2 Samuel 2.24
Vulgate

Sacre de David et d’Ish-Bosheth

¹ igitur post haec consuluit David Dominum dicens num ascendam in unam de civitatibus Iuda et ait Dominus ad eum ascende dixitque David quo ascendam et respondit ei in Hebron
1 Samuel 23.2 1 Samuel 30.31 1 Samuel 23.4 1 Samuel 23.9-23.12 Juges 1.1
² ascendit ergo David et duae uxores eius Ahinoem Iezrahelites et Abigail uxor Nabal Carmeli
1 Samuel 25.42-25.43 1 Samuel 30.5 Luc 22.28-22.29
³ sed et viros qui erant cum eo duxit David singulos cum domo sua et manserunt in oppidis Hebron
1 Samuel 30.1 1 Chroniques 12.1-12.7 1 Samuel 27.2-27.3 1 Samuel 22.2 1 Samuel 30.9-30.10
⁴ veneruntque viri Iuda et unxerunt ibi David ut regnaret super domum Iuda et nuntiatum est David quod viri Iabesgalaad sepelissent Saul
1 Samuel 31.11-31.13 2 Samuel 5.5 2 Samuel 5.3 1 Samuel 16.13 2 Samuel 19.11
⁵ misit ergo David nuntios ad viros Iabesgalaad dixitque ad eos benedicti vos Domino qui fecistis misericordiam hanc cum domino vestro Saul et sepelistis eum
1 Samuel 23.21 Ruth 2.20 Psaumes 115.15 1 Samuel 24.19 1 Samuel 25.32-25.33
⁶ et nunc retribuet quidem vobis Dominus misericordiam et veritatem sed et ego reddam gratiam eo quod feceritis verbum istud
Exode 34.6 2 Samuel 9.3 2 Samuel 9.7 2 Samuel 10.2 Psaumes 57.3
⁷ confortentur manus vestrae et estote filii fortitudinis licet enim mortuus sit dominus vester Saul tamen me unxit domus Iuda regem sibi
1 Samuel 4.9 1 Samuel 31.12 2 Samuel 10.12 1 Corinthiens 16.13 Genèse 15.1
⁸ Abner autem filius Ner princeps exercitus Saul tulit Hisboseth filium Saul et circumduxit eum per Castra
1 Samuel 14.50 Genèse 32.2 2 Samuel 17.26-17.27 1 Chroniques 8.33 2 Samuel 4.5-4.6
⁹ regemque constituit super Galaad et super Gesuri et super Iezrahel et super Ephraim et super Beniamin et super Israhel universum
Josué 13.8-13.11 Juges 1.32 Genèse 30.13 Nombres 1.40 Psaumes 108.8
¹⁰ quadraginta annorum erat Hisboseth filius Saul cum regnare coepisset super Israhel et duobus annis regnavit sola autem domus Iuda sequebatur David
¹¹ et fuit numerus dierum quos commoratus est David imperans in Hebron super domum Iuda septem annorum et sex mensuum
1 Rois 2.11 1 Chroniques 3.4 2 Samuel 5.4-5.5 1 Chroniques 29.27
¹² egressusque Abner filius Ner et pueri Hisboseth filii Saul de Castris in Gabaon
Josué 18.25 Josué 10.2 Josué 9.3 Josué 10.4 Genèse 32.2
¹³ porro Ioab filius Sarviae et pueri David egressi sunt et occurrerunt eis iuxta piscinam Gabaon et cum in unum convenissent e regione sederunt hii ex una parte piscinae et illi ex altera
1 Chroniques 2.16 2 Samuel 8.16 Jérémie 41.12 2 Samuel 2.18 2 Samuel 20.23
¹⁴ dixitque Abner ad Ioab surgant pueri et ludant coram nobis et respondit Ioab surgant
2 Samuel 2.17 Proverbes 10.23 Proverbes 26.18-26.19 Proverbes 20.18 Proverbes 17.14
¹⁵ surrexerunt ergo et transierunt numero duodecim de Beniamin ex parte Hisboseth filii Saul et duodecim de pueris David
¹⁶ adprehensoque unusquisque capite conparis sui defixit gladium in latus contrarii et ceciderunt simul vocatumque est nomen loci illius ager Robustorum in Gabaon
¹⁷ et ortum est bellum durum satis in die illa fugatusque est Abner et viri Israhel a pueris David
2 Samuel 3.1
¹⁸ erant autem ibi tres filii Sarviae Ioab et Abisai et Asahel porro Asahel cursor velocissimus fuit quasi unus ex capreis quae morantur in silvis
1 Chroniques 12.8 Habakuk 3.19 Cantique 8.14 Cantique 2.17 Psaumes 18.33
¹⁹ persequebatur autem Asahel Abner et non declinavit ad dexteram sive ad sinistram omittens persequi Abner
Josué 23.6 2 Rois 22.2 2 Samuel 2.21 Proverbes 4.27 Josué 1.7
²⁰ respexit itaque Abner post tergum suum et ait tune es Asahel qui respondit ego sum
²¹ dixitque ei Abner vade ad dextram sive ad sinistram et adprehende unum de adulescentibus et tolle tibi spolia eius noluit autem Asahel omittere quin urgueret eum
Juges 14.19
²² rursumque locutus est Abner ad Asahel recede noli me sequi ne conpellar confodere te in terra et levare non potero faciem meam ad Ioab fratrem tuum
2 Samuel 3.27 Proverbes 29.1 2 Rois 14.10-14.12 Ecclésiaste 6.10
²³ qui audire contempsit et noluit declinare percussit ergo eum Abner aversa hasta in inguine et transfodit et mortuus est in eodem loco omnesque qui transiebant per locum in quo ceciderat Asahel et mortuus erat subsistebant
2 Samuel 3.27 2 Samuel 4.6 2 Samuel 20.10 2 Samuel 5.6 2 Samuel 20.12-20.13
²⁴ persequentibus autem Ioab et Abisai fugientem Abner sol occubuit et venerunt usque ad collem Aquaeductus qui est ex adverso vallis et itineris deserti in Gabaon
²⁵ congregatique sunt filii Beniamin ad Abner et conglobati in unum cuneum steterunt in summitate tumuli unius
²⁶ et exclamavit Abner ad Ioab et ait num usque ad internicionem tuus mucro desaeviet an ignoras quod periculosa sit desperatio usquequo non dicis populo ut omittat persequi fratres suos
Jérémie 46.14 Jérémie 46.10 Actes 7.26 Jérémie 12.12 Jérémie 4.21
²⁷ et ait Ioab vivit Dominus si locutus fuisses mane recessisset populus persequens fratrem suum
2 Samuel 2.14 Proverbes 17.14 Job 27.2 Proverbes 25.8 1 Samuel 25.26
²⁸ insonuit ergo Ioab bucina et stetit omnis exercitus nec persecuti sunt ultra Israhel neque iniere certamen
²⁹ Abner autem et viri eius abierunt per campestria tota nocte illa et transierunt Iordanem et lustrata omni Bethoron venerunt ad Castra
2 Samuel 2.8 Cantique 2.17
³⁰ porro Ioab reversus omisso Abner congregavit omnem populum et defuerunt de pueris David decem et novem viri excepto Asahele
³¹ servi autem David percusserunt de Beniamin et de viris qui erant cum Abner trecentos sexaginta qui et mortui sunt
1 Rois 20.11 2 Samuel 3.1
³² tuleruntque Asahel et sepelierunt eum in sepulchro patris sui in Bethleem et ambulaverunt tota nocte Ioab et viri qui erant cum eo et in ipso crepusculo pervenerunt in Hebron
Proverbes 22.29 1 Chroniques 2.13-2.16 2 Chroniques 16.14 1 Samuel 17.58 2 Chroniques 21.1