Psaumes 80.16
Biblia Hebraica Stuttgartensia

Plaidoyer pour la restauration d’Israël

¹ לַמְנַצֵּ֥חַ אֶל־שֹׁשַׁנִּ֑ים עֵד֖וּת לְאָסָ֣ף מִזְמֹֽור׃
1 Samuel 4.4 2 Samuel 6.2 Psaumes 99.1 Psaumes 77.20 Psaumes 50.2
² (80.1) רֹ֘עֵ֤ה יִשְׂרָאֵ֨ל׀ הַאֲזִ֗ינָה נֹהֵ֣ג כַּצֹּ֣אן יֹוסֵ֑ף יֹשֵׁ֖ב הַכְּרוּבִ֣ים הֹופִֽיעָה׃
Nombres 2.18-2.24 Psaumes 35.23 Psaumes 44.23-44.26 Esaïe 25.9 Psaumes 78.38
³ (80.2) לִפְנֵ֤י אֶפְרַ֨יִם׀ וּבִנְיָ֘מִ֤ן וּמְנַשֶּׁ֗ה עֹורְרָ֥ה אֶת־גְּבֽוּרָתֶ֑ךָ וּלְכָ֖ה לִישֻׁעָ֣תָה לָּֽנוּ׃
Lamentations 5.21 Psaumes 85.4 Psaumes 4.6 Psaumes 80.19 Psaumes 80.7
⁴ (80.3) אֱלֹהִ֥ים הֲשִׁיבֵ֑נוּ וְהָאֵ֥ר פָּ֝נֶ֗יךָ וְנִוָּשֵֽׁעָה׃
Psaumes 85.5 Luc 18.1-18.8 Esaïe 58.6-58.9 Psaumes 79.5 Matthieu 15.22-15.28
⁵ (80.4) יְהוָ֣ה אֱלֹהִ֣ים צְבָאֹ֑ות עַד־מָתַ֥י עָ֝שַׁ֗נְתָּ בִּתְפִלַּ֥ת עַמֶּֽךָ׃
Psaumes 42.3 Esaïe 30.20 Psaumes 102.9 Ezéchiel 4.16-4.17 Job 6.7
⁶ (80.5) הֶ֭אֱכַלְתָּם לֶ֣חֶם דִּמְעָ֑ה וַ֝תַּשְׁקֵ֗מֹו בִּדְמָעֹ֥ות שָׁלִֽישׁ׃
Psaumes 79.4 Ezéchiel 36.4 Apocalypse 11.10 Esaïe 37.23 Juges 16.25
⁷ (80.6) תְּשִׂימֵ֣נוּ מָ֭דֹון לִשְׁכֵנֵ֑ינוּ וְ֝אֹיְבֵ֗ינוּ יִלְעֲגוּ־לָֽמֹו׃
Psaumes 80.3 Psaumes 51.10 Jérémie 4.14 Marc 4.12 2 Timothée 2.25-2.26
⁸ (80.7) אֱלֹהִ֣ים צְבָאֹ֣ות הֲשִׁיבֵ֑נוּ וְהָאֵ֥ר פָּ֝נֶ֗יךָ וְנִוָּשֵֽׁעָה׃
Jérémie 2.21 Psaumes 44.2 Ezéchiel 17.6 Ezéchiel 19.10 Jean 15.1-15.8
⁹ (80.8) גֶּ֭פֶן מִמִּצְרַ֣יִם תַּסִּ֑יעַ תְּגָרֵ֥שׁ גֹּ֝ויִ֗ם וַתִּטָּעֶֽהָ׃
Josué 24.12 Esaïe 27.6 Psaumes 105.44 Esaïe 37.31 1 Rois 4.25
¹⁰ (80.9) פִּנִּ֥יתָ לְפָנֶ֑יהָ וַתַּשְׁרֵ֥שׁ שָׁ֝רָשֶׁ֗יהָ וַתְּמַלֵּא־אָֽרֶץ׃
Psaumes 104.16
¹¹ (80.10) כָּסּ֣וּ הָרִ֣ים צִלָּ֑הּ וַ֝עֲנָפֶ֗יהָ אַֽרְזֵי־אֵֽל׃
Psaumes 72.8 Genèse 15.18 Exode 23.31 1 Rois 4.21 1 Chroniques 18.3
¹² (80.11) תְּשַׁלַּ֣ח קְצִירֶ֣הָ עַד־יָ֑ם וְאֶל־נָ֝הָ֗ר יֹֽונְקֹותֶֽיהָ׃
Esaïe 5.5 Psaumes 89.40-89.41 Luc 20.16 Nahum 2.2 Esaïe 18.5-18.6
¹³ (80.12) לָ֭מָּה פָּרַ֣צְתָּ גְדֵרֶ֑יהָ וְ֝אָר֗וּהָ כָּל־עֹ֥בְרֵי דָֽרֶךְ׃
Jérémie 5.6 Jérémie 4.7 Jérémie 39.1-39.3 Jérémie 52.7 2 Chroniques 32.1-32.33
¹⁴ (80.13) יְכַרְסְמֶ֣נָּֽה חֲזִ֣יר מִיָּ֑עַר וְזִ֖יז שָׂדַ֣י יִרְעֶֽנָּה׃
Esaïe 63.15 Psaumes 90.13 Joël 2.14 Esaïe 63.17 Daniel 9.16-9.19
¹⁵ (80.14) אֱלֹהִ֣ים צְבָאֹות֮ שֽׁ֫וּב־נָ֥א הַבֵּ֣ט מִשָּׁמַ֣יִם וּרְאֵ֑ה וּ֝פְקֹ֗ד גֶּ֣פֶן זֹֽאת׃
Psaumes 80.8 Psaumes 89.21 Jérémie 23.5-23.6 Esaïe 11.1 Zacharie 3.8
¹⁶ (80.15) וְ֭כַנָּה אֲשֶׁר־נָטְעָ֣ה יְמִינֶ֑ךָ וְעַל־בֵּ֝֗ן אִמַּ֥צְתָּה לָּֽךְ׃
Psaumes 39.11 Ezéchiel 20.47-20.48 Psaumes 90.7 Esaïe 27.11 Psaumes 79.5
¹⁷ (80.16) שְׂרֻפָ֣ה בָאֵ֣שׁ כְּסוּחָ֑ה מִגַּעֲרַ֖ת פָּנֶ֣יךָ יֹאבֵֽדוּ׃
Psaumes 89.21 Psaumes 80.15 Jean 5.21-5.29 Psaumes 110.1 Daniel 7.13-7.14
¹⁸ (80.17) תְּֽהִי־יָ֭דְךָ עַל־אִ֣ישׁ יְמִינֶ֑ךָ עַל־בֶּן־אָ֝דָ֗ם אִמַּ֥צְתָּ לָּֽךְ׃
Philippiens 2.12-2.13 Psaumes 119.37 Psaumes 119.154 Jean 6.66-6.69 Hébreux 10.38-10.39
¹⁹ (80.18) וְלֹא־נָסֹ֥וג מִמֶּ֑ךָּ תְּ֝חַיֵּ֗נוּ וּבְשִׁמְךָ֥ נִקְרָֽא׃
Psaumes 80.3 Psaumes 80.1 Jérémie 3.22-3.23 Psaumes 31.16 Psaumes 27.9
²⁰ (80.19) יְה֘וָ֤ה אֱלֹהִ֣ים צְבָאֹ֣ות הֲשִׁיבֵ֑נוּ הָאֵ֥ר פָּ֝נֶ֗יךָ וְנִוָּשֵֽׁעָה׃