13-4.14 Psaumes 141.4 1 Corinthiens 10.18-10.21
9 Dedit autem Deus Danieli gratiam et misericordiam in conspectu principis eunuchorum.
Genèse 39.21 Proverbes 16.7 Psaumes 106.46 1 Rois 8.50 Psaumes 4.3
10 Et ait princeps eunuchorum ad Danielem: Timeo ego dominum meum regem, qui constituit vobis cibum et potum; qui si viderit vultus vestros macilentiores prae ceteris adolescentibus coaevis vestris, condemnabitis caput meum regi.
Proverbes 29.25 Matthieu 6.16-6.18 Jean 12.42-12.43
11 Et dixit Daniel ad Malasar, quem constituerat princeps eunuchorum super Danielem, Ananiam, Misaelem et Azariam:
12 Tenta nos, obsecro, servos tuos, diebus decem, et dentur nobis legumina ad vescendum, et aqua ad bibendum;
Daniel 1.16 Genèse 1.29-1.30 Romains 14.2 Deutéronome 8.3
13 et contemplare vultus nostros, et vultus puerorum qui vescuntur cibo regio; et sicut videris, facies cum servis tuis.
14 Qui, audito sermone hujuscemodi, tentavit eos diebus decem.
15 Post dies autem decem, apparuerunt vultus eorum meliores et corpulentiores prae omnibus pueris qui vescebantur cibo regio.
Exode 23.25 Proverbes 10.22 2 Rois 4.42-4.44 Malachie 2.2 Aggée 1.9
16 Porro Malasar tollebat cibaria et vinum potus eorum, dabatque eis legumina.
Daniel 1.12
17 Pueris autem his dedit Deus scientiam et disciplinam, in omni libro et sapientia; Danieli autem intelligentiam omnium visionum et somniorum.
1 Rois 3.12 Jacques 1.5 Job 32.8 Daniel 2.23 Daniel 2.21
18 Completis itaque diebus, post quos dixerat rex ut introducerentur, introduxit eos praepositus eunuchorum in conspectu Nabuchodonosor.Daniel 1.5
19 Cumque eis locutus fuisset rex, non sunt inventi tales de universis, ut Daniel, Ananias, Misael et Azarias; et steterunt in conspectu regis.
Genèse 41.46 Proverbes 22.29 Daniel 1.5 Jérémie 15.19 1 Rois 17.1
20 Et omne verbum sapientiae et intellectus, quod sciscitatus est ab eis rex, invenit in eis decuplum, super cunctos ariolos et magos qui erant in universo regno ejus.
1 Rois 4.29-4.34 Nombres 14.22 1 Rois 10.23-10.24 Exode 8.7 Esaïe 19.3
21 Fuit autem Daniel usque ad annum primum Cyri regis.
Daniel 6.28 Daniel 10.1