1 Chroniques 29.15
Vulgate

Offrandes volontaires pour le temple

¹ locutusque est David rex ad omnem ecclesiam Salomonem filium meum unum elegit Deus adhuc puerum et tenellum opus autem grande est neque enim homini praeparatur habitatio sed Deo
1 Chroniques 22.5 1 Rois 3.7 2 Chroniques 13.7 1 Chroniques 28.1 Proverbes 4.3
² ego autem totis viribus meis praeparavi inpensas domus Dei mei aurum ad vasa aurea et argentum in argentea aes in aenea ferrum in ferrea lignum ad lignea lapides onychinos et quasi stibinos et diversorum colorum omnem pretiosum lapidem et marmor parium abundantissime
1 Chroniques 22.3-22.5 Ecclésiaste 9.10 Esaïe 54.11-54.12 Colossiens 3.23 Apocalypse 21.18-21.21
³ et super haec quae obtuli in domum Dei mei de peculio meo aurum et argentum do in templum Dei mei exceptis his quae paravi in aedem sanctam
Proverbes 3.9-3.10 Psaumes 84.10 Psaumes 27.4 1 Chroniques 22.4-22.5 Psaumes 84.1
⁴ tria milia talenta auri de auro Ophir et septem milia talentorum argenti probatissimi ad deaurandos parietes templi
1 Rois 9.28 1 Chroniques 22.14 Job 28.16
⁵ ut ubicumque opus est aurum de auro et ubicumque opus est argentum argenti opera fiant per manus artificum et si quis sponte offert impleat manum suam hodie et offerat quod voluerit Domino
Esdras 1.4-1.6 Esdras 7.15-7.16 Exode 35.5-35.9 Nombres 7.2-7.3 Nombres 7.10-7.89
⁶ polliciti sunt itaque principes familiarum et proceres tribuum Israhel tribuni quoque et centuriones et principes possessionum regis
1 Chroniques 27.1-27.15 2 Corinthiens 9.7 1 Chroniques 27.25-28.1 Esaïe 60.3-60.10
⁷ dederuntque in opera domus Dei auri talenta quinque milia et solidos decem milia argenti talenta decem milia et aeris talenta decem et octo milia ferri quoque centum milia talentorum
Esdras 2.69 Néhémie 7.70-7.71
⁸ et apud quemcumque inventi sunt lapides dederunt in thesaurum domus Domini per manum Ieihel Gersonitis
1 Chroniques 23.8 1 Chroniques 26.21-26.22
⁹ laetatusque est populus cum vota sponte promitterent quia corde toto offerebant ea Domino sed et David rex laetatus est gaudio magno
2 Corinthiens 9.7-9.8 1 Rois 8.61 2 Corinthiens 8.3 Jean 15.11 Philippiens 4.10
¹⁰ et benedixit Domino coram universa multitudine et ait benedictus es Domine Deus Israhel patris nostri ab aeterno in aeternum
1 Rois 8.15 Esaïe 63.16 Philippiens 4.20 Apocalypse 5.12 Luc 11.3
¹¹ tua est Domine magnificentia et potentia et gloria atque victoria et tibi laus cuncta enim quae in caelo sunt et in terra tua sunt tuum Domine regnum et tu es super omnes principes
Daniel 4.34-4.35 Esaïe 12.4 1 Timothée 1.17 Apocalypse 5.12-5.13 Apocalypse 7.9-7.12
¹² tuae divitiae et tua est gloria tu dominaris omnium in manu tua virtus et potentia in manu tua magnitudo et imperium omnium
2 Chroniques 20.6 2 Chroniques 1.12 Philippiens 4.13 Luc 1.51-1.53 Deutéronome 8.18
¹³ nunc igitur Deus noster confitemur tibi et laudamus nomen tuum inclitum
2 Corinthiens 2.14 Psaumes 105.1 2 Corinthiens 9.15 Psaumes 106.1 2 Corinthiens 8.16
¹⁴ quis ego et quis populus meus ut possimus haec tibi universa promittere tua sunt omnia et quae de manu tua accepimus dedimus tibi
Jacques 1.17 Psaumes 115.1 Genèse 32.10 2 Corinthiens 12.9-12.11 2 Corinthiens 3.5
¹⁵ peregrini enim sumus coram te et advenae sicut omnes patres nostri dies nostri quasi umbra super terram et nulla est mora
Job 14.2 Psaumes 39.12 Psaumes 144.4 Psaumes 102.11 Lévitique 25.23
¹⁶ Domine Deus noster omnis haec copia quam paravimus ut aedificaretur domus nomini sancto tuo de manu tua est et tua sunt omnia
Psaumes 24.1 1 Chroniques 29.14 Luc 19.16 Osée 2.8 2 Chroniques 31.10
¹⁷ scio Deus meus quod probes corda et simplicitatem diligas unde et ego in simplicitate cordis mei laetus obtuli universa haec et populum tuum qui hic reppertus est vidi cum ingenti gaudio tibi offerre donaria
1 Chroniques 28.9 Jérémie 17.10 1 Samuel 16.7 Proverbes 11.20 1 Thessaloniciens 2.10
¹⁸ Domine Deus Abraham et Isaac et Israhel patrum nostrorum custodi in aeternum hanc voluntatem cordis eorum et semper in venerationem tui mens ista permaneat
1 Chroniques 28.9 Actes 3.13 Exode 3.6 Philippiens 1.6 Exode 3.15
¹⁹ Salomoni quoque filio meo da cor perfectum ut custodiat mandata tua testimonia tua caerimonias tuas et faciat universa et aedificet aedem cuius inpensas paravi
Psaumes 72.1 1 Chroniques 22.14 1 Chroniques 28.9 1 Chroniques 29.1-29.2 Psaumes 119.80

Accession de Salomon au trône

²⁰ praecepit autem David universae ecclesiae benedicite Domino Deo nostro et benedixit omnis ecclesia Domino Deo patrum suorum et inclinaverunt se et adoraverunt Deum et deinde regem
Exode 4.31 Proverbes 24.21 Psaumes 134.2 Psaumes 135.19-135.21 Psaumes 29.1-29.2
²¹ immolaveruntque victimas Domino et obtulerunt holocausta die sequenti tauros mille arietes mille agnos mille cum libaminibus suis et universo ritu abundantissime in omnem Israhel
2 Chroniques 7.4-7.9 Nombres 15.7 Esdras 6.17 Nombres 15.10 Lévitique 23.13
²² et comederunt et biberunt coram Domino in die illo cum grandi laetitia et unxerunt secundo Salomonem filium David unxerunt autem Domino in principem et Sadoc in pontificem
1 Chroniques 23.1 1 Rois 1.34-1.39 1 Rois 2.35 Exode 24.11 1 Timothée 6.17-6.18
²³ seditque Salomon super solium Domini in regem pro David patre suo et cunctis placuit et paruit illi omnis Israhel
1 Chroniques 28.5 1 Rois 2.12 Esaïe 9.6-9.7 Romains 13.1 Ecclésiaste 8.2-8.5
²⁴ sed et universi principes et potentes et cuncti filii regis David dederunt manum et subiecti fuerunt Salomoni regi
Ezéchiel 17.18 Genèse 47.29 2 Chroniques 30.8 1 Rois 2.24-2.25 1 Chroniques 28.21
²⁵ magnificavit ergo Dominus Salomonem super omnem Israhel et dedit illi gloriam regni qualem nullus habuit ante eum rex Israhel
2 Chroniques 1.1 2 Chroniques 1.12 1 Rois 3.13 Ecclésiaste 2.9 Josué 3.7
²⁶ igitur David filius Isai regnavit super universum Israhel
1 Chroniques 18.14 Psaumes 78.71-78.72
²⁷ et dies quibus regnavit super Israhel fuerunt quadraginta anni in Hebron regnavit septem annis et in Hierusalem triginta tribus
2 Samuel 5.4-5.5 1 Rois 2.11 1 Chroniques 3.4
²⁸ et mortuus est in senectute bona plenus dierum et divitiis et gloria regnavitque Salomon filius eius pro eo
Genèse 15.15 1 Chroniques 23.1 Actes 13.36 Job 5.26 Genèse 25.8
²⁹ gesta autem David regis priora et novissima scripta sunt in libro Samuhel videntis et in libro Nathan prophetae atque in volumine Gad videntis
1 Samuel 9.9 2 Samuel 7.2-7.4 1 Chroniques 21.9-21.11 2 Samuel 12.1-12.7 1 Samuel 22.5
³⁰ universique regni eius et fortitudinis et temporum quae transierunt sub eo sive in Israhel sive in cunctis regnis terrarum
Daniel 4.25 Daniel 4.23 2 Rois 14.28 Daniel 2.21 2 Rois 10.34