Ruth 3
Vulgate

Mariage de Ruth et Boaz

1 postquam autem reversa est ad socrum suam audivit ab ea filia mi quaeram tibi requiem et providebo ut bene sit tibi
Ruth 1.9 Genèse 40.14 Deutéronome 4.40 Psaumes 128.2 Jérémie 22.15-22.16
2 Booz iste cuius puellis in agro iuncta es propinquus est noster et hac nocte aream hordei ventilat
Ruth 2.8 Ruth 2.20-2.23 Hébreux 2.11-2.14 Deutéronome 25.5-25.10 Ruth 2.1
3 lava igitur et unguere et induere cultioribus vestimentis ac descende in aream non te videat homo donec esum potumque finierit
2 Samuel 14.2 Ecclésiaste 9.8 Psaumes 104.15 1 Timothée 2.9-2.10 Esther 5.1
4 quando autem ierit ad dormiendum nota locum in quo dormiat veniesque et discoperies pallium quo operitur a parte pedum et proicies te et ibi iacebis ipse autem dicet tibi quid agere debeas
1 Thessaloniciens 5.22
5 quae respondit quicquid praeceperis faciam
Ephésiens 6.1 Colossiens 3.20
6 descenditque in aream et fecit omnia quae sibi imperaverat socrus
Proverbes 1.8 Exode 20.12 Jean 2.5 Jean 15.14
7 cumque comedisset Booz et bibisset et factus esset hilarior issetque ad dormiendum iuxta acervum manipulorum venit abscondite et discoperto a pedibus eius pallio se proiecit
Juges 19.6 Juges 19.9 Esther 1.10 2 Samuel 13.28 Juges 19.22
8 et ecce nocte iam media expavit homo et conturbatus est viditque mulierem iacentem ad pedes suos
9 et ait illi quae es illaque respondit ego sum Ruth ancilla tua expande pallium tuum super famulam tuam quia propinquus es
Ezéchiel 16.8 Ruth 2.20 Ruth 3.12 Luc 14.11 Ruth 2.10-2.13
10 et ille benedicta inquit es Domino filia et priorem misericordiam posteriore superasti quia non es secuta iuvenes pauperes sive divites
Ruth 2.20 Ruth 1.8 Ruth 2.4 1 Corinthiens 13.4-13.5
11 noli ergo metuere sed quicquid dixeris mihi faciam tibi scit enim omnis populus qui habitat intra portas urbis meae mulierem te esse virtutis
Proverbes 31.10 Proverbes 12.4 Proverbes 31.29-31.31
12 nec abnuo me propinquum sed est alius me propinquior
Ruth 4.1 Matthieu 7.12 1 Thessaloniciens 4.6
13 quiesce hac nocte et facto mane si te voluerit propinquitatis iure retinere bene res acta est sin autem ille noluerit ego te absque ulla dubitatione suscipiam vivit Dominus dormi usque mane
Jérémie 4.2 Juges 8.19 Ruth 4.5 Matthieu 22.24-22.27 Ruth 2.20
14 dormivit itaque ad pedes eius usque ad noctis abscessum surrexitque antequam homines se cognoscerent mutuo et dixit Booz cave ne quis noverit quod huc veneris
2 Corinthiens 8.21 Romains 14.16 1 Pierre 2.12 1 Thessaloniciens 5.22 Ecclésiaste 7.1
15 et rursum expande inquit palliolum tuum quo operiris et tene utraque manu qua extendente et tenente mensus est sex modios hordei et posuit super eam quae portans ingressa est civitatem
Galates 6.10 Esaïe 32.8
16 et venit ad socrum suam quae dixit ei quid egisti filia narravitque ei omnia quae sibi fecisset homo
17 et ait ecce sex modios hordei dedit mihi et ait nolo vacuam te reverti ad socrum tuam
18 dixitque Noemi expecta filia donec videamus quem res exitum habeat neque enim cessabit homo nisi conpleverit quod locutus est
Psaumes 37.3-37.5 Esaïe 28.16 Esaïe 30.7