2 Chroniques 9.1
Vulgate

Visite de la reine de Séba

¹ regina quoque Saba cum audisset famam Salomonis venit ut temptaret eum enigmatibus in Hierusalem cum magnis opibus et camelis qui portabant aromata et auri plurimum gemmasque pretiosas cumque venisset ad Salomonem locuta est ei quaecumque erant in corde suo
Matthieu 12.42 Luc 11.31 1 Rois 10.1-10.13 2 Chroniques 9.9 Genèse 10.7
² et exposuit ei Salomon omnia quae proposuerat nec quicquam fuit quod ei non perspicuum fecerit
Jean 15.15 Marc 4.11 1 Rois 4.29 Hébreux 4.12 Proverbes 18.4
³ quod postquam vidit sapientiam scilicet Salomonis et domum quam aedificaverat
2 Chroniques 3.1-3.4 1 Rois 6.1-6.7 1 Rois 10.3 Actes 11.23
⁴ necnon cibaria mensae eius et habitacula servorum et officia ministrorum eius et vestimenta eorum pincernas quoque et vestes eorum et victimas quas immolabat in domo Domini non erat prae stupore ultra in ea spiritus
Néhémie 1.11 1 Chroniques 9.18 Apocalypse 3.20 Apocalypse 1.17 Jean 6.53-6.57
⁵ dixitque ad regem verus sermo quem audieram in terra mea de virtutibus et sapientia tua
1 Rois 10.6
⁶ non credebam narrantibus donec ipsa venissem et vidissent oculi mei et probassem vix medietatem mihi sapientiae tuae fuisse narratam vicisti famam virtutibus tuis
1 Jean 3.2 1 Rois 10.7 1 Rois 4.34 1 Rois 4.31 Jean 20.25-20.29
⁷ beati viri tui et beati servi tui hii qui adsistunt coram te in omni tempore et audiunt sapientiam tuam
1 Rois 10.8 Psaumes 84.10-84.12 Proverbes 3.14 Luc 10.39-10.42 Deutéronome 33.9
⁸ sit Dominus Deus tuus benedictus qui voluit te ordinare super thronum suum regem Domini Dei tui quia diligit Deus Israhel et vult servare eum in aeternum idcirco posuit te super eum regem ut facias iudicia atque iustitiam
2 Chroniques 2.11 Deutéronome 7.8 1 Chroniques 29.23 Psaumes 99.4 1 Chroniques 17.22
⁹ dedit autem regi centum viginti talenta auri et aromata multa nimis et gemmas pretiosissimas non fuerunt aromata talia ut haec quae dedit regina Saba regi Salomoni
2 Chroniques 9.1 Genèse 43.11 1 Rois 9.14 Psaumes 72.15 2 Chroniques 9.24
¹⁰ sed et servi Hiram cum servis Salomonis adtulerunt aurum de Ophir et ligna thyina et gemmas pretiosissimas
2 Chroniques 8.18 1 Rois 10.11 1 Rois 9.27-9.28 1 Rois 10.22
¹¹ de quibus fecit rex de lignis scilicet thyinis gradus in domo Domini et in domo regia citharas quoque et psalteria cantoribus numquam visa sunt in terra Iuda ligna talia
1 Rois 10.12 Apocalypse 5.8 1 Chroniques 25.1 1 Chroniques 23.5 Psaumes 92.1-92.3
¹² rex autem Salomon dedit reginae Saba cuncta quae voluit et quae postulavit multo plura quam adtulerat ad eum quae reversa abiit in terram suam cum servis suis
1 Rois 10.13 Ephésiens 3.20 Psaumes 20.4

Richesses de Salomon

¹³ erat autem pondus auri quod adferebatur Salomoni per annos singulos sescenta sexaginta sex talenta auri
Psaumes 72.15 Psaumes 72.10 1 Rois 10.14-10.28 Psaumes 68.29
¹⁴ excepta ea summa quam legati diversarum gentium et negotiatores adferre consueverant omnesque reges Arabiae et satrapae terrarum qui conportabant aurum et argentum Salomoni
Psaumes 68.29 Psaumes 72.10
¹⁵ fecit igitur rex Salomon ducentas hastas aureas de summa sescentorum aureorum qui in hastis singulis expendebantur
1 Rois 10.16-10.17 2 Chroniques 12.9-12.10
¹⁶ trecenta quoque scuta aurea trecentorum aureorum quibus tegebantur scuta singula posuitque ea rex in armamentario quod erat consitum nemore
1 Rois 7.2
¹⁷ fecit quoque rex solium eburneum grande et vestivit illud auro mundissimo
Psaumes 45.8 Apocalypse 20.11 1 Rois 10.18-10.20
¹⁸ sexque gradus quibus ascendebatur ad solium et scabillum aureum et brachiola duo altrinsecus et duos leones stantes iuxta brachiola
Apocalypse 5.5 Nombres 24.9 Nombres 23.24 Genèse 49.9-49.10
¹⁹ sed et alios duodecim leunculos stantes super sex gradus ex utraque parte non fuit tale solium in universis regnis
Apocalypse 21.12 Matthieu 19.28
²⁰ omnia quoque vasa convivii regis erant aurea et vasa domus saltus Libani ex auro purissimo argentum enim in diebus illis pro nihilo reputabatur
1 Rois 10.21 Jérémie 31.5 Daniel 5.2-5.3 Esther 1.7 2 Chroniques 9.27
²¹ siquidem naves regis ibant in Tharsis cum servis Hiram semel in annis tribus et deferebant inde aurum et argentum et ebur et simias et pavos
1 Rois 22.48 2 Chroniques 20.36-20.37 1 Rois 10.22 Job 39.13
²² magnificatus est igitur Salomon super omnes reges terrae divitiis et gloria
2 Chroniques 1.12 1 Rois 4.30-4.31 1 Rois 3.12-3.13 Colossiens 2.2-2.3 Matthieu 12.42
²³ omnesque reges terrarum desiderabant faciem videre Salomonis ut audirent sapientiam quam dederat Deus in corde eius
1 Rois 4.34 2 Chroniques 1.10-1.12 Daniel 2.21-2.23 Daniel 1.17 Jacques 1.5
²⁴ et deferebant ei munera vasa argentea et aurea et vestes et arma et aromata equos et mulos per singulos annos
Job 42.11 2 Chroniques 9.9 1 Samuel 10.27 1 Rois 9.14 1 Rois 10.25
²⁵ habuit quoque Salomon quadraginta milia equorum in stabulis et curruum equitumque duodecim milia constituitque eos in urbibus quadrigarum et ubi erat rex in Hierusalem
1 Rois 4.26 2 Chroniques 1.14 1 Rois 10.26 Deutéronome 17.16
²⁶ exercuit etiam potestatem super cunctos reges a fluvio Eufraten usque ad terram Philisthinorum id est usque ad terminos Aegypti
1 Rois 4.21 Genèse 15.18 1 Rois 4.24 Exode 23.31 Psaumes 72.8-72.11
²⁷ tantamque copiam praebuit argenti in Hierusalem quasi lapidum et cedrorum tantam multitudinem velut sycaminorum quae gignuntur in campestribus
2 Chroniques 1.15-1.17 Job 22.24-22.25 Psaumes 78.47 Esaïe 9.10 1 Rois 10.27-10.29
²⁸ adducebantur autem ei equi de Aegypto cunctisque regionibus
2 Chroniques 1.16 2 Chroniques 9.25 Esaïe 2.7-2.8 Esaïe 31.1 1 Rois 10.28

Mort de Salomon

²⁹ reliqua vero operum Salomonis priorum et novissimorum scripta sunt in verbis Nathan prophetae et in libris Ahiae Silonitis in visione quoque Iaddo videntis contra Hieroboam filium Nabath
1 Chroniques 29.29 1 Rois 11.29 1 Rois 11.41-11.43 2 Chroniques 12.15 2 Samuel 12.1
³⁰ regnavit autem Salomon in Hierusalem super omnem Israhel quadraginta annis
1 Rois 11.42-11.43
³¹ dormivitque cum patribus suis et sepelierunt eum in civitate David regnavitque pro eo Roboam filius eius
1 Rois 2.10 2 Samuel 7.12 1 Rois 1.21