Josué 3
Vulgate

Passage du Jourdain à pied sec

1 igitur Iosue de nocte consurgens movit castra egredientesque de Setthim venerunt ad Iordanem ipse et omnes filii Israhel et morati sunt ibi per tres dies
Josué 2.1 Marc 1.35 Jérémie 7.13 Jérémie 26.5 Michée 6.5
2 quibus evolutis transierunt praecones per castrorum medium
Josué 1.10-1.11
3 et clamare coeperunt quando videritis arcam foederis Domini Dei vestri et sacerdotes stirpis leviticae portantes eam vos quoque consurgite et sequimini praecedentes
Deutéronome 31.9 Deutéronome 31.25 Josué 3.8 Nombres 10.33 Matthieu 16.24
4 sitque inter vos et arcam spatium cubitorum duum milium ut procul videre possitis et nosse per quam viam ingrediamini quia prius non ambulastis per eam et cavete ne adpropinquetis ad arcam
Exode 19.12 Hébreux 12.28-12.29 Genèse 31.2 1 Chroniques 11.2 Exode 3.5
5 dixitque Iosue ad populum sanctificamini cras enim faciet Dominus inter vos mirabilia
Josué 7.13 Lévitique 20.7 1 Samuel 16.5 Psaumes 86.10 Joël 2.16
6 et ait ad sacerdotes tollite arcam foederis et praecedite populum qui iussa conplentes tulerunt et ambulaverunt ante eos
Jean 14.2-14.3 Nombres 14.15 Josué 3.3 Michée 2.13 Hébreux 6.20
7 dixitque Dominus ad Iosue hodie incipiam exaltare te coram omni Israhel ut sciant quod sicut cum Mosi fui ita et tecum sim
Josué 4.14 1 Chroniques 29.25 Josué 1.5 2 Chroniques 1.1 Jean 17.1
8 tu autem praecipe sacerdotibus qui portant arcam foederis et dic eis cum ingressi fueritis partem aquae Iordanis state in ea
Josué 3.3 Josué 3.17 Néhémie 13.22 2 Chroniques 29.27 2 Chroniques 17.8-17.9
9 dixitque Iosue ad filios Israhel accedite huc et audite verba Domini Dei vestri
Deutéronome 12.8 Deutéronome 4.1
10 et rursum in hoc inquit scietis quod Dominus Deus vivens in medio vestri est et disperdat in conspectu vestro Chananeum Hettheum Eveum et Ferezeum Gergeseum quoque et Amorreum et Iebuseum
Deutéronome 7.1 Exode 33.2 Deutéronome 5.26 1 Thessaloniciens 1.9 1 Samuel 17.26
11 ecce arca foederis Domini omnis terrae antecedet vos per Iordanem
Zacharie 6.5 Josué 3.13 Psaumes 24.1 Zacharie 4.14 Michée 4.13
12 parate duodecim viros de tribubus Israhel singulos per singulas tribus
Josué 4.2 Josué 4.9 Josué 4.4
13 et cum posuerint vestigia pedum suorum sacerdotes qui portant arcam Domini Dei universae terrae in aquis Iordanis aquae quae inferiores sunt decurrent atque deficient quae autem desuper veniunt in una mole consistent
Exode 15.8 Psaumes 78.13 Josué 3.15-3.16 Psaumes 33.7 Josué 3.11
14 igitur egressus est populus de tabernaculis suis ut transirent Iordanem et sacerdotes qui portabant arcam foederis pergebant ante eum
Actes 7.44-7.45 Josué 3.6 Josué 3.3 Jérémie 3.16 Deutéronome 31.26
15 ingressisque eis Iordanem et pedibus eorum tinctis in parte aquae cum Iordanis autem ripas alvei sui tempore messis impleret
1 Chroniques 12.15 Jérémie 49.19 Josué 4.18 Jérémie 12.5 Josué 3.13
16 steterunt aquae descendentes in uno loco et instar montis intumescentes apparebant procul ab urbe quae vocatur Adom usque ad locum Sarthan quae autem inferiores erant in mare Solitudinis quod nunc vocatur Mortuum descenderunt usquequo omnino deficerent
1 Rois 4.12 Josué 3.13 Genèse 14.3 1 Rois 7.46 Psaumes 114.3
17 populus autem incedebat contra Iordanem et sacerdotes qui portabant arcam foederis Domini stabant super siccam humum in medio Iordanis accincti omnisque populus per arentem alveum transiebat
Exode 14.29 Exode 14.22 Psaumes 66.6 Josué 4.3 Hébreux 11.29