Nombres 8
Vulgate

Arrangement des lampes et du chandelier

1 locutus est Dominus ad Mosen dicens
2 loquere Aaroni et dices ad eum cum posueris septem lucernas contra eam partem quam candelabrum respicit lucere debebunt
Exode 25.37 Matthieu 5.14 Exode 37.18-37.19 Lévitique 24.4 Lévitique 24.1-24.2
3 fecitque Aaron et inposuit lucernas super candelabrum ut praeceperat Dominus Mosi
4 haec autem erat factura candelabri ex auro ductili tam medius stipes quam cuncta ex utroque calamorum latera nascebantur iuxta exemplum quod ostendit Dominus Mosi ita operatus est candelabrum
Exode 25.9 Exode 25.31-25.40 Exode 25.18 Exode 37.17-37.24 Hébreux 8.5

Consécration des Lévites

5 et locutus est Dominus ad Mosen dicens
6 tolle Levitas de medio filiorum Israhel et purificabis eos
Esaïe 52.11 2 Corinthiens 7.1 Exode 19.15 Jacques 4.8
7 iuxta hunc ritum aspergantur aqua lustrationis et radant omnes pilos carnis suae cumque laverint vestimenta sua et mundati fuerint
Nombres 19.13 Lévitique 8.6 Lévitique 15.6 Lévitique 16.28 Lévitique 14.7-14.9
8 tollant bovem de armentis et libamentum eius similam oleo conspersam bovem autem alterum de armento tu accipies pro peccato
Lévitique 2.1 Lévitique 4.14 Esaïe 53.10 Lévitique 1.3 Lévitique 8.2
9 et adplicabis Levitas coram tabernaculo foederis convocata omni multitudine filiorum Israhel
Lévitique 8.3 Exode 40.12 Exode 29.4-29.37
10 cumque Levitae fuerint coram Domino ponent filii Israhel manus suas super eos
Lévitique 1.4 Actes 6.6 1 Timothée 4.14 1 Timothée 5.22 Actes 13.2-13.3
11 et offeret Aaron Levitas munus in conspectu Domini a filiis Israhel ut serviant in ministerio eius
Lévitique 7.30 Nombres 3.5-3.43 Lévitique 8.29 Nombres 1.49-1.53 Exode 29.24
12 Levitae quoque ponent manus suas super capita boum e quibus unum facies pro peccato et alterum in holocaustum Domini ut depreceris pro eis
Exode 29.10 Lévitique 8.14 Lévitique 1.4 Nombres 8.8 Lévitique 5.7
13 statuesque Levitas in conspectu Aaron et filiorum eius et consecrabis oblatos Domino
Nombres 8.21 Nombres 8.11 Romains 15.16 Nombres 18.6 Romains 12.1
14 ac separabis de medio filiorum Israhel ut sint mei
Nombres 3.45 Hébreux 7.26 Nombres 16.9-16.10 Nombres 18.6 Nombres 6.2
15 et postea ingrediantur tabernaculum foederis ut serviant mihi sicque purificabis et consecrabis eos in oblationem Domini quoniam dono donati sunt mihi a filiis Israhel
Nombres 8.11 Nombres 8.13 Nombres 3.12 Nombres 3.23-3.37 Nombres 4.3-4.32
16 pro primogenitis quae aperiunt omnem vulvam in Israhel accepi eos
Nombres 3.12 Nombres 3.45 Nombres 3.9
17 mea sunt omnia primogenita filiorum Israhel tam ex hominibus quam ex iumentis ex die quo percussi omnem primogenitum in terra Aegypti sanctificavi eos mihi
Exode 13.2 Luc 2.23 Exode 13.12-13.15 Exode 29.44 Hébreux 11.28
18 et tuli Levitas pro cunctis primogenitis filiorum Israhel
19 tradidique eos dono Aaroni et filiis eius de medio populi ut serviant mihi pro Israhel in tabernaculo foederis et orent pro eis ne sit in populo plaga si ausi fuerint accedere ad sanctuarium
Nombres 1.53 Nombres 16.46 1 Samuel 6.19 2 Chroniques 26.16-26.20 Ezéchiel 44.11-44.14
20 feceruntque Moses et Aaron et omnis multitudo filiorum Israhel super Levitas quae praeceperat Dominus Mosi
21 purificatique sunt et laverunt vestimenta sua elevavitque eos Aaron in conspectu Domini et oravit pro eis
Nombres 8.7 Nombres 8.15 Nombres 8.11-8.13 Nombres 3.12 Nombres 19.12
22 ut purificati ingrederentur ad officia sua in tabernaculum foederis coram Aaron et filiis eius sicut praeceperat Dominus Mosi de Levitis ita factum est
Nombres 8.15 2 Chroniques 30.15-30.17 2 Chroniques 31.2 2 Chroniques 35.8-35.15 2 Chroniques 30.27
23 locutus est Dominus ad Mosen dicens
24 haec est lex Levitarum a viginti quinque annis et supra ingredientur ut ministrent in tabernaculo foederis
Nombres 4.3 1 Chroniques 23.3 1 Chroniques 28.12-28.13 Nombres 4.23 2 Corinthiens 10.4
25 cumque quinquagesimum annum aetatis impleverint servire cessabunt
Nombres 4.23 2 Timothée 4.7
26 eruntque ministri fratrum suorum in tabernaculo foederis ut custodiant quae sibi fuerint commendata opera autem ipsa non faciant sic dispones Levitas in custodiis suis
Nombres 1.53 Nombres 31.30 Nombres 3.32 Ezéchiel 44.8 Ezéchiel 44.11