1 Chroniques 12
Vulgate

1 hii quoque venerunt ad David in Siceleg cum adhuc fugeret Saul filium Cis qui erant fortissimi et egregii pugnatores
1 Samuel 27.2-27.6 2 Samuel 4.10 1 Chroniques 8.33 1 Chroniques 11.19 2 Samuel 1.1
2 tendentes arcum et utraque manu fundis saxa iacientes et dirigentes sagittas de fratribus Saul ex Beniamin
Juges 20.16 Juges 3.15 1 Chroniques 12.29 1 Samuel 17.49
3 princeps Ahiezer et Ioas filii Sammaa Gabathites et Iazihel et Phallet filii Azmoth et Baracha et Ieu Anathothites
1 Chroniques 11.28 1 Samuel 11.4 1 Chroniques 11.33 2 Samuel 21.6
4 Samaias quoque Gabaonites fortissimus inter triginta et super triginta
Josué 15.36 Josué 9.3 1 Chroniques 11.15 Josué 9.17-9.23
5 Hieremias et Iezihel et Iohanan et Iezbad Gaderothites
6 Eluzai et Ierimuth et Baalia et Samaria et Saphatia Aruphites
7 Helcana et Iesia et Azrahel et Ioezer et Iesbaam de Careim
Josué 15.58 1 Chroniques 4.39 1 Chroniques 4.18
8 Ioeela quoque et Zabadia filii Ieroam de Gedor
2 Samuel 2.18 2 Samuel 17.10 2 Samuel 23.20 1 Samuel 24.22 1 Chroniques 11.16
9 sed et de Gaddi transfugerunt ad David cum lateret in deserto viri robustissimi et pugnatores optimi tenentes clypeum et hastam facies eorum quasi facies leonis et veloces quasi capreae in montibus
10 Ezer princeps Obdias secundus Eliab tertius
11 Masmana quartus Hieremias quintus
12 Hetthi sextus Helihel septimus
13 Iohanan octavus Helzebad nonus
14 Hieremias decimus Bachannai undecimus
Deutéronome 32.30 Lévitique 26.8
15 hii de filiis Gad principes exercitus novissimus centum militibus praeerat et maximus mille
Josué 3.15 Josué 4.18 Jérémie 49.19 Jérémie 12.5
16 isti sunt qui transierunt Iordanem mense primo quando inundare consuevit super ripas suas et omnes fugaverunt qui morabantur in vallibus ad orientalem plagam et occidentalem
17 venerunt autem et de Beniamin et de Iuda ad praesidium in quo morabatur David
Philippiens 1.27 Jude 1.9 1 Rois 2.13 1 Corinthiens 1.10 2 Corinthiens 13.11
18 egressusque est David obviam eis et ait si pacifice venistis ad me ut auxiliemini mihi cor meum iungatur vobis si autem insidiamini mihi pro adversariis meis cum ego iniquitatem in manibus non habeam videat Deus patrum nostrorum et iudicet
Juges 6.34 2 Samuel 17.25 Juges 3.10 Matthieu 12.30 2 Rois 10.5
19 spiritus vero induit Amessai principem inter triginta et ait tui sumus o David et tecum fili Isai pax pax tibi et pax adiutoribus tuis te enim adiuvat Deus tuus suscepit ergo eos David et constituit principes turmae
1 Samuel 29.2-29.9
20 porro de Manasse transfugerunt ad David quando veniebat cum Philisthim adversum Saul ut pugnaret et non dimicavit cum eis quia inito consilio remiserunt eum principes Philisthinorum dicentes periculo capitis nostri revertetur ad dominum suum Saul
Exode 18.21 Deutéronome 1.15 Deutéronome 33.17 1 Samuel 29.11
21 quando igitur reversus est in Siceleg transfugerunt ad eum de Manasse Ednas et Iozabad et Iedihel et Michahel et Iozabad et Heliu et Salathi principes milium in Manasse
1 Samuel 30.1-30.17 1 Chroniques 11.21-11.22 1 Chroniques 12.20 1 Chroniques 5.24 1 Chroniques 11.10
22 hii praebuerunt auxilium David adversum latrunculos omnes enim erant viri fortissimi et facti sunt principes in exercitu
Genèse 32.2 Josué 5.14 2 Samuel 2.2-2.4 Job 17.9 Psaumes 148.2
23 sed et per singulos dies veniebant ad David ad auxiliandum ei usque dum fieret grandis numerus quasi exercitus Dei
2 Samuel 2.3-2.4 1 Chroniques 11.10 1 Samuel 16.1 1 Samuel 16.3 1 Samuel 16.12-16.13

Israélites venus sacrer David à Hébron

24 iste quoque est numerus principum exercitus qui venerunt ad David cum esset in Hebron ut transferrent regnum Saul ad eum iuxta verbum Domini
25 filii Iuda portantes clypeum et hastam sex milia octingenti expediti ad proelium
26 de filiis Symeon virorum fortissimorum ad pugnandum septem milia centum
27 de filiis Levi quattuor milia sescenti
2 Rois 11.4 2 Rois 25.18 1 Chroniques 6.49-6.57 2 Rois 11.9 1 Chroniques 27.17
28 Ioiada quoque princeps de stirpe Aaron et cum eo tria milia septingenti
2 Samuel 8.17 1 Chroniques 6.8 1 Chroniques 6.53 1 Rois 2.35 Ezéchiel 44.15
29 Sadoc etiam puer egregiae indolis et domus patris eius principes viginti duo
2 Samuel 2.8-2.9 1 Chroniques 12.2 Genèse 31.23
30 de filiis autem Beniamin fratribus Saul tria milia magna enim pars eorum adhuc sequebatur domum Saul
Genèse 6.4
31 porro de filiis Ephraim viginti milia octingenti fortissimi robore viri nominati in cognationibus suis
Josué 17.1-17.18
32 et ex dimidia parte tribus Manasse decem et octo milia singuli per nomina sua venerunt ut constituerent regem David
Esther 1.13 Michée 6.9 Esaïe 33.6 Luc 12.56-12.57 Esaïe 22.12-22.14
33 de filiis quoque Isachar viri eruditi qui norant singula tempora ad praecipiendum quid facere deberet Israhel principes ducenti omnis autem reliqua tribus eorum consilium sequebatur
Psaumes 12.2 Jean 1.47
34 porro de Zabulon qui egrediebantur ad proelium et stabant in acie instructi armis bellicis quinquaginta milia venerunt in auxilium non in corde duplici
35 et de Nepthali principes mille et cum eis instructa clypeo et hasta triginta septem milia
36 de Dan etiam praeparata ad proelium viginti octo milia sescentorum
1 Chroniques 12.33 Joël 2.7
37 et de Aser egredientes ad pugnam et in acie provocantes quadraginta milia
Josué 22.1-22.10 Josué 14.3 Josué 13.7-13.32 Deutéronome 3.12-3.16 1 Chroniques 5.1-5.10
38 trans Iordanem autem de filiis Ruben et Gad et dimidia parte tribus Manasse instructa armis bellicis centum viginti milia
1 Rois 8.61 Ezéchiel 11.19 2 Samuel 5.1-5.3 2 Rois 20.3 2 Chroniques 30.12
39 omnes isti viri bellatores et expediti ad pugnandum corde perfecto venerunt in Hebron ut constituerent regem David super universum Israhel sed et omnes reliqui ex Israhel uno corde erant ut rex fieret David
Genèse 26.30 2 Samuel 19.42 2 Samuel 6.19 Genèse 31.54
40 fueruntque ibi apud David tribus diebus comedentes et bibentes praeparaverunt enim eis fratres sui
1 Samuel 25.18 2 Samuel 16.1 2 Rois 11.20 Jérémie 23.5-23.6 Proverbes 11.10
41 sed et qui iuxta eos erant usque ad Isachar et Zabulon et Nepthalim adferebant panes in asinis et camelis et mulis et bubus ad vescendum farinam palatas uvam passam vinum oleum boves arietes ad omnem copiam gaudium quippe erat in Israhel