1 Samuel 4.12
Vulgate

Mort d’Éli et de ses deux fils

¹ egressus est namque Israhel obviam Philisthim in proelium et castrametatus est iuxta lapidem Adiutorii porro Philisthim venerunt in Afec
1 Samuel 29.1 1 Samuel 7.12 1 Samuel 5.1 Josué 19.30 Josué 15.53
² et instruxerunt aciem contra Israhel inito autem certamine terga vertit Israhel Philistheis et caesa sunt in illo certamine passim per agros quasi quattuor milia virorum
Psaumes 79.7-79.8 Josué 7.5-7.8 Psaumes 44.9-44.10 Josué 7.12 Psaumes 106.40-106.41
³ et reversus est populus ad castra dixeruntque maiores natu de Israhel quare percussit nos Dominus hodie coram Philisthim adferamus ad nos de Silo arcam foederis Domini et veniat in medium nostri ut salvet nos de manu inimicorum nostrorum
1 Corinthiens 10.1-10.5 Esaïe 50.1 Psaumes 74.11 Esaïe 1.11-1.15 Matthieu 3.9-3.10
⁴ misit ergo populus in Silo et tulerunt inde arcam foederis Domini exercituum sedentis super cherubin erantque duo filii Heli cum arca foederis Domini Ofni et Finees
2 Samuel 6.2 Psaumes 80.1 Psaumes 99.1 Nombres 7.89 Psaumes 50.16-50.17
⁵ cumque venisset arca foederis Domini in castra vociferatus est omnis Israhel clamore grandi et personuit terra
Josué 6.5 Job 20.5 Josué 6.20 Amos 6.3 Juges 15.14
⁶ et audierunt Philisthim vocem clamoris dixeruntque quaenam haec est vox clamoris magni in castris Hebraeorum et cognoverunt quod arca Domini venisset in castra
Exode 32.17-32.18
⁷ timueruntque Philisthim dicentes venit Deus in castra et ingemuerunt
Exode 14.25 Deutéronome 32.30 Exode 15.14-15.16
⁸ vae nobis non enim fuit tanta exultatio heri et nudius tertius vae nobis quis nos servabit de manu deorum sublimium istorum hii sunt dii qui percusserunt Aegyptum omni plaga in deserto
Exode 9.14 Exode 7.5 Psaumes 78.43-78.51
⁹ confortamini et estote viri Philisthim ne serviatis Hebraeis sicut illi servierunt vobis confortamini et bellate
Juges 13.1 1 Corinthiens 16.13 Ephésiens 6.10-6.11 2 Samuel 10.12 Juges 10.7
¹⁰ pugnaverunt ergo Philisthim et caesus est Israhel et fugit unusquisque in tabernaculum suum et facta est plaga magna nimis et ceciderunt de Israhel triginta milia peditum
1 Samuel 4.2 2 Rois 14.12 Deutéronome 28.25 Lévitique 26.17 2 Samuel 18.17
¹¹ et arca Dei capta est duoque filii Heli mortui sunt Ofni et Finees
1 Samuel 2.34 Psaumes 78.64 1 Samuel 2.32 Psaumes 78.60-78.61 Esaïe 3.11
¹² currens autem vir de Beniamin ex acie venit in Silo in die illo scissa veste et conspersus pulvere caput
Josué 7.6 Job 2.12 Néhémie 9.1 2 Samuel 1.2 2 Samuel 15.32
¹³ cumque ille venisset Heli sedebat super sellam contra viam aspectans erat enim cor eius pavens pro arca Domini vir autem ille postquam ingressus est nuntiavit urbi et ululavit omnis civitas
1 Samuel 1.9 1 Samuel 4.18 Psaumes 26.8 Josué 7.9 Psaumes 137.4-137.6
¹⁴ et audivit Heli sonitum clamoris dixitque quis est hic sonitus tumultus huius at ille festinavit et venit et adnuntiavit Heli
¹⁵ Heli autem erat nonaginta et octo annorum et oculi eius caligaverant et videre non poterat
1 Samuel 3.2 Psaumes 90.10 1 Rois 14.4 Genèse 27.1
¹⁶ et dixit ad Heli ego sum qui veni de proelio et ego qui de acie fugi hodie cui ille ait quid actum est fili mi
2 Samuel 1.4 1 Samuel 3.6 Josué 7.19
¹⁷ respondens autem qui nuntiabat fugit inquit Israhel coram Philisthim et ruina magna facta est in populo insuper et duo filii tui mortui sunt Ofni et Finees et arca Dei capta est
1 Samuel 3.11 1 Samuel 4.10-4.11
¹⁸ cumque ille nominasset arcam Dei cecidit de sella retrorsum iuxta ostium et fractis cervicibus mortuus est senex enim erat vir et grandevus et ipse iudicavit Israhel quadraginta annis
1 Samuel 4.21-4.22 1 Samuel 4.13 1 Pierre 4.17-4.18 Psaumes 26.8 Psaumes 42.10
¹⁹ nurus autem eius uxor Finees praegnans erat vicinaque partui et audito nuntio quod capta esset arca Dei et mortuus socer suus et vir suus incurvavit se et peperit inruerant enim in eam dolores subiti
²⁰ in ipso autem momento mortis eius dixerunt ei quae stabant circa eam ne timeas quia filium peperisti quae non respondit eis neque animadvertit
Genèse 35.17-35.18 Psaumes 77.2 Jean 16.21
²¹ et vocavit puerum Hicabod dicens translata est gloria de Israhel quia capta est arca Dei et pro socero suo et pro viro suo
Psaumes 26.8 Jérémie 2.11 Psaumes 78.61 1 Samuel 4.11 Psaumes 78.64
²² et ait translata est gloria ab Israhel eo quod capta esset arca Dei
Psaumes 137.5-137.6 Jean 2.17