Esaïe 60.2
Septante

Gloire future de Jérusalem

¹ φωτίζου φωτίζου Ιερουσαλημ ἥκει γάρ σου τὸ φῶς καὶ ἡ δόξα κυρίου ἐπὶ σὲ ἀνατέταλκεν.
Ephésiens 5.14 Ephésiens 5.8 Esaïe 52.1-52.2 Malachie 4.2 Esaïe 58.8
² ἰδοὺ σκότος καὶ γνόφος καλύψει γῆν ἐπ’ ἔθνη ἐπὶ δὲ σὲ φανήσεται κύριος καὶ ἡ δόξα αὐτοῦ ἐπὶ σὲ ὀφθήσεται.
1 Pierre 2.9 Matthieu 23.19 Ephésiens 4.17-4.20 Aggée 2.7-2.9 Actes 26.18
³ καὶ πορεύσονται βασιλεῖς τῷ φωτί σου καὶ ἔθνη τῇ λαμπρότητί σου.
Esaïe 49.23 Apocalypse 21.24 Esaïe 45.14 Esaïe 54.1-54.3 Esaïe 60.16
⁴ ἆρον κύκλῳ τοὺς ὀφθαλμούς σου καὶ ἰδὲ συνηγμένα τὰ τέκνα σου ἰδοὺ ἥκασιν πάντες οἱ υἱοί σου μακρόθεν καὶ αἱ θυγατέρες σου ἐπ’ ὤμων ἀρθήσονται.
Esaïe 49.18 Esaïe 49.20-49.22 Galates 3.28-3.29 Jean 4.35 Matthieu 8.11
⁵ τότε ὄψῃ καὶ φοβηθήσῃ καὶ ἐκστήσῃ τῇ καρδίᾳ ὅτι μεταβαλεῖ εἰς σὲ πλοῦτος θαλάσσης καὶ ἐθνῶν καὶ λαῶν καὶ ἥξουσίν σοι.
Esaïe 61.6 Esaïe 23.18 Psaumes 34.5 Jérémie 33.9 Esaïe 60.11
⁶ ἀγέλαι καμήλων καὶ καλύψουσίν σε κάμηλοι Μαδιαμ καὶ Γαιφα πάντες ἐκ Σαβα ἥξουσιν φέροντες χρυσίον καὶ λίβανον οἴσουσιν καὶ τὸ σωτήριον κυρίου εὐαγγελιοῦνται.
Matthieu 2.11 Psaumes 72.10 Genèse 25.3-25.4 Juges 6.5 1 Pierre 2.9
⁷ καὶ πάντα τὰ πρόβατα Κηδαρ συναχθήσονταί σοι καὶ κριοὶ Ναβαιωθ ἥξουσίν σοι καὶ ἀνενεχθήσεται δεκτὰ ἐπὶ τὸ θυσιαστήριόν μου καὶ ὁ οἶκος τῆς προσευχῆς μου δοξασθήσεται.
Esaïe 56.7 Genèse 25.13 Esaïe 42.11 Romains 15.16 Aggée 2.7-2.9
⁸ τίνες οἵδε ὡς νεφέλαι πέτανται καὶ ὡς περιστεραὶ σὺν νεοσσοῖς.
Luc 13.29 Genèse 8.8-8.11 Esaïe 60.4 Apocalypse 7.9 Esaïe 45.22
⁹ ἐμὲ νῆσοι ὑπέμειναν καὶ πλοῖα Θαρσις ἐν πρώτοις ἀγαγεῖν τὰ τέκνα σου μακρόθεν καὶ τὸν ἄργυρον καὶ τὸν χρυσὸν μετ’ αὐτῶν διὰ τὸ ὄνομα κυρίου τὸ ἅγιον καὶ διὰ τὸ τὸν ἅγιον τοῦ Ισραηλ ἔνδοξον εἶναι.
Esaïe 55.5 Esaïe 11.11 Esaïe 2.16 Esaïe 51.5 Galates 4.26
¹⁰ καὶ οἰκοδομήσουσιν ἀλλογενεῖς τὰ τείχη σου καὶ οἱ βασιλεῖς αὐτῶν παραστήσονταί σοι διὰ γὰρ ὀργήν μου ἐπάταξά σε καὶ διὰ ἔλεον ἠγάπησά σε.
Esaïe 49.23 Zacharie 6.15 Apocalypse 21.24 Esaïe 61.5 Esaïe 14.1-14.2
¹¹ καὶ ἀνοιχθήσονται αἱ πύλαι σου διὰ παντός ἡμέρας καὶ νυκτὸς οὐ κλεισθήσονται εἰσαγαγεῖν πρὸς σὲ δύναμιν ἐθνῶν καὶ βασιλεῖς ἀγομένους.
Esaïe 60.5 Apocalypse 21.25-21.26 Esaïe 60.18 Esaïe 62.10 Néhémie 13.19
¹² τὰ γὰρ ἔθνη καὶ οἱ βασιλεῖς οἵτινες οὐ δουλεύσουσίν σοι ἀπολοῦνται καὶ τὰ ἔθνη ἐρημίᾳ ἐρημωθήσονται.
Zacharie 14.12-14.19 Apocalypse 2.26-2.27 Luc 19.27 Daniel 2.44-2.45 Esaïe 14.2
¹³ καὶ ἡ δόξα τοῦ Λιβάνου πρὸς σὲ ἥξει ἐν κυπαρίσσῳ καὶ πεύκῃ καὶ κέδρῳ ἅμα δοξάσαι τὸν τόπον τὸν ἅγιόν μου.
Esaïe 35.2 1 Chroniques 28.2 Psaumes 132.7 Psaumes 96.6 Esdras 7.27
¹⁴ καὶ πορεύσονται πρὸς σὲ δεδοικότες υἱοὶ ταπεινωσάντων σε καὶ παροξυνάντων σε καὶ κληθήσῃ πόλις κυρίου Σιων ἁγίου Ισραηλ.
Esaïe 49.23 Apocalypse 3.9 Hébreux 12.22 Esaïe 14.1-14.2 Esaïe 45.14
¹⁵ διὰ τὸ γεγενῆσθαί σε ἐγκαταλελειμμένην καὶ μεμισημένην καὶ οὐκ ἦν ὁ βοηθῶν καὶ θήσω σε ἀγαλλίαμα αἰώνιον εὐφροσύνην γενεῶν γενεαῖς.
Esaïe 61.7 Jérémie 30.17 Esaïe 65.18 Esaïe 1.7-1.9 Esaïe 49.14-49.23
¹⁶ καὶ θηλάσεις γάλα ἐθνῶν καὶ πλοῦτον βασιλέων φάγεσαι καὶ γνώσῃ ὅτι ἐγὼ κύριος ὁ σῴζων σε καὶ ἐξαιρούμενός σε θεὸς Ισραηλ.
Esaïe 66.11-66.12 Esaïe 49.23 Ezéchiel 34.30 Esaïe 66.14 Esaïe 59.20
¹⁷ καὶ ἀντὶ χαλκοῦ οἴσω σοι χρυσίον ἀντὶ δὲ σιδήρου οἴσω σοι ἀργύριον ἀντὶ δὲ ξύλων οἴσω σοι χαλκόν ἀντὶ δὲ λίθων σίδηρον καὶ δώσω τοὺς ἄρχοντάς σου ἐν εἰρήνῃ καὶ τοὺς ἐπισκόπους σου ἐν δικαιοσύνῃ.
2 Pierre 3.13 Esaïe 30.26 Hébreux 11.40 Esaïe 1.26 Zacharie 12.8
¹⁸ καὶ οὐκ ἀκουσθήσεται ἔτι ἀδικία ἐν τῇ γῇ σου οὐδὲ σύντριμμα οὐδὲ ταλαιπωρία ἐν τοῖς ὁρίοις σου ἀλλὰ κληθήσεται σωτήριον τὰ τείχη σου καὶ αἱ πύλαι σου γλύμμα.
Esaïe 26.1 Esaïe 11.9 Psaumes 72.3-72.7 Esaïe 2.4 Michée 4.3
¹⁹ καὶ οὐκ ἔσται σοι ὁ ἥλιος εἰς φῶς ἡμέρας οὐδὲ ἀνατολὴ σελήνης φωτιεῖ σοι τὴν νύκτα ἀλλ’ ἔσται σοι κύριος φῶς αἰώνιον καὶ ὁ θεὸς δόξα σου.
Apocalypse 22.5 Apocalypse 21.23 Zacharie 2.5 Psaumes 36.9 Psaumes 4.2
²⁰ οὐ γὰρ δύσεται ὁ ἥλιός σοι καὶ ἡ σελήνη σοι οὐκ ἐκλείψει ἔσται γὰρ κύριός σοι φῶς αἰώνιον καὶ ἀναπληρωθήσονται αἱ ἡμέραι τοῦ πένθους σου.
Apocalypse 21.4 Esaïe 35.10 Psaumes 84.11 Esaïe 30.19 Malachie 4.2
²¹ καὶ ὁ λαός σου πᾶς δίκαιος καὶ δι’ αἰῶνος κληρονομήσουσιν τὴν γῆν φυλάσσων τὸ φύτευμα ἔργα χειρῶν αὐτοῦ εἰς δόξαν.
Psaumes 37.22 Matthieu 15.13 Esaïe 61.3 Esaïe 29.23 Psaumes 37.11
²² ὁ ὀλιγοστὸς ἔσται εἰς χιλιάδας καὶ ὁ ἐλάχιστος εἰς ἔθνος μέγα ἐγὼ κύριος κατὰ καιρὸν συνάξω αὐτούς.
Habakuk 2.3 Esaïe 5.19 Matthieu 13.31-13.32 Actes 2.41 Apocalypse 7.9