Exode 33.14
Vulgate

¹ locutusque est Dominus ad Mosen vade ascende de loco isto tu et populus tuus quem eduxisti de terra Aegypti in terram quam iuravi Abraham Isaac et Iacob dicens semini tuo dabo eamGenèse 12.7 Exode 32.13 Exode 32.7 Genèse 26.3 Genèse 22.16-22.18
² et mittam praecursorem tui angelum ut eiciam Chananeum et Amorreum et Hettheum et Ferezeum et Eveum et IebuseumJosué 24.11 Exode 32.34 Exode 23.20 Exode 23.27-23.31 Exode 34.11
³ et intres in terram fluentem lacte et melle non enim ascendam tecum quia populus durae cervicis est ne forte disperdam te in viaExode 32.9-32.10 Exode 3.8 Nombres 16.21 Exode 33.15-33.17 Nombres 16.45
⁴ audiens populus sermonem hunc pessimum luxit et nullus ex more indutus est cultu suoNombres 14.39 Ezéchiel 26.16 Ezéchiel 24.17 Ezéchiel 24.23 Nombres 14.1
⁵ dixitque Dominus ad Mosen loquere filiis Israhel populus durae cervicis es semel ascendam in medio tui et delebo te iam nunc depone ornatum tuum ut sciam quid faciam tibiExode 33.3-33.4 Deutéronome 8.2 Genèse 22.12 Psaumes 139.23 Nombres 16.21
⁶ deposuerunt ergo filii Israhel ornatum suum a monte HorebExode 33.4 Exode 32.3 Jérémie 2.19
⁷ Moses quoque tollens tabernaculum tetendit extra castra procul vocavitque nomen eius tabernaculum foederis et omnis populus qui habebat aliquam quaestionem egrediebatur ad tabernaculum foederis extra castraExode 29.42-29.43 2 Samuel 21.1 Deutéronome 4.29 Matthieu 7.7-7.8 Esaïe 55.6-55.7
⁸ cumque egrederetur Moses ad tabernaculum surgebat universa plebs et stabat unusquisque in ostio papilionis sui aspiciebantque tergum Mosi donec ingrederetur tentoriumNombres 16.27
⁹ ingresso autem illo tabernaculum foederis descendebat columna nubis et stabat ad ostium loquebaturque cum MosiPsaumes 99.7 Exode 31.18 Exode 13.21-13.22 Nombres 11.17 Ezéchiel 3.22
¹⁰ cernentibus universis quod columna nubis staret ad ostium tabernaculi stabantque ipsi et adorabant per fores tabernaculorum suorumLuc 18.13 Exode 4.31 1 Rois 8.22 1 Rois 8.14
¹¹ loquebatur autem Dominus ad Mosen facie ad faciem sicut loqui solet homo ad amicum suum cumque ille reverteretur in castra minister eius Iosue filius Nun puer non recedebat de tabernaculoNombres 12.8 Deutéronome 34.10 Genèse 32.30 Exode 24.13 Exode 17.9
¹² dixit autem Moses ad Dominum praecipis ut educam populum istum et non indicas mihi quem missurus es mecum praesertim cum dixeris novi te ex nomine et invenisti gratiam coram meExode 33.17 Exode 32.34 Jean 10.14-10.15 2 Timothée 2.19 Genèse 18.19
¹³ si ergo inveni gratiam in conspectu tuo ostende mihi viam tuam ut sciam te et inveniam gratiam ante oculos tuos respice populum tuum gentem hancPsaumes 25.4 Psaumes 119.33 Psaumes 86.11 Deutéronome 9.29 Psaumes 27.11
¹⁴ dixitque Dominus facies mea praecedet te et requiem dabo tibiEsaïe 63.9 Josué 21.44 Josué 22.4 Josué 23.1 Deutéronome 3.20
¹⁵ et ait Moses si non tu ipse praecedes ne educas nos de loco istoExode 33.3 Exode 34.9 Psaumes 4.6
¹⁶ in quo enim scire poterimus ego et populus tuus invenisse nos gratiam in conspectu tuo nisi ambulaveris nobiscum ut glorificemur ab omnibus populis qui habitant super terramNombres 14.14 1 Rois 8.53 Exode 34.10 Exode 19.5-19.6 Deutéronome 4.7
¹⁷ dixit autem Dominus ad Mosen et verbum istud quod locutus es faciam invenisti enim gratiam coram me et te ipsum novi ex nomineExode 33.12 Genèse 19.21 Esaïe 65.24 Jacques 5.16 1 Jean 5.14-5.15
¹⁸ qui ait ostende mihi gloriam tuamExode 33.20 1 Timothée 6.16 Apocalypse 21.23 Jean 1.18 2 Corinthiens 3.18
¹⁹ respondit ego ostendam omne bonum tibi et vocabo in nomine Domini coram te et miserebor cui voluero et clemens ero in quem mihi placueritExode 34.5-34.7 Jérémie 31.14 Romains 9.15-9.18 Psaumes 25.13 Romains 9.23
²⁰ rursumque ait non poteris videre faciem meam non enim videbit me homo et vivetEsaïe 6.5 Genèse 32.30 Exode 24.10 1 Timothée 6.16 Jean 1.18
²¹ et iterum ecce inquit est locus apud me stabis super petramDeutéronome 5.31 Esaïe 56.5 Luc 15.1 Zacharie 3.7 Josué 20.4
²² cumque transibit gloria mea ponam te in foramine petrae et protegam dextera mea donec transeamPsaumes 91.4 Psaumes 91.1 Esaïe 2.21 1 Corinthiens 10.4 Esaïe 32.2
²³ tollamque manum meam et videbis posteriora mea faciem autem meam videre non poterisJean 1.18 Exode 33.20 1 Timothée 6.16 1 Corinthiens 13.12 Job 11.7