2 Rois 13.8
Bible en Swahili de l’est

Règne de Joachaz sur Israël

¹ Katika mwaka wa ishirini na tatu wa Yoashi mwana wa Ahazia, mfalme wa Yuda, Yehoahazi mwana wa Yehu alianza kutawala juu ya Israeli katika Samaria; akatawala miaka kumi na saba.
2 Rois 10.35-10.36 2 Rois 11.21 2 Rois 8.26 2 Rois 11.4
² Akafanya yaliyo maovu machoni pa Bwana, akayafuata makosa ya Yeroboamu mwana wa Nebati, ambayo kwa hayo aliwakosesha Israeli; wala hakuyaacha.
1 Rois 12.26-12.33 1 Rois 14.16 Osée 5.11 2 Rois 13.11 2 Rois 10.29
³ Hasira ya Bwana ikawaka juu ya Israeli, akawatia mkononi mwa Hazaeli mfalme wa Shamu, na mkononi mwa Ben-hadadi mwana wa Hazaeli, siku zote.
Juges 2.14 1 Rois 19.17 2 Rois 13.24-13.25 2 Rois 12.17 2 Rois 8.12-8.13
⁴ Naye Yehoahazi akamsihi Bwana, Bwana akamsikiliza; kwa kuwa aliyaona mateso ya Israeli, jinsi mfalme wa Shamu alivyowatesa.
2 Rois 14.26 Exode 3.7 Psaumes 78.34 Exode 3.9 Nombres 21.7
⁵ (Bwana akawapa Israeli mwokozi, nao wakatoka mikononi mwa Washami; wana wa Israeli wakakaa hemani mwao kama zamani za kwanza.
2 Rois 14.27 2 Rois 14.25 2 Rois 13.25 Néhémie 9.27 Esaïe 19.20
⁶ Lakini hawakuyaacha makosa ya nyumba ya Yeroboamu, ambayo kwa hayo aliwakosesha Israeli, lakini wakaendelea katika hayo; nayo ile Ashera ikakaa vivyo katika Samaria).
1 Rois 16.33 2 Rois 13.2 Deutéronome 7.5 1 Rois 16.26 2 Rois 17.20-17.23
⁷ Kwa kuwa hakumwachia Yehoahazi watu ila wapandao farasi hamsini, na magari kumi, na askari elfu kumi waendao kwa miguu; kwa kuwa mfalme wa Shamu aliwaharibu, akawaponda mfano wa mavumbi yaliyokanyagwa.
Amos 1.3 2 Rois 10.32 Esaïe 36.8 Esaïe 41.2 1 Samuel 13.19-13.23
⁸ Basi mambo yote ya Yehoahazi yaliyosalia, na yote aliyoyafanya, na ushujaa wake, je! Hayakuandikwa katika kitabu-cha-tarehe cha wafalme wa Israeli?
1 Rois 14.19-14.20 1 Rois 14.29 1 Rois 11.4 1 Rois 14.31 2 Rois 10.34-10.35
⁹ Yehoahazi akalala na babaze; wakamzika katika Samaria. Na Yehoashi mwanawe akatawala mahali pake.
2 Rois 13.13 2 Rois 10.35 2 Rois 13.10 2 Rois 14.8 1 Rois 14.13

Règne de Joas sur Israël

¹⁰ Katika mwaka wa thelathini na saba wa Yoashi mfalme wa Yuda, Yehoashi mwana wa Yehoahazi alianza kutawala juu ya Israeli katika Samaria, akatawala miaka kumi na sita.
¹¹ Akafanya yaliyo maovu machoni pa Bwana; hakuyaacha makosa ya Yeroboamu mwana wa Nebati, ambayo kwa hayo aliwakosesha Israeli; lakini akaendelea katika hayo.
2 Rois 13.2 2 Rois 3.3 2 Rois 13.6 2 Rois 10.29
¹² Basi mambo yote ya Yehoashi yaliyosalia, na yote aliyoyafanya, na ushujaa wake aliopigania na Amazia mfalme wa Yuda, je! Hayakuandikwa katika kitabu-cha-tarehe cha wafalme wa Israeli?
2 Rois 13.14-13.25 2 Rois 14.25 2 Chroniques 25.17-25.24 2 Rois 14.8-14.16
¹³ Yehoashi akalala na babaze; na Yeroboamu akakaa katika kiti chake cha enzi; naye Yehoashi akazikwa huko Samaria, pamoja na wafalme wa Israeli.
2 Rois 14.28-14.29 2 Samuel 7.12 1 Rois 2.10 1 Rois 11.31 1 Rois 1.21

Mort d’Élisée

¹⁴ Basi Elisha alikuwa ameshikwa na ugonjwa wake uliomwua; naye Yehoashi mfalme wa Israeli akatelemka amtazame, akamlilia mbele yake, akasema, Baba yangu! Baba yangu! Gari la Israeli na wapanda farasi wake!
2 Rois 2.12 Ezéchiel 14.14 Zacharie 1.5 Ezéchiel 22.30 2 Rois 6.21
¹⁵ Elisha akamwambia, Twaa uta na mishale; naye akatwaa uta na mishale.
¹⁶ Akamwambia mfalme wa Israeli, Weka mkono wako katika uta; naye akaweka mkono wake juu yake. Elisha akaweka mikono yake juu ya mikono ya mfalme.
2 Rois 4.34 Genèse 49.24 Psaumes 144.1
¹⁷ Akasema, Lifungue dirisha linaloelekea mashariki; akalifungua. Basi Elisha akasema, Piga; akapiga. Akasema, Mshale wa Bwana wa kushinda, naam, mshale wa kushinda Shamu, kwa maana utawapiga Washami katika Afeki hata utakapowaangamiza.
1 Rois 20.26 Jean 2.5-2.8 Jean 11.39-11.41 1 Samuel 4.1 2 Rois 5.10-5.14
¹⁸ Akasema, Itwae mishale; akaitwaa. Akamwambia mfalme wa Israeli, Piga chini; akaipiga nchi mara tatu, akaacha.
Ezéchiel 4.1-4.10 Esaïe 20.2-20.4 Exode 17.11 Ezéchiel 5.1-5.4 2 Rois 4.6
¹⁹ Yule mtu wa Mungu akamkasirikia, akasema, Ingalikupasa kupiga mara tano au mara sita; ndipo ungaliipiga Shamu hata kuiangamiza; bali sasa utaipiga Shamu mara tatu tu.
2 Rois 13.25 Marc 10.14 2 Rois 4.40 2 Rois 1.9-1.15 Marc 6.5
²⁰ Elisha akafa, nao wakamzika. Basi vikosi vya Wamoabi wakaingia katika nchi mwanzo wa mwaka.
2 Rois 24.2 2 Rois 3.7 2 Rois 3.5 Juges 3.12 2 Rois 6.23
²¹ Ikawa, walipokuwa wakimzika mtu, angalia, waliona kikosi; wakamtupa yule mtu kaburini mwa Elisha; mara yule maiti alipoigusa mifupa ya Elisha, alifufuka, akasimama kwa miguu.
Actes 19.12 Jean 5.25 2 Rois 4.35 Esaïe 26.19 Actes 5.15
²² Na Hazaeli mfalme wa Shamu akawaonea Israeli siku zote za Yehoahazi.
2 Rois 8.12 2 Rois 13.3-13.7 Psaumes 106.40-106.42
²³ Lakini Bwana akawahurumia, akawasikitikia, na kuwaangalia, kwa ajili ya agano lake na Ibrahimu, na Isaka, na Yakobo, wala hakutaka kuwaangamiza, wala hakuwatupa usoni pake bado.
2 Rois 14.27 Genèse 13.16-13.17 Exode 2.24-2.25 1 Rois 8.28 2 Rois 17.18
²⁴ Akafa Hazaeli mfalme wa Shamu, na Ben-hadadi mwanawe akatawala mahali pake.
Psaumes 125.3 Luc 18.7
²⁵ Naye Yehoashi, mwana wa Yehoahazi, akaitwaa tena mkononi mwa Ben-hadadi mwana wa Hazaeli miji ile aliyoitwaa yeye mkononi mwa Yehoahazi baba yake vitani. Mara tatu Yehoashi akamshinda, akairudisha miji ya Israeli.
2 Rois 13.18-13.19 2 Rois 10.32 2 Rois 14.25