1 Rois 21.24
Vulgate

Achab et la vigne de Naboth

¹ post verba autem haec vinea erat Naboth Hiezrahelitae qui erat in Hiezrahel iuxta palatium Ahab regis Samariae
2 Chroniques 28.22 Juges 6.33 1 Rois 18.45-18.46 Osée 1.4-1.5 Esaïe 9.13
² locutus est ergo Ahab ad Naboth dicens da mihi vineam tuam ut faciam mihi hortum holerum quia vicina est et prope domum meam daboque tibi pro ea vineam meliorem aut si tibi commodius putas argenti pretium quanto digna est
1 Samuel 8.14 Habakuk 2.9-2.11 Ecclésiaste 2.5 Jacques 1.14-1.15 Luc 12.15
³ cui respondit Naboth propitius mihi sit Dominus ne dem hereditatem patrum meorum tibi
Lévitique 25.23 Nombres 36.7 Ezéchiel 46.18 Romains 3.31 Romains 7.7
⁴ venit ergo Ahab in domum suam indignans et frendens super verbo quod locutus fuerat ad eum Naboth Hiezrahelites dicens non do tibi hereditatem patrum meorum et proiciens se in lectulum suum avertit faciem ad parietem et non comedit panem
1 Rois 20.43 Jacques 1.14 Ecclésiaste 7.8-7.9 1 Rois 21.3 Job 5.2
⁵ ingressa est autem ad eum Hiezabel uxor sua dixitque ei quid est hoc unde anima tua contristata est et quare non comedis panem
2 Samuel 13.4 Genèse 3.6 1 Rois 21.25 Esther 4.5 1 Rois 16.31
⁶ qui respondit ei locutus sum Naboth Hiezrahelitae et dixi ei da mihi vineam tuam accepta pecunia aut si tibi placet dabo tibi vineam pro ea et ille ait non do tibi vineam meam
Esther 5.9-5.14 1 Timothée 6.9-6.10 1 Rois 21.2-21.4 Jacques 4.2-4.7 Proverbes 14.30
⁷ dixit ergo ad eum Hiezabel uxor eius grandis auctoritatis es et bene regis regnum Israhel surge et comede panem et aequo esto animo ego dabo tibi vineam Naboth Hiezrahelitae
Michée 2.1-2.2 1 Rois 21.15-21.16 Daniel 5.19-5.21 Proverbes 30.31 Ecclésiaste 8.4
⁸ scripsit itaque litteras ex nomine Ahab et signavit eas anulo eius et misit ad maiores natu et ad optimates qui erant in civitate eius et habitabant cum Naboth
Esther 8.8-8.13 Esther 3.12-3.15 1 Rois 21.1 2 Rois 10.11 Nombres 11.16
⁹ litterarum autem erat ista sententia praedicate ieiunium et sedere facite Naboth inter primos populi
Genèse 34.13-34.17 Esaïe 58.4 Matthieu 2.8 Luc 20.47 Jean 18.28
¹⁰ et submittite duos viros filios Belial contra eum et falsum testimonium dicant benedixit Deum et regem et educite eum et lapidate sicque moriatur
Actes 6.11 Exode 22.28 Deutéronome 13.13 Lévitique 24.15-24.16 Juges 19.22
¹¹ fecerunt ergo cives eius maiores natu et optimates qui habitabant cum eo in urbe sicut praeceperat eis Hiezabel et sicut scriptum erat in litteris quas miserat ad eos
Proverbes 29.12 Actes 5.29 1 Samuel 23.20 Michée 6.16 Exode 1.17
¹² praedicaverunt ieiunium et sedere fecerunt Naboth inter primos populi
Esaïe 58.4 1 Rois 21.8-21.10
¹³ et adductis duobus viris filiis diaboli fecerunt eos sedere contra eum at illi scilicet ut viri diabolici dixerunt contra eum testimonium coram multitudine benedixit Naboth Deo et regi quam ob rem eduxerunt eum extra civitatem et lapidibus interfecerunt
2 Rois 9.26 Josué 7.24-7.25 Deutéronome 21.21 Proverbes 19.9 Actes 24.5
¹⁴ miseruntque ad Hiezabel dicentes lapidatus est Naboth et mortuus est
Ecclésiaste 5.8 2 Samuel 11.14-11.24 Ecclésiaste 8.14
¹⁵ factum est autem cum audisset Hiezabel lapidatum Naboth et mortuum locuta est ad Ahab surge posside vineam Naboth Hiezrahelitae qui noluit tibi adquiescere et dare eam accepta pecunia non enim vivit Naboth sed mortuus est
Proverbes 1.10-1.16 Proverbes 4.17 1 Rois 21.7
¹⁶ quod cum audisset Ahab mortuum videlicet Naboth surrexit et descendebat in vineam Naboth Hiezrahelitae ut possideret eam
2 Samuel 1.13-1.16 Esaïe 33.15 Romains 1.32 2 Pierre 2.15 2 Samuel 11.25-11.27
¹⁷ factus est igitur sermo Domini ad Heliam Thesbiten dicens
Psaumes 9.12 Esaïe 26.21 2 Rois 1.15-1.16 2 Rois 5.26
¹⁸ surge et descende in occursum Ahab regis Israhel qui est in Samaria ecce ad vineam Naboth descendit ut possideat eam
1 Rois 13.32 2 Chroniques 22.9
¹⁹ et loqueris ad eum dicens haec dicit Dominus occidisti insuper et possedisti et post haec addes haec dicit Dominus in loco hoc in quo linxerunt canes sanguinem Naboth lambent tuum quoque sanguinem
1 Rois 22.38 2 Samuel 12.9 Matthieu 7.2 Michée 3.1-3.4 Habakuk 2.9
²⁰ et ait Ahab ad Heliam num invenisti me inimice mee qui dixit inveni eo quod venundatus sis ut faceres malum in conspectu Domini
2 Rois 17.17 1 Rois 18.17 Romains 7.14 1 Rois 21.25 Ephésiens 4.19
²¹ ecce ego inducam super te malum et demetam posteriora tua et interficiam de Ahab mingentem ad parietem et clausum et ultimum in Israhel
1 Rois 14.10 2 Rois 10.11-10.14 2 Rois 10.30 Deutéronome 32.36 1 Samuel 25.22
²² et dabo domum tuam sicut domum Hieroboam filii Nabath et sicut domum Baasa filii Ahia quia egisti ut me ad iracundiam provocares et peccare fecisti Israhel
1 Rois 16.3 1 Rois 16.11 1 Rois 14.16 1 Rois 16.26 1 Rois 15.34
²³ sed et de Hiezabel locutus est Dominus dicens canes comedent Hiezabel in agro Hiezrahel
2 Rois 9.10 2 Rois 9.30-9.37 1 Rois 21.25
²⁴ si mortuus fuerit Ahab in civitate comedent eum canes si autem mortuus fuerit in agro comedent eum volucres caeli
1 Rois 16.4 1 Rois 14.11 Ezéchiel 32.4-32.5 Ezéchiel 39.18-39.20 Jérémie 15.3
²⁵ igitur non fuit alter talis ut Ahab qui venundatus est ut faceret malum in conspectu Domini concitavit enim eum Hiezabel uxor sua
1 Rois 21.20 1 Rois 16.30-16.33 Proverbes 22.14 1 Rois 11.1-11.4 2 Rois 17.17
²⁶ et abominabilis effectus est in tantum ut sequeretur idola quae fecerant Amorrei quos consumpsit Dominus a facie filiorum Israhel
2 Rois 21.11 Genèse 15.16 Lévitique 18.25-18.30 2 Chroniques 33.9 Jérémie 44.4
²⁷ itaque cum audisset Ahab sermones istos scidit vestem suam et operuit cilicio carnem suam ieiunavitque et dormivit in sacco et ambulabat dimisso capite
2 Rois 6.30 Genèse 37.34 2 Samuel 3.31 Jonas 3.6 2 Samuel 12.16-12.17
²⁸ factus est autem sermo Domini ad Heliam Thesbiten dicens
²⁹ nonne vidisti humiliatum Ahab coram me quia igitur humiliatus est mei causa non inducam malum in diebus eius sed in diebus filii sui inferam malum domui eius
2 Rois 9.25-9.26 2 Pierre 3.9 Exode 10.3 2 Rois 9.33-10.7 Michée 7.18