2 Chroniques 25
Vulgate

Règne d’Amatsia

1 viginti quinque annorum erat Amasias cum regnare coepisset et viginti novem annis regnavit in Hierusalem nomen matris eius Ioaden de Hierusalem
2 Rois 14.1-14.6
2 fecitque bonum in conspectu Domini verumtamen non in corde perfecto
2 Chroniques 25.14 2 Chroniques 24.2 Jacques 4.8 Actes 8.21 Osée 10.2
3 cumque roboratum sibi videret imperium iugulavit servos qui occiderant regem patrem suum
2 Rois 14.5-14.22 Exode 21.14 2 Chroniques 24.25-24.26 Nombres 35.31-35.33 Genèse 9.5-9.6
4 sed filios eorum non interfecit sicut scriptum est in libro legis Mosi ubi praecepit Dominus dicens non occidentur patres pro filiis neque filii pro patribus suis sed unusquisque in suo peccato morietur
Deutéronome 24.16 Ezéchiel 18.20 2 Rois 14.5-14.6 Ezéchiel 18.4 Jérémie 31.29-31.30
5 congregavit igitur Amasias Iudam et constituit eos per familias tribunosque et centuriones in universo Iuda et Beniamin et recensuit a viginti annis sursum invenitque triginta milia iuvenum qui egrederentur ad pugnam et tenerent hastam et clypeum
Nombres 1.3 2 Chroniques 17.14-17.18 2 Chroniques 11.1 2 Chroniques 14.8 Exode 18.25
6 mercede quoque conduxit de Israhel centum milia robustorum centum talentis argenti
7 venit autem homo Dei ad illum et ait o rex ne egrediatur tecum exercitus Israhel non est enim Dominus cum Israhel et cunctis filiis Ephraim
2 Chroniques 19.2 1 Rois 12.28 Esaïe 28.1-28.3 Osée 5.13-5.15 2 Chroniques 13.12
8 quod si putas in robore exercitus bella consistere superari te faciet Deus ab hostibus Dei quippe est et adiuvare et in fugam vertere
2 Chroniques 20.6 2 Chroniques 14.11 Philippiens 4.19 Psaumes 24.1 Psaumes 62.11
9 dixitque Amasias ad hominem Dei quid ergo fiet de centum talentis quae dedi militibus Israhel et respondit ei homo Dei habet Dominus unde tibi dare possit multo his plura
Deutéronome 8.18 Proverbes 10.22
10 separavit itaque Amasias exercitum qui venerat ad eum ex Ephraim ut reverteretur in locum suum at illi contra Iudam vehementer irati reversi sunt in regionem suam
Proverbes 29.22 2 Samuel 19.43 1 Rois 12.24
11 porro Amasias confidenter eduxit populum suum et abiit in vallem Salinarum percussitque filios Seir decem milia
2 Rois 14.7 2 Samuel 8.13 Psaumes 60.1
12 et alia decem milia virorum ceperunt filii Iuda et adduxerunt ad praeruptum cuiusdam petrae praecipitaveruntque eos de summo in praeceps qui universi crepuerunt
1 Chroniques 20.3 2 Chroniques 20.10 2 Samuel 12.31 2 Chroniques 21.8-21.10
13 at ille exercitus quem remiserat Amasias ne secum iret ad proelium diffusus est in civitatibus Iuda a Samaria usque Bethoron et interfectis tribus milibus diripuit praedam magnam
1 Rois 16.24 2 Chroniques 8.5 1 Rois 16.29 1 Rois 9.17

Idolâtrie d’Amatsia

14 Amasias vero post caedem Idumeorum et adlatos deos filiorum Seir statuit illos in deos sibi et adorabat eos et illis adolebat incensum
2 Chroniques 28.23 Deutéronome 7.25 Exode 20.3-20.5 Esaïe 44.19 Deutéronome 7.5
15 quam ob rem iratus Dominus contra Amasiam misit ad illum prophetam qui diceret ei cur adorasti deos qui non liberaverunt populum suum de manu tua
Psaumes 96.5 2 Chroniques 25.11-25.12 2 Samuel 12.1-12.6 Juges 2.2 2 Chroniques 19.2
16 cumque haec ille loqueretur respondit ei num consiliarius regis es quiesce ne interficiam te discedensque propheta scio inquit quod cogitaverit Dominus occidere te qui et fecisti hoc malum et insuper non adquievisti consilio meo
Apocalypse 11.10 Matthieu 21.23 2 Chroniques 18.25 Amos 7.10-7.13 Esaïe 46.10
17 igitur Amasias rex Iuda inito pessimo consilio misit ad Ioas filium Ioachaz filii Hieu regem Israhel dicens veni videamus nos mutuo
2 Rois 14.8-14.14 2 Samuel 2.14 2 Chroniques 25.13 Proverbes 20.3
18 at ille remisit nuntium dicens carduus qui est in Libano misit ad cedrum Libani dicens da filiam tuam filio meo uxorem et ecce bestiae quae erant in silva Libani transierunt et conculcaverunt carduum
Juges 9.8-9.15 1 Rois 4.33 Psaumes 80.13
19 dixisti percussi Edom et idcirco erigitur cor tuum in superbiam sede in domo tua cur malum adversum te provocas ut cadas et tu et Iudas tecum
2 Chroniques 26.16 2 Chroniques 32.25 Jacques 4.6 1 Corinthiens 1.29 Habakuk 2.4
20 noluit audire Amasias eo quod Domini esset voluntas ut traderetur in manibus hostium propter deos Edom
2 Chroniques 22.7 1 Rois 12.15 1 Pierre 2.8 Psaumes 81.11-81.12 2 Thessaloniciens 2.9-2.11
21 ascendit igitur Ioas rex Israhel et mutuos sibi praebuere conspectus Amasias autem rex Iuda erat in Bethsames Iudae
1 Samuel 6.19-6.20 1 Samuel 6.9 Josué 21.16
22 corruitque Iudas coram Israhel et fugit in tabernacula sua
1 Rois 22.36 2 Chroniques 28.5-28.6 1 Samuel 4.10
23 porro Amasiam regem Iuda filium Ioas filii Ioachaz cepit Ioas rex Israhel in Bethsames et adduxit in Hierusalem destruxitque murum eius a porta Ephraim usque ad portam Anguli quadringentis cubitis
Néhémie 8.16 2 Chroniques 21.17 Néhémie 12.39 2 Chroniques 26.9 2 Chroniques 22.1
24 omne quoque aurum et argentum et universa vasa quae reppererat in domo Dei et apud Obededom in thesauris etiam domus regiae necnon et filios obsidum reduxit Samariam
1 Chroniques 26.15 2 Rois 14.14 2 Chroniques 12.9
25 vixit autem Amasias filius Ioas rex Iuda postquam mortuus est Ioas filius Ioachaz rex Israhel quindecim annis
2 Rois 14.17-14.22
26 reliqua vero sermonum Amasiae priorum et novissimorum scripta sunt in libro regum Iuda et Israhel
2 Chroniques 20.34 2 Rois 14.15
27 qui postquam recessit a Domino tetenderunt ei insidias in Hierusalem cumque fugisset Lachis miserunt et interfecerunt eum ibi
Josué 10.31 2 Chroniques 24.25 2 Rois 14.19 2 Chroniques 15.2
28 reportantesque super equos sepelierunt eum cum patribus suis in civitate David
2 Rois 14.20