2 Chroniques 25.15
Vulgate

¹ viginti quinque annorum erat Amasias cum regnare coepisset et viginti novem annis regnavit in Hierusalem nomen matris eius Ioaden de Hierusalem2 Rois 14.1-14.6
² fecitque bonum in conspectu Domini verumtamen non in corde perfecto2 Chroniques 25.14 Jacques 4.8 2 Chroniques 24.2 Actes 8.21 Osée 10.2
³ cumque roboratum sibi videret imperium iugulavit servos qui occiderant regem patrem suumExode 21.14 2 Chroniques 24.25-24.26 Nombres 35.31-35.33 Genèse 9.5-9.6 2 Rois 14.5-14.22
⁴ sed filios eorum non interfecit sicut scriptum est in libro legis Mosi ubi praecepit Dominus dicens non occidentur patres pro filiis neque filii pro patribus suis sed unusquisque in suo peccato morieturDeutéronome 24.16 Ezéchiel 18.20 2 Rois 14.5-14.6 Ezéchiel 18.4 Jérémie 31.29-31.30
⁵ congregavit igitur Amasias Iudam et constituit eos per familias tribunosque et centuriones in universo Iuda et Beniamin et recensuit a viginti annis sursum invenitque triginta milia iuvenum qui egrederentur ad pugnam et tenerent hastam et clypeumNombres 1.3 2 Chroniques 17.14-17.18 2 Chroniques 11.1 Exode 18.25 2 Chroniques 26.13
⁶ mercede quoque conduxit de Israhel centum milia robustorum centum talentis argenti ⁷ venit autem homo Dei ad illum et ait o rex ne egrediatur tecum exercitus Israhel non est enim Dominus cum Israhel et cunctis filiis Ephraim2 Chroniques 19.2 Esaïe 28.1-28.3 Osée 5.13-5.15 2 Chroniques 13.12 1 Timothée 6.11
⁸ quod si putas in robore exercitus bella consistere superari te faciet Deus ab hostibus Dei quippe est et adiuvare et in fugam vertere2 Chroniques 20.6 2 Chroniques 14.11 Philippiens 4.19 Psaumes 33.10 Aggée 2.8
⁹ dixitque Amasias ad hominem Dei quid ergo fiet de centum talentis quae dedi militibus Israhel et respondit ei homo Dei habet Dominus unde tibi dare possit multo his pluraProverbes 10.22 Deutéronome 8.18
¹⁰ separavit itaque Amasias exercitum qui venerat ad eum ex Ephraim ut reverteretur in locum suum at illi contra Iudam vehementer irati reversi sunt in regionem suam2 Samuel 19.43 1 Rois 12.24 Proverbes 29.22
¹¹ porro Amasias confidenter eduxit populum suum et abiit in vallem Salinarum percussitque filios Seir decem milia2 Rois 14.7 Psaumes 60.1 2 Samuel 8.13
¹² et alia decem milia virorum ceperunt filii Iuda et adduxerunt ad praeruptum cuiusdam petrae praecipitaveruntque eos de summo in praeceps qui universi crepuerunt2 Chroniques 20.10 2 Samuel 12.31 2 Chroniques 21.8-21.10 1 Chroniques 20.3
¹³ at ille exercitus quem remiserat Amasias ne secum iret ad proelium diffusus est in civitatibus Iuda a Samaria usque Bethoron et interfectis tribus milibus diripuit praedam magnam2 Chroniques 8.5 1 Rois 16.29 1 Rois 9.17 1 Rois 16.24
¹⁴ Amasias vero post caedem Idumeorum et adlatos deos filiorum Seir statuit illos in deos sibi et adorabat eos et illis adolebat incensum2 Chroniques 28.23 Exode 20.3-20.5 Esaïe 44.19 Deutéronome 7.5 2 Samuel 5.21
¹⁵ quam ob rem iratus Dominus contra Amasiam misit ad illum prophetam qui diceret ei cur adorasti deos qui non liberaverunt populum suum de manu tua2 Chroniques 25.11-25.12 Psaumes 96.5 2 Chroniques 19.2 1 Corinthiens 10.20 2 Chroniques 24.20
¹⁶ cumque haec ille loqueretur respondit ei num consiliarius regis es quiesce ne interficiam te discedensque propheta scio inquit quod cogitaverit Dominus occidere te qui et fecisti hoc malum et insuper non adquievisti consilio meoEsaïe 46.10 2 Chroniques 24.21 Jérémie 29.26 2 Timothée 4.3 Esaïe 30.10-30.11
¹⁷ igitur Amasias rex Iuda inito pessimo consilio misit ad Ioas filium Ioachaz filii Hieu regem Israhel dicens veni videamus nos mutuo2 Rois 14.8-14.14 2 Chroniques 25.13 Proverbes 20.3 2 Samuel 2.14
¹⁸ at ille remisit nuntium dicens carduus qui est in Libano misit ad cedrum Libani dicens da filiam tuam filio meo uxorem et ecce bestiae quae erant in silva Libani transierunt et conculcaverunt carduumJuges 9.8-9.15 1 Rois 4.33 Psaumes 80.13
¹⁹ dixisti percussi Edom et idcirco erigitur cor tuum in superbiam sede in domo tua cur malum adversum te provocas ut cadas et tu et Iudas tecum2 Chroniques 26.16 2 Chroniques 32.25 2 Chroniques 35.21 Deutéronome 8.14 Proverbes 18.6
²⁰ noluit audire Amasias eo quod Domini esset voluntas ut traderetur in manibus hostium propter deos Edom2 Chroniques 22.7 1 Rois 12.15 Psaumes 81.11-81.12 2 Thessaloniciens 2.9-2.11 2 Chroniques 25.16
²¹ ascendit igitur Ioas rex Israhel et mutuos sibi praebuere conspectus Amasias autem rex Iuda erat in Bethsames Iudae1 Samuel 6.9 Josué 21.16 1 Samuel 6.19-6.20
²² corruitque Iudas coram Israhel et fugit in tabernacula sua2 Chroniques 28.5-28.6 1 Samuel 4.10 1 Rois 22.36
²³ porro Amasiam regem Iuda filium Ioas filii Ioachaz cepit Ioas rex Israhel in Bethsames et adduxit in Hierusalem destruxitque murum eius a porta Ephraim usque ad portam Anguli quadringentis cubitisNéhémie 8.16 2 Chroniques 21.17 Néhémie 12.39 2 Chroniques 26.9 2 Chroniques 22.1
²⁴ omne quoque aurum et argentum et universa vasa quae reppererat in domo Dei et apud Obededom in thesauris etiam domus regiae necnon et filios obsidum reduxit Samariam1 Chroniques 26.15 2 Rois 14.14 2 Chroniques 12.9
²⁵ vixit autem Amasias filius Ioas rex Iuda postquam mortuus est Ioas filius Ioachaz rex Israhel quindecim annis2 Rois 14.17-14.22
²⁶ reliqua vero sermonum Amasiae priorum et novissimorum scripta sunt in libro regum Iuda et Israhel2 Rois 14.15 2 Chroniques 20.34
²⁷ qui postquam recessit a Domino tetenderunt ei insidias in Hierusalem cumque fugisset Lachis miserunt et interfecerunt eum ibi2 Chroniques 24.25 2 Rois 14.19 2 Chroniques 15.2 Josué 10.31
²⁸ reportantesque super equos sepelierunt eum cum patribus suis in civitate David2 Rois 14.20