Psaumes 80
Biblia Hebraica Stuttgartensia

Plaidoyer pour la restauration d’Israël

1 לַמְנַצֵּ֥חַ אֶל־שֹׁשַׁנִּ֑ים עֵד֖וּת לְאָסָ֣ף מִזְמֹֽור׃
Psaumes 77.20 Psaumes 50.2 1 Samuel 4.4 2 Samuel 6.2 Psaumes 99.1
2 (80.1) רֹ֘עֵ֤ה יִשְׂרָאֵ֨ל׀ הַאֲזִ֗ינָה נֹהֵ֣ג כַּצֹּ֣אן יֹוסֵ֑ף יֹשֵׁ֖ב הַכְּרוּבִ֣ים הֹופִֽיעָה׃
Nombres 2.18-2.24 Psaumes 35.23 Esaïe 33.22 Esaïe 42.13-42.14 Nombres 10.22-10.24
3 (80.2) לִפְנֵ֤י אֶפְרַ֨יִם׀ וּבִנְיָ֘מִ֤ן וּמְנַשֶּׁ֗ה עֹורְרָ֥ה אֶת־גְּבֽוּרָתֶ֑ךָ וּלְכָ֖ה לִישֻׁעָ֣תָה לָּֽנוּ׃
Psaumes 85.4 Lamentations 5.21 Psaumes 4.6 Psaumes 80.19 Psaumes 80.7
4 (80.3) אֱלֹהִ֥ים הֲשִׁיבֵ֑נוּ וְהָאֵ֥ר פָּ֝נֶ֗יךָ וְנִוָּשֵֽׁעָה׃
Psaumes 85.5 Esaïe 58.2-58.3 Lamentations 3.44 Psaumes 74.1 Luc 18.1-18.8
5 (80.4) יְהוָ֣ה אֱלֹהִ֣ים צְבָאֹ֑ות עַד־מָתַ֥י עָ֝שַׁ֗נְתָּ בִּתְפִלַּ֥ת עַמֶּֽךָ׃
Psaumes 42.3 Esaïe 30.20 Psaumes 102.9 Job 6.7 Ezéchiel 4.16-4.17
6 (80.5) הֶ֭אֱכַלְתָּם לֶ֣חֶם דִּמְעָ֑ה וַ֝תַּשְׁקֵ֗מֹו בִּדְמָעֹ֥ות שָׁלִֽישׁ׃
Psaumes 79.4 Esaïe 36.8 Jérémie 48.27 Psaumes 44.13-44.14 Ezéchiel 36.4
7 (80.6) תְּשִׂימֵ֣נוּ מָ֭דֹון לִשְׁכֵנֵ֑ינוּ וְ֝אֹיְבֵ֗ינוּ יִלְעֲגוּ־לָֽמֹו׃
Psaumes 80.19 Esaïe 64.5 Esaïe 30.15 Psaumes 80.3 Psaumes 51.10
8 (80.7) אֱלֹהִ֣ים צְבָאֹ֣ות הֲשִׁיבֵ֑נוּ וְהָאֵ֥ר פָּ֝נֶ֗יךָ וְנִוָּשֵֽׁעָה׃
Jérémie 2.21 Psaumes 44.2 Ezéchiel 17.6 Ezéchiel 19.10 Jean 15.1-15.8
9 (80.8) גֶּ֭פֶן מִמִּצְרַ֣יִם תַּסִּ֑יעַ תְּגָרֵ֥שׁ גֹּ֝ויִ֗ם וַתִּטָּעֶֽהָ׃
Josué 24.12 Exode 23.28-23.30 Néhémie 9.22-9.25 1 Rois 4.20 Esaïe 27.6
10 (80.9) פִּנִּ֥יתָ לְפָנֶ֑יהָ וַתַּשְׁרֵ֥שׁ שָׁ֝רָשֶׁ֗יהָ וַתְּמַלֵּא־אָֽרֶץ׃
Psaumes 104.16
11 (80.10) כָּסּ֣וּ הָרִ֣ים צִלָּ֑הּ וַ֝עֲנָפֶ֗יהָ אַֽרְזֵי־אֵֽל׃
Psaumes 72.8 1 Rois 4.21 1 Chroniques 18.3 1 Rois 4.24 Genèse 15.18
12 (80.11) תְּשַׁלַּ֣ח קְצִירֶ֣הָ עַד־יָ֑ם וְאֶל־נָ֝הָ֗ר יֹֽונְקֹותֶֽיהָ׃
Esaïe 5.5 Luc 20.16 Nahum 2.2 Esaïe 18.5-18.6 Psaumes 89.40-89.41
13 (80.12) לָ֭מָּה פָּרַ֣צְתָּ גְדֵרֶ֑יהָ וְ֝אָר֗וּהָ כָּל־עֹ֥בְרֵי דָֽרֶךְ׃
Jérémie 5.6 2 Chroniques 36.1-36.23 2 Rois 18.1-18.19 Jérémie 4.7 Jérémie 39.1-39.3
14 (80.13) יְכַרְסְמֶ֣נָּֽה חֲזִ֣יר מִיָּ֑עַר וְזִ֖יז שָׂדַ֣י יִרְעֶֽנָּה׃
Esaïe 63.15 Psaumes 90.13 Malachie 3.7 Psaumes 33.13 Joël 2.14
15 (80.14) אֱלֹהִ֣ים צְבָאֹות֮ שֽׁ֫וּב־נָ֥א הַבֵּ֣ט מִשָּׁמַ֣יִם וּרְאֵ֑ה וּ֝פְקֹ֗ד גֶּ֣פֶן זֹֽאת׃
Psaumes 80.8 Ezéchiel 17.22-17.24 Marc 12.1 Zacharie 6.12 Psaumes 89.21
16 (80.15) וְ֭כַנָּה אֲשֶׁר־נָטְעָ֣ה יְמִינֶ֑ךָ וְעַל־בֵּ֝֗ן אִמַּ֥צְתָּה לָּֽךְ׃
Psaumes 39.11 Psaumes 76.6-76.7 Jean 15.6 2 Thessaloniciens 1.9 Ezéchiel 20.47-20.48
17 (80.16) שְׂרֻפָ֣ה בָאֵ֣שׁ כְּסוּחָ֑ה מִגַּעֲרַ֖ת פָּנֶ֣יךָ יֹאבֵֽדוּ׃
Psaumes 89.21 Psaumes 80.15 Daniel 7.13-7.14 Esaïe 53.5 Jean 5.21-5.29
18 (80.17) תְּֽהִי־יָ֭דְךָ עַל־אִ֣ישׁ יְמִינֶ֑ךָ עַל־בֶּן־אָ֝דָ֗ם אִמַּ֥צְתָּ לָּֽךְ׃
Ephésiens 2.1-2.5 Psaumes 119.107 Cantique 1.4 Philippiens 2.12-2.13 Psaumes 119.37
19 (80.18) וְלֹא־נָסֹ֥וג מִמֶּ֑ךָּ תְּ֝חַיֵּ֗נוּ וּבְשִׁמְךָ֥ נִקְרָֽא׃
Psaumes 80.3 Psaumes 80.7 Psaumes 27.4 Psaumes 44.3 Psaumes 80.1
20 (80.19) יְה֘וָ֤ה אֱלֹהִ֣ים צְבָאֹ֣ות הֲשִׁיבֵ֑נוּ הָאֵ֥ר פָּ֝נֶ֗יךָ וְנִוָּשֵֽׁעָה׃