Esaïe 23
Septante

Prophétie sur Tyr

1 τὸ ὅραμα Τύρου ὀλολύζετε πλοῖα Καρχηδόνος ὅτι ἀπώλετο καὶ οὐκέτι ἔρχονται ἐκ γῆς Κιτιαίων ἦκται αἰχμάλωτος.
Joël 3.4-3.8 Jérémie 47.4 Jérémie 25.22 Genèse 10.4 Esaïe 2.16
2 τίνι ὅμοιοι γεγόνασιν οἱ ἐνοικοῦντες ἐν τῇ νήσῳ μεταβόλοι Φοινίκης διαπερῶντες τὴν θάλασσαν.
Esaïe 47.5 Psaumes 46.10 Ezéchiel 28.2 Habakuk 2.20 Ezéchiel 27.8-27.36
3 ἐν ὕδατι πολλῷ σπέρμα μεταβόλων ὡς ἀμητοῦ εἰσφερομένου οἱ μεταβόλοι τῶν ἐθνῶν.
Jérémie 2.18 1 Chroniques 13.5 Joël 3.5 Ezéchiel 28.4 Apocalypse 18.11-18.13
4 αἰσχύνθητι Σιδών εἶπεν ἡ θάλασσα ἡ δὲ ἰσχὺς τῆς θαλάσσης εἶπεν οὐκ ὤδινον οὐδὲ ἔτεκον οὐδὲ ἐξέθρεψα νεανίσκους οὐδὲ ὕψωσα παρθένους.
Apocalypse 18.23 Genèse 10.19 Jérémie 47.3-47.4 Genèse 10.15 Osée 9.11-9.14
5 ὅταν δὲ ἀκουστὸν γένηται Αἰγύπτῳ λήμψεται αὐτοὺς ὀδύνη περὶ Τύρου.
Exode 15.14-15.16 Josué 2.9-2.11 Ezéchiel 27.29-27.36 Apocalypse 18.17-18.19 Ezéchiel 28.19
6 ἀπέλθατε εἰς Καρχηδόνα ὀλολύξατε οἱ ἐνοικοῦντες ἐν τῇ νήσῳ ταύτῃ.
Esaïe 23.12 Esaïe 23.1-23.2 Esaïe 23.10 Esaïe 21.15 Esaïe 16.7
7 οὐχ αὕτη ἦν ὑμῶν ἡ ὕβρις ἡ ἀπ’ ἀρχῆς πρὶν ἢ παραδοθῆναι αὐτήν.
Esaïe 22.2 Esaïe 47.1-47.2 Josué 19.29 Esaïe 32.13 Ecclésiaste 10.7
8 τίς ταῦτα ἐβούλευσεν ἐπὶ Τύρον μὴ ἥσσων ἐστὶν ἢ οὐκ ἰσχύει οἱ ἔμποροι αὐτῆς ἔνδοξοι ἄρχοντες τῆς γῆς.
Esaïe 36.9 Ezéchiel 28.2-28.6 Ezéchiel 28.12-28.18 Esaïe 10.8 Jérémie 50.44-50.45
9 κύριος σαβαωθ ἐβουλεύσατο παραλῦσαι πᾶσαν τὴν ὕβριν τῶν ἐνδόξων καὶ ἀτιμάσαι πᾶν ἔνδοξον ἐπὶ τῆς γῆς.
Esaïe 13.11 Daniel 4.37 Esaïe 2.11 Job 40.11-40.12 Jérémie 51.62
10 ἐργάζου τὴν γῆν σου καὶ γὰρ πλοῖα οὐκέτι ἔρχεται ἐκ Καρχηδόνος.
Lamentations 1.6 Esaïe 23.14 Job 12.21 Romains 5.6 1 Samuel 28.20
11 ἡ δὲ χείρ σου οὐκέτι ἰσχύει κατὰ θάλασσαν ἡ παροξύνουσα βασιλεῖς κύριος σαβαωθ ἐνετείλατο περὶ Χανααν ἀπολέσαι αὐτῆς τὴν ἰσχύν.
Zacharie 9.3-9.4 Exode 14.21 Genèse 9.25 Psaumes 46.6 Esaïe 23.3
12 καὶ ἐροῦσιν οὐκέτι μὴ προσθῆτε τοῦ ὑβρίζειν καὶ ἀδικεῖν τὴν θυγατέρα Σιδῶνος καὶ ἐὰν ἀπέλθῃς εἰς Κιτιεῖς οὐδὲ ἐκεῖ σοι ἀνάπαυσις ἔσται.
Apocalypse 18.22 Esaïe 47.1 Ezéchiel 26.13-26.14 Esaïe 23.1-23.2 Lamentations 1.15
13 καὶ εἰς γῆν Χαλδαίων καὶ αὕτη ἠρήμωται ἀπὸ τῶν Ἀσσυρίων οὐδὲ ἐκεῖ σοι ἀνάπαυσις ἔσται ὅτι ὁ τοῖχος αὐτῆς πέπτωκεν.
Esaïe 10.5 Genèse 2.14 Actes 7.4 Job 1.17 Genèse 11.9
14 ὀλολύζετε πλοῖα Καρχηδόνος ὅτι ἀπώλετο τὸ ὀχύρωμα ὑμῶν.
Esaïe 23.1 Ezéchiel 27.25-27.30 Esaïe 2.16 Apocalypse 18.11-18.19 Esaïe 23.6
15 καὶ ἔσται ἐν τῇ ἡμέρᾳ ἐκείνῃ καταλειφθήσεται Τύρος ἔτη ἑβδομήκοντα ὡς χρόνος βασιλέως ὡς χρόνος ἀνθρώπου καὶ ἔσται μετὰ ἑβδομήκοντα ἔτη ἔσται Τύρος ὡς ᾆσμα πόρνης.
Jérémie 25.22 Jérémie 25.9-25.11 Jérémie 29.10 Apocalypse 17.10 Jérémie 27.3-27.7
16 λαβὲ κιθάραν ῥέμβευσον πόλεις πόρνη ἐπιλελησμένη καλῶς κιθάρισον πολλὰ ᾆσον ἵνα σου μνεία γένηται.
Proverbes 7.10-7.12 Jérémie 30.14
17 καὶ ἔσται μετὰ ἑβδομήκοντα ἔτη ἐπισκοπὴν ποιήσει ὁ θεὸς Τύρου καὶ πάλιν ἀποκατασταθήσεται εἰς τὸ ἀρχαῖον καὶ ἔσται ἐμπόριον πάσαις ταῖς βασιλείαις τῆς οἰκουμένης.
Nahum 3.4 Ezéchiel 27.6-27.36 Apocalypse 19.2 1 Timothée 3.3 Actes 15.14
18 καὶ ἔσται αὐτῆς ἡ ἐμπορία καὶ ὁ μισθὸς ἅγιον τῷ κυρίῳ οὐκ αὐτοῖς συναχθήσεται ἀλλὰ τοῖς κατοικοῦσιν ἔναντι κυρίου πᾶσα ἡ ἐμπορία αὐτῆς φαγεῖν καὶ πιεῖν καὶ ἐμπλησθῆναι εἰς συμβολὴν μνημόσυνον ἔναντι κυρίου.
Psaumes 72.10 Matthieu 25.35-25.40 Actes 9.39 Deutéronome 26.12-26.14 Proverbes 3.9-3.10