Deutéronome 30
Vulgate

Promesses et menaces

1 cum ergo venerint super te omnes sermones isti benedictio sive maledictio quam proposui in conspectu tuo et ductus paenitudine cordis tui in universis gentibus in quas disperserit te Dominus Deus tuus
Deutéronome 30.19 Deutéronome 30.15 1 Rois 8.47-8.48 Deutéronome 11.26-11.28 Deutéronome 4.29-4.30
2 reversus fueris ad eum et oboedieris eius imperiis sicut ego hodie praecipio tibi cum filiis tuis in toto corde tuo et in tota anima tua
Néhémie 1.9 Joël 2.12-2.13 Lamentations 3.40 Esaïe 55.6-55.7 Psaumes 41.12
3 reducet Dominus Deus tuus captivitatem tuam ac miserebitur tui et rursum congregabit te de cunctis populis in quos te ante dispersit
Jérémie 29.14 Psaumes 147.2 Ezéchiel 36.24 Ezéchiel 34.12-34.13 Lamentations 3.32
4 si ad cardines caeli fueris dissipatus inde te retrahet Dominus Deus tuus
Néhémie 1.9 Deutéronome 28.64 Ezéchiel 39.25-39.29 Esaïe 43.6 Esaïe 11.11-11.16
5 et adsumet atque introducet in terram quam possederunt patres tui et obtinebis eam et benedicens tibi maioris numeri esse te faciet quam fuerunt patres tui
Jérémie 29.14
6 circumcidet Dominus Deus tuus cor tuum et cor seminis tui ut diligas Dominum Deum tuum in toto corde tuo et in tota anima tua et possis vivere
Deutéronome 10.16 Ezéchiel 36.26-36.27 Jérémie 32.39 Jérémie 4.4 Ezéchiel 11.19-11.20
7 omnes autem maledictiones has convertet super inimicos tuos et eos qui oderunt te et persequuntur
Ezéchiel 25.6 Lamentations 4.21-4.22 Nombres 24.14 Deutéronome 7.15 Jérémie 25.12-25.16
8 tu autem reverteris et audies vocem Domini Dei tui faciesque universa mandata quae ego praecipio tibi hodie
Philippiens 2.13 Deutéronome 30.2 Romains 11.26-11.27 Esaïe 1.25-1.26 Proverbes 16.1
9 et abundare te faciet Dominus Deus tuus in cunctis operibus manuum tuarum in subole uteri tui et in fructu iumentorum tuorum in ubertate terrae tuae et in rerum omnium largitate revertetur enim Dominus ut gaudeat super te in omnibus bonis sicut gavisus est in patribus tuis
Jérémie 32.41 Deutéronome 28.11-28.14 Jean 15.11 Deutéronome 28.4 Deutéronome 28.63
10 si tamen audieris vocem Domini Dei tui et custodieris praecepta eius et caerimonias quae in hac lege conscriptae sunt et revertaris ad Dominum Deum tuum in toto corde tuo et in tota anima tua
Esaïe 55.2-55.3 1 Corinthiens 7.19 Actes 3.19 Ezéchiel 33.14 Ezéchiel 33.11
11 mandatum hoc quod ego praecipio tibi hodie non supra te est neque procul positum
Esaïe 45.19 Colossiens 1.26-1.27 Romains 16.25-16.26 Psaumes 147.19-147.20
12 nec in caelo situm ut possis dicere quis nostrum ad caelum valet conscendere ut deferat illud ad nos et audiamus atque opere conpleamus
Romains 10.6-10.8 Jean 3.13 Proverbes 30.4
13 neque trans mare positum ut causeris et dicas quis e nobis transfretare poterit mare et illud ad nos usque deferre ut possimus audire et facere quod praeceptum est
Romains 10.14-10.15 Proverbes 16.6 Actes 10.33 Matthieu 12.42 Actes 8.27-8.40
14 sed iuxta te est sermo valde in ore tuo et in corde tuo ut facias illum
Romains 10.8-10.10 Jérémie 12.2 Ezéchiel 33.33 Ezéchiel 2.5 Luc 10.11-10.12
15 considera quod hodie proposuerim in conspectu tuo vitam et bonum et e contrario mortem et malum
Deutéronome 11.26 Deutéronome 30.19 Galates 5.6 Deutéronome 32.47 Marc 16.16
16 ut diligas Dominum Deum tuum et ambules in viis eius et custodias mandata illius et caerimonias atque iudicia et vivas ac multiplicet te benedicatque tibi in terra ad quam ingredieris possidendam
Deutéronome 30.6 1 Corinthiens 7.19 Matthieu 22.37-22.38 Jean 14.21 1 Jean 5.2-5.3
17 sin autem aversum fuerit cor tuum et audire nolueris atque errore deceptus adoraveris deos alienos et servieris eis
Hébreux 3.12 1 Rois 11.2 1 Samuel 12.25 2 Timothée 4.4 Deutéronome 17.17
18 praedico tibi hodie quod pereas et parvo tempore moreris in terra ad quam Iordane transmisso ingredieris possidendam
Deutéronome 31.29 Josué 23.15-23.16 Esaïe 63.17-63.18 Deutéronome 8.19-8.20 Deutéronome 4.26
19 testes invoco hodie caelum et terram quod proposuerim vobis vitam et mortem bonum et malum benedictionem et maledictionem elige ergo vitam ut et tu vivas et semen tuum
Deutéronome 11.26 Deutéronome 30.15 Deutéronome 30.1 Proverbes 8.36 Deutéronome 4.26
20 et diligas Dominum Deum tuum atque oboedias voci eius et illi adhereas ipse est enim vita tua et longitudo dierum tuorum ut habites in terra pro qua iuravit Dominus patribus tuis Abraham Isaac et Iacob ut daret eam illis
Deutéronome 10.20 Actes 17.28 Actes 17.25 Psaumes 27.1 Josué 23.8