Exode 22.23
Biblia Hebraica Stuttgartensia

¹ (22.2) אִם־בַּמַּחְתֶּ֛רֶת יִמָּצֵ֥א הַגַּנָּ֖ב וְהֻכָּ֣ה וָמֵ֑ת אֵ֥ין לֹ֖ו דָּמִֽים׃2 Samuel 12.6 Luc 19.8 Proverbes 6.31 Nombres 5.7 Lévitique 6.1-6.6
² (22.3) אִם־זָרְחָ֥ה הַשֶּׁ֛מֶשׁ עָלָ֖יו דָּמִ֣ים לֹ֑ו שַׁלֵּ֣ם יְשַׁלֵּ֔ם אִם־אֵ֣ין לֹ֔ו וְנִמְכַּ֖ר בִּגְנֵבָתֹֽו׃Matthieu 24.43 Nombres 35.27 Matthieu 6.19-6.20 Joël 2.9 Job 30.5
³ (22.4) אִֽם־הִמָּצֵא֩ תִמָּצֵ֨א בְיָדֹ֜ו הַגְּנֵבָ֗ה מִשֹּׁ֧ור עַד־חֲמֹ֛ור עַד־שֶׂ֖ה חַיִּ֑ים שְׁנַ֖יִם יְשַׁלֵּֽם׃ סExode 21.2 Matthieu 18.25 Esaïe 50.1 Juges 2.14 Juges 10.7
⁴ (22.5) כִּ֤י יַבְעֶר־אִישׁ֙ שָׂדֶ֣ה אֹו־כֶ֔רֶם וְשִׁלַּח֙ אֶת־בְּעִירֹ֔ו וּבִעֵ֖ר בִּשְׂדֵ֣ה אַחֵ֑ר מֵיטַ֥ב שָׂדֵ֛הוּ וּמֵיטַ֥ב כַּרְמֹ֖ו יְשַׁלֵּֽם׃ סExode 22.9 Exode 21.16 Exode 22.7 Exode 22.1 Esaïe 40.2
⁵ (22.6) כִּֽי־תֵצֵ֨א אֵ֜שׁ וּמָצְאָ֤ה קֹצִים֙ וְנֶאֱכַ֣ל גָּדִ֔ישׁ אֹ֥ו הַקָּמָ֖ה אֹ֣ו הַשָּׂדֶ֑ה שַׁלֵּ֣ם יְשַׁלֵּ֔ם הַמַּבְעִ֖ר אֶת־הַבְּעֵרָֽה׃ סExode 22.3 Exode 22.12 Exode 21.34 Job 20.18
⁶ (22.7) כִּֽי־יִתֵּן֩ אִ֨ישׁ אֶל־רֵעֵ֜הוּ כֶּ֤סֶף אֹֽו־כֵלִים֙ לִשְׁמֹ֔ר וְגֻנַּ֖ב מִבֵּ֣ית הָאִ֑ישׁ אִם־יִמָּצֵ֥א הַגַּנָּ֖ב יְשַׁלֵּ֥ם שְׁנָֽיִם׃Exode 22.9 Juges 15.4-15.5 Exode 22.12 2 Samuel 14.30-14.31 Exode 21.33-21.34
⁷ (22.8) אִם־לֹ֤א יִמָּצֵא֙ הַגַּנָּ֔ב וְנִקְרַ֥ב בַּֽעַל־הַבַּ֖יִת אֶל־הָֽאֱלֹהִ֑ים אִם־לֹ֥א שָׁלַ֛ח יָדֹ֖ו בִּמְלֶ֥אכֶת רֵעֵֽהוּ׃Jérémie 2.26 Jean 12.6 Proverbes 6.30-6.31 Exode 22.4 1 Corinthiens 6.10
⁸ (22.9) עַֽל־כָּל־דְּבַר־פֶּ֡שַׁע עַל־שֹׁ֡ור עַל־חֲ֠מֹור עַל־שֶׂ֨ה עַל־שַׂלְמָ֜ה עַל־כָּל־אֲבֵדָ֗ה אֲשֶׁ֤ר יֹאמַר֙ כִּי־ה֣וּא זֶ֔ה עַ֚ד הָֽאֱלֹהִ֔ים יָבֹ֖א דְּבַר־שְׁנֵיהֶ֑ם אֲשֶׁ֤ר יַרְשִׁיעֻן֙ אֱלֹהִ֔ים יְשַׁלֵּ֥ם שְׁנַ֖יִם לְרֵעֵֽהוּ׃ סExode 22.28 Deutéronome 16.18 Exode 21.6 Psaumes 82.1 Deutéronome 19.17-19.18
⁹ (22.10) כִּֽי־יִתֵּן֩ אִ֨ישׁ אֶל־רֵעֵ֜הוּ חֲמֹ֨ור אֹו־שֹׁ֥ור אֹו־שֶׂ֛ה וְכָל־בְּהֵמָ֖ה לִשְׁמֹ֑ר וּמֵ֛ת אֹו־נִשְׁבַּ֥ר אֹו־נִשְׁבָּ֖ה אֵ֥ין רֹאֶֽה׃Deutéronome 25.1 Exode 22.28 Nombres 5.6-5.7 Exode 22.4 Exode 23.6-23.8
¹⁰ (22.11) שְׁבֻעַ֣ת יְהוָ֗ה תִּהְיֶה֙ בֵּ֣ין שְׁנֵיהֶ֔ם אִם־לֹ֥א שָׁלַ֛ח יָדֹ֖ו בִּמְלֶ֣אכֶת רֵעֵ֑הוּ וְלָקַ֥ח בְּעָלָ֖יו וְלֹ֥א יְשַׁלֵּֽם׃Luc 16.11 Luc 12.48 2 Timothée 1.12 Genèse 39.8
¹¹ (22.12) וְאִם־גָּנֹ֥ב יִגָּנֵ֖ב מֵעִמֹּ֑ו יְשַׁלֵּ֖ם לִבְעָלָֽיו׃Hébreux 6.16 Exode 23.1 Exode 22.8 Lévitique 6.3 Proverbes 30.9
¹² (22.13) אִם־טָרֹ֥ף יִטָּרֵ֖ף יְבִאֵ֣הוּ עֵ֑ד הַטְּרֵפָ֖ה לֹ֥א יְשַׁלֵּֽם׃ פGenèse 31.39 Exode 22.7
¹³ (22.14) וְכִֽי־יִשְׁאַ֥ל אִ֛ישׁ מֵעִ֥ם רֵעֵ֖הוּ וְנִשְׁבַּ֣ר אֹו־מֵ֑ת בְּעָלָ֥יו אֵין־עִמֹּ֖ו שַׁלֵּ֥ם יְשַׁלֵּֽם׃Nahum 2.12 Amos 3.12 Ezéchiel 4.14 Michée 5.8
¹⁴ (22.15) אִם־בְּעָלָ֥יו עִמֹּ֖ו לֹ֣א יְשַׁלֵּ֑ם אִם־שָׂכִ֣יר ה֔וּא בָּ֖א בִּשְׂכָרֹֽו׃ סNéhémie 5.4 Deutéronome 15.2 Lévitique 24.18 Luc 6.35 Matthieu 5.42
¹⁵ (22.16) וְכִֽי־יְפַתֶּ֣ה אִ֗ישׁ בְּתוּלָ֛ה אֲשֶׁ֥ר לֹא־אֹרָ֖שָׂה וְשָׁכַ֣ב עִמָּ֑הּ מָהֹ֛ר יִמְהָרֶ֥נָּה לֹּ֖ו לְאִשָּֽׁה׃Zacharie 8.10
¹⁶ (22.17) אִם־מָאֵ֧ן יְמָאֵ֛ן אָבִ֖יהָ לְתִתָּ֣הּ לֹ֑ו כֶּ֣סֶף יִשְׁקֹ֔ל כְּמֹ֖הַר הַבְּתוּלֹֽת׃ סDeutéronome 22.28-22.29 Genèse 34.2-34.4
¹⁷ (22.18) מְכַשֵּׁפָ֖ה לֹ֥א תְחַיֶּֽה׃ ס1 Samuel 18.25 Genèse 34.12 Deutéronome 22.29 Deutéronome 7.3-7.4 Genèse 23.16
¹⁸ (22.19) כָּל־שֹׁכֵ֥ב עִם־בְּהֵמָ֖ה מֹ֥ות יוּמָֽת׃ ס1 Samuel 28.3 Lévitique 20.27 Deutéronome 18.10-18.11 Lévitique 19.31 1 Samuel 28.9
¹⁹ (22.20) זֹבֵ֥חַ לָאֱלֹהִ֖ים יָֽחֳרָ֑ם בִּלְתִּ֥י לַיהוָ֖ה לְבַדֹּֽו׃Lévitique 18.23 Deutéronome 27.21 Lévitique 20.15-20.16 Lévitique 18.25
²⁰ (22.21) וְגֵ֥ר לֹא־תֹונֶ֖ה וְלֹ֣א תִלְחָצֶ֑נּוּ כִּֽי־גֵרִ֥ים הֱיִיתֶ֖ם בְּאֶ֥רֶץ מִצְרָֽיִם׃Deutéronome 18.20 Deutéronome 17.2-17.5 Nombres 25.7-25.8 Deutéronome 13.1-13.15 Josué 23.15-23.16
²¹ (22.22) כָּל־אַלְמָנָ֥ה וְיָתֹ֖ום לֹ֥א תְעַנּֽוּן׃Deutéronome 10.19 Exode 23.9 Lévitique 19.33 Zacharie 7.10 Lévitique 25.35
²² (22.23) אִם־עַנֵּ֥ה תְעַנֶּ֖ה אֹתֹ֑ו כִּ֣י אִם־צָעֹ֤ק יִצְעַק֙ אֵלַ֔י שָׁמֹ֥עַ אֶשְׁמַ֖ע צַעֲקָתֹֽו׃Deutéronome 24.17 Esaïe 1.17 Deutéronome 27.19 Esaïe 1.23 Jacques 1.27
²³ (22.24) וְחָרָ֣ה אַפִּ֔י וְהָרַגְתִּ֥י אֶתְכֶ֖ם בֶּחָ֑רֶב וְהָי֤וּ נְשֵׁיכֶם֙ אַלְמָנֹ֔ות וּבְנֵיכֶ֖ם יְתֹמִֽים׃ פLuc 18.7 Job 34.28 Jacques 5.4 Psaumes 18.6 Deutéronome 15.9
²⁴ (22.25) אִם־כֶּ֣סֶף׀ תַּלְוֶ֣ה אֶת־עַמִּ֗י אֶת־הֶֽעָנִי֙ עִמָּ֔ךְ לֹא־תִהְיֶ֥ה לֹ֖ו כְּנֹשֶׁ֑ה לֹֽא־תְשִׂימ֥וּן עָלָ֖יו נֶֽשֶׁךְ׃Psaumes 109.9 Psaumes 69.24 Lamentations 5.3 Psaumes 90.11 Jérémie 15.8
²⁵ (22.26) אִם־חָבֹ֥ל תַּחְבֹּ֖ל שַׂלְמַ֣ת רֵעֶ֑ךָ עַד־בֹּ֥א הַשֶּׁ֖מֶשׁ תְּשִׁיבֶ֥נּוּ לֹֽו׃Psaumes 15.5 Lévitique 25.35-25.37 Ezéchiel 18.8 Deutéronome 23.19-23.20 Néhémie 5.7
²⁶ (22.27) כִּ֣י הִ֤וא כְסוּתֹו֙ לְבַדָּ֔הּ הִ֥וא שִׂמְלָתֹ֖ו לְעֹרֹ֑ו בַּמֶּ֣ה יִשְׁכָּ֔ב וְהָיָה֙ כִּֽי־יִצְעַ֣ק אֵלַ֔י וְשָׁמַעְתִּ֖י כִּֽי־חַנּ֥וּן אָֽנִי׃ סAmos 2.8 Proverbes 20.16 Deutéronome 24.6 Ezéchiel 18.7 Deutéronome 24.10-24.13
²⁷ (22.28) אֱלֹהִ֖ים לֹ֣א תְקַלֵּ֑ל וְנָשִׂ֥יא בְעַמְּךָ֖ לֹ֥א תָאֹֽר׃Exode 34.6 2 Chroniques 30.9 Psaumes 72.12 Psaumes 136.10-136.11 Psaumes 34.6
²⁸ (22.29) מְלֵאָתְךָ֥ וְדִמְעֲךָ֖ לֹ֣א תְאַחֵ֑ר בְּכֹ֥ור בָּנֶ֖יךָ תִּתֶּן־לִּֽי׃Actes 23.5 Ecclésiaste 10.20 Exode 21.17 Jude 1.8 Exode 22.8-22.9
²⁹ (22.30) כֵּֽן־תַּעֲשֶׂ֥ה לְשֹׁרְךָ֖ לְצֹאנֶ֑ךָ שִׁבְעַ֤ת יָמִים֙ יִהְיֶ֣ה עִם־אִמֹּ֔ו בַּיֹּ֥ום הַשְּׁמִינִ֖י תִּתְּנֹו־לִֽי׃Exode 13.2 Exode 23.19 Exode 23.16 Deutéronome 26.2-26.10 Exode 13.12
³⁰ (22.31) וְאַנְשֵׁי־קֹ֖דֶשׁ תִּהְי֣וּן לִ֑י וּבָשָׂ֨ר בַּשָּׂדֶ֤ה טְרֵפָה֙ לֹ֣א תֹאכֵ֔לוּ לַכֶּ֖לֶב תַּשְׁלִכ֥וּן אֹתֹֽו׃ סDeutéronome 15.19 Lévitique 22.27 Exode 13.12 Lévitique 12.3