Esaïe 23
Septante

Prophétie sur Tyr

1 τὸ ὅραμα Τύρου ὀλολύζετε πλοῖα Καρχηδόνος ὅτι ἀπώλετο καὶ οὐκέτι ἔρχονται ἐκ γῆς Κιτιαίων ἦκται αἰχμάλωτος.
Joël 3.4-3.8 Genèse 10.4 Esaïe 2.16 Amos 1.9-1.10 Jérémie 47.4
2 τίνι ὅμοιοι γεγόνασιν οἱ ἐνοικοῦντες ἐν τῇ νήσῳ μεταβόλοι Φοινίκης διαπερῶντες τὴν θάλασσαν.
Esaïe 47.5 Habakuk 2.20 Ezéchiel 27.8-27.36 Esaïe 41.1 Ezéchiel 27.3-27.4
3 ἐν ὕδατι πολλῷ σπέρμα μεταβόλων ὡς ἀμητοῦ εἰσφερομένου οἱ μεταβόλοι τῶν ἐθνῶν.
1 Chroniques 13.5 Jérémie 2.18 Apocalypse 18.11-18.13 Esaïe 32.20 Esaïe 23.8
4 αἰσχύνθητι Σιδών εἶπεν ἡ θάλασσα ἡ δὲ ἰσχὺς τῆς θαλάσσης εἶπεν οὐκ ὤδινον οὐδὲ ἔτεκον οὐδὲ ἐξέθρεψα νεανίσκους οὐδὲ ὕψωσα παρθένους.
Genèse 10.15 Osée 9.11-9.14 Ezéchiel 26.3-26.6 Apocalypse 18.23 Genèse 10.19
5 ὅταν δὲ ἀκουστὸν γένηται Αἰγύπτῳ λήμψεται αὐτοὺς ὀδύνη περὶ Τύρου.
Josué 2.9-2.11 Exode 15.14-15.16 Ezéchiel 28.19 Ezéchiel 26.15-26.21 Esaïe 19.16
6 ἀπέλθατε εἰς Καρχηδόνα ὀλολύξατε οἱ ἐνοικοῦντες ἐν τῇ νήσῳ ταύτῃ.
Esaïe 23.12 Esaïe 16.7 Esaïe 23.1-23.2 Esaïe 23.10 Esaïe 21.15
7 οὐχ αὕτη ἦν ὑμῶν ἡ ὕβρις ἡ ἀπ’ ἀρχῆς πρὶν ἢ παραδοθῆναι αὐτήν.
Esaïe 22.2 Ecclésiaste 10.7 Esaïe 47.1-47.2 Josué 19.29 Esaïe 32.13
8 τίς ταῦτα ἐβούλευσεν ἐπὶ Τύρον μὴ ἥσσων ἐστὶν ἢ οὐκ ἰσχύει οἱ ἔμποροι αὐτῆς ἔνδοξοι ἄρχοντες τῆς γῆς.
Esaïe 10.8 Jérémie 50.44-50.45 Apocalypse 18.8 Deutéronome 29.24-29.28 Esaïe 36.9
9 κύριος σαβαωθ ἐβουλεύσατο παραλῦσαι πᾶσαν τὴν ὕβριν τῶν ἐνδόξων καὶ ἀτιμάσαι πᾶν ἔνδοξον ἐπὶ τῆς γῆς.
Esaïe 13.11 Job 40.11-40.12 Daniel 4.37 Esaïe 2.11 Psaumes 107.40
10 ἐργάζου τὴν γῆν σου καὶ γὰρ πλοῖα οὐκέτι ἔρχεται ἐκ Καρχηδόνος.
Romains 5.6 1 Samuel 28.20 Aggée 2.22 Psaumes 18.32 Lamentations 1.6
11 ἡ δὲ χείρ σου οὐκέτι ἰσχύει κατὰ θάλασσαν ἡ παροξύνουσα βασιλεῖς κύριος σαβαωθ ἐνετείλατο περὶ Χανααν ἀπολέσαι αὐτῆς τὴν ἰσχύν.
Zacharie 9.3-9.4 Exode 14.21 Esaïe 25.2 Jean 2.16 Ezéchiel 27.34-27.35
12 καὶ ἐροῦσιν οὐκέτι μὴ προσθῆτε τοῦ ὑβρίζειν καὶ ἀδικεῖν τὴν θυγατέρα Σιδῶνος καὶ ἐὰν ἀπέλθῃς εἰς Κιτιεῖς οὐδὲ ἐκεῖ σοι ἀνάπαυσις ἔσται.
Apocalypse 18.22 Esaïe 23.1-23.2 Esaïe 47.1 Ezéchiel 26.13-26.14 Lamentations 4.15
13 καὶ εἰς γῆν Χαλδαίων καὶ αὕτη ἠρήμωται ἀπὸ τῶν Ἀσσυρίων οὐδὲ ἐκεῖ σοι ἀνάπαυσις ἔσται ὅτι ὁ τοῖχος αὐτῆς πέπτωκεν.
Esdras 4.9-4.10 Genèse 10.10-10.11 Ezéchiel 29.18 Genèse 11.28 Psaumes 72.9
14 ὀλολύζετε πλοῖα Καρχηδόνος ὅτι ἀπώλετο τὸ ὀχύρωμα ὑμῶν.
Esaïe 23.1 Esaïe 23.6 Ezéchiel 27.25-27.30 Esaïe 2.16 Apocalypse 18.11-18.19
15 καὶ ἔσται ἐν τῇ ἡμέρᾳ ἐκείνῃ καταλειφθήσεται Τύρος ἔτη ἑβδομήκοντα ὡς χρόνος βασιλέως ὡς χρόνος ἀνθρώπου καὶ ἔσται μετὰ ἑβδομήκοντα ἔτη ἔσται Τύρος ὡς ᾆσμα πόρνης.
Jérémie 25.22 Apocalypse 17.10 Jérémie 27.3-27.7 Daniel 8.21 Ezéchiel 29.11
16 λαβὲ κιθάραν ῥέμβευσον πόλεις πόρνη ἐπιλελησμένη καλῶς κιθάρισον πολλὰ ᾆσον ἵνα σου μνεία γένηται.
Proverbes 7.10-7.12 Jérémie 30.14
17 καὶ ἔσται μετὰ ἑβδομήκοντα ἔτη ἐπισκοπὴν ποιήσει ὁ θεὸς Τύρου καὶ πάλιν ἀποκατασταθήσεται εἰς τὸ ἀρχαῖον καὶ ἔσται ἐμπόριον πάσαις ταῖς βασιλείαις τῆς οἰκουμένης.
Nahum 3.4 Ezéchiel 27.6-27.36 Ezéchiel 16.26 Apocalypse 18.9-18.14 1 Timothée 3.8
18 καὶ ἔσται αὐτῆς ἡ ἐμπορία καὶ ὁ μισθὸς ἅγιον τῷ κυρίῳ οὐκ αὐτοῖς συναχθήσεται ἀλλὰ τοῖς κατοικοῦσιν ἔναντι κυρίου πᾶσα ἡ ἐμπορία αὐτῆς φαγεῖν καὶ πιεῖν καὶ ἐμπλησθῆναι εἰς συμβολὴν μνημόσυνον ἔναντι κυρίου.
Psaumes 72.10 Proverbes 28.8 Proverbes 13.22 Zacharie 14.20-14.21 Luc 8.3