Lévitique 10
Vulgate

Faute et mort de Nadab et Abihu

1 arreptisque Nadab et Abiu filii Aaron turibulis posuerunt ignem et incensum desuper offerentes coram Domino ignem alienum quod eis praeceptum non erat
Nombres 26.61 Lévitique 16.12 Exode 24.1 Nombres 16.46 Exode 28.1
2 egressusque ignis a Domino devoravit eos et mortui sunt coram Domino
Nombres 26.61 Lévitique 9.24 Nombres 16.35 Nombres 3.3-3.4 2 Samuel 6.7
3 dixitque Moses ad Aaron hoc est quod locutus est Dominus sanctificabor in his qui adpropinquant mihi et in conspectu omnis populi glorificabor quod audiens tacuit Aaron
Lévitique 21.6 Ezéchiel 28.22 Esaïe 49.3 Exode 19.22 Psaumes 39.9
4 vocatis autem Moses Misahel et Elsaphan filios Ozihel patrui Aaron ait ad eos ite et colligite fratres vestros de conspectu sanctuarii et asportate extra castra
Exode 6.22 Exode 6.18 Nombres 3.30 Actes 5.6 Nombres 3.19
5 confestimque pergentes tulerunt eos sicut iacebant vestitos lineis tunicis et eiecerunt foras ut sibi fuerat imperatum
Lévitique 8.13
6 locutus est Moses ad Aaron et ad Eleazar atque Ithamar filios eius capita vestra nolite nudare et vestimenta nolite scindere ne forte moriamini et super omnem coetum oriatur indignatio fratres vestri et omnis domus Israhel plangant incendium quod Dominus suscitavit
Josué 22.18 Josué 7.1 Nombres 16.22 Josué 22.20 Lévitique 13.45
7 vos autem non egredimini fores tabernaculi alioquin peribitis oleum quippe sanctae unctionis est super vos qui fecerunt omnia iuxta praeceptum Mosi
Lévitique 21.12 Exode 28.41 Lévitique 8.30 Exode 30.30 2 Corinthiens 1.21
8 dixit quoque Dominus ad Aaron
9 vinum et omne quod inebriare potest non bibetis tu et filii tui quando intratis tabernaculum testimonii ne moriamini quia praeceptum est sempiternum in generationes vestras
1 Timothée 3.3 Luc 1.15 Ezéchiel 44.21 Tite 1.7 Ephésiens 5.18
10 et ut habeatis scientiam discernendi inter sanctum et profanum inter pollutum et mundum
Ezéchiel 22.26 Lévitique 11.47 1 Pierre 1.14-1.16 Ezéchiel 44.23 Lévitique 20.25-20.26
11 doceatisque filios Israhel omnia legitima mea quae locutus est Dominus ad eos per manum Mosi
Malachie 2.7 Deutéronome 24.8 Jérémie 18.18 Néhémie 8.8 Deutéronome 33.10
12 locutusque est Moses ad Aaron et ad Eleazar atque Ithamar filios eius qui residui erant tollite sacrificium quod remansit de oblatione Domini et comedite illud absque fermento iuxta altare quia sanctum sanctorum est
Lévitique 21.22 Nombres 18.9-18.10 Lévitique 2.1-2.16 Lévitique 7.9 Ezéchiel 44.29
13 comedetis autem in loco sancto quod datum est tibi et filiis tuis de oblationibus Domini sicut praeceptum est mihi
Lévitique 2.3 Lévitique 6.16 Nombres 18.10
14 pectusculum quoque quod oblatum est et armum qui separatus est edetis in loco mundissimo tu et filii tui ac filiae tuae tecum tibi enim ac liberis tuis reposita sunt de hostiis salutaribus filiorum Israhel
Nombres 18.11 Lévitique 9.21 Jean 4.34 Lévitique 7.29-7.34 Exode 29.24-29.28
15 eo quod armum et pectus et adipes qui cremantur in altari elevaverint coram Domino et pertineant ad te et ad filios tuos lege perpetua sicut praecepit Dominus
Lévitique 7.34 Genèse 17.17 Genèse 17.8 Lévitique 7.29-7.30 1 Corinthiens 9.13-9.14
16 inter haec hircum qui oblatus fuerat pro peccato cum quaereret Moses exustum repperit iratusque contra Eleazar et Ithamar filios Aaron qui remanserant ait
Lévitique 9.3 Lévitique 9.15 Ephésiens 4.26 Marc 3.5 Nombres 12.3
17 cur non comedistis hostiam pro peccato in loco sancto quae sancta sanctorum est et data vobis ut portetis iniquitatem multitudinis et rogetis pro ea in conspectu Domini
Exode 28.38 Nombres 18.1 Ezéchiel 18.19-18.20 Lévitique 7.6-7.7 Jean 1.29
18 praesertim cum de sanguine illius non sit inlatum intra sancta et comedere eam debueritis in sanctuario sicut praeceptum est mihi
Lévitique 6.30 Lévitique 6.26
19 respondit Aaron oblata est hodie victima pro peccato et holocaustum coram Domino mihi autem accidit quod vides quomodo potui comedere eam aut placere Domino in caerimoniis mente lugubri
Lévitique 9.12 Lévitique 9.8 Malachie 1.13 Osée 9.4 Jérémie 6.20
20 quod cum audisset Moses recepit satisfactionem
Matthieu 12.20 Zacharie 7.8-7.9 2 Chroniques 30.18-30.20 Matthieu 12.3-12.7